2026 Womens T20 WC: మహిళల టీ20 వరల్డ్ కప్.. భారత్- పాక్ మ్యాచ్ ఎప్పుడంటే?
ఐసీసీ మహిళల టీ20 వరల్డ్ కప్ 2026 కోసం షెడ్యూల్ను విడుదల చేసింది. టోర్నమెంట్ జూన్ 12, 2026 నుంచి ప్రారంభమవుతుంది. మొదటి సెమీఫైనల్ జూన్ 30న, రెండవ సెమీఫైనల్ జులై 2న ఆడబడుతుంది.
- Author : Gopichand
Date : 18-06-2025 - 5:24 IST
Published By : Hashtagu Telugu Desk
2026 Womens T20 WC: భారత క్రికెట్ కంట్రోల్ బోర్డు (బీసీసీఐ), ఐసీసీ మహిళల టీ20 వరల్డ్ కప్ 2026 కోసం టీమ్ ఇండియా షెడ్యూల్ను (2026 Womens T20 WC) విడుదల చేసింది. భారత్ -పాకిస్థాన్ మధ్య మ్యాచ్ తేదీ కూడా లాక్ అయింది. ఈ టోర్నమెంట్కు ఇంగ్లాండ్ ఆతిథ్యం ఇస్తోంది. ఈ ఐసీసీ ఈవెంట్ జూన్ 12, 2026న ఇంగ్లాండ్, శ్రీలంక మధ్య మ్యాచ్తో ప్రారంభమవుతుంది. భారత్- పాకిస్థాన్ మధ్య ఈ మహాముఖాముఖీ ఎప్పుడు జరుగుతుందో తెలుసుకుందాం.
ఐసీసీ షెడ్యూల్ విడుదల చేసింది
ఐసీసీ మహిళల టీ20 వరల్డ్ కప్ 2026 కోసం షెడ్యూల్ను విడుదల చేసింది. టోర్నమెంట్ జూన్ 12, 2026 నుంచి ప్రారంభమవుతుంది. మొదటి సెమీఫైనల్ జూన్ 30న, రెండవ సెమీఫైనల్ జులై 2న ఆడబడుతుంది. ఫైనల్ మ్యాచ్ జులై 5న జరుగుతుంది. ఈ టోర్నమెంట్ మ్యాచ్లు ఇంగ్లాండ్లోని ఎడ్జ్బాస్టన్, హాంప్షైర్ బౌల్, హెడింగ్లీ, ఓల్డ్ ట్రాఫోర్డ్, ది ఓవల్, బ్రిస్టల్ కౌంటీ గ్రౌండ్, లార్డ్స్లో జరగనున్నాయి. కొన్ని జట్లు ఇంకా వరల్డ్ కప్కు అర్హత సాధించలేదని, వాటి టోర్నమెంట్లో చేరడం ఇంకా ఖరారు కాలేదని తెలుస్తోంది.
Also Read: LiFe Style : అర్ధరాత్రి దాటాక జంక్ ఫుడ్, కూల్ డ్రింక్స్ తాగుతున్నారా? ఇక మీ పని అయిపోయినట్లే!
📍 England and Wales
🗓️ 2026
Here are #TeamIndia's fixtures for ICC Women's T20 World Cup 2026! 🙌 pic.twitter.com/PTtPmpDCZX
— BCCI Women (@BCCIWomen) June 18, 2025
భారత్-పాకిస్థాన్ మ్యాచ్ ఎప్పుడు?
ఐసీసీ భారత్- పాకిస్థాన్ మధ్య మహాముఖాముఖీని జూన్ 14 ఆదివారం ఏర్పాటు చేసింది. ఇది భారత కాలమానం ప్రకారం సాయంత్రం 7 గంటల నుంచి ఎడ్జ్బాస్టన్లో జరగనుంది. ఆ తర్వాత టీమ్ ఇండియా జూన్ 21న దక్షిణాఫ్రికాతో, జూన్ 28న ఆస్ట్రేలియాతో తలపడనుంది. టీమ్ ఇండియా మూడు మ్యాచ్లు అర్హత సాధించే జట్లతో ఉంటాయని, వీటి గురించి ఇంకా ప్రకటన రాలేదని తెలుస్తోంది. ఈ మ్యాచ్లు జూన్ 17, 25న ఆడనున్నాయి. ఐసీసీ మహిళల టీ20 వరల్డ్ కప్ 2026కు ముందు ఐసీసీ మహిళల వన్డే వరల్డ్ కప్ 2025 జరగనుంది. ఈ టోర్నమెంట్లో కూడా భారత్ – పాకిస్థాన్ మధ్య మ్యాచ్ జరగనుంది. దీంతో క్రికెట్ అభిమానులకు ఒక సంవత్సరంలో రెండు సార్లు భారత్-పాకిస్థాన్ జట్ల మధ్య మ్యాచ్ చూసే అవకాశం లభిస్తుంది.
Follow us
