LiFe Style : అర్ధరాత్రి దాటాక జంక్ ఫుడ్, కూల్ డ్రింక్స్ తాగుతున్నారా? ఇక మీ పని అయిపోయినట్లే!

LiFe Style : ఇటీవలి కాలంలో అర్ధరాత్రి దాటాక కొందరు జంక్ ఫుడ్స్ తినడం, కూల్ డ్రింక్స్ తాగడం చేస్తున్నారు. ఇటువంటి జీవనం గడుపుతున్న వారిలో అధికంగా ఐటీ ఉద్యోగులు, నైట్ ఫిష్ట్ చేసే ఉద్యోగులు ఉన్నట్లు తెలుస్తోంది. వీరితే పాటే హాస్టల్స్ లో ఉండే విద్యార్థులు సైతం ఇటువంటి ఆహారాలకు అలవాటు పడినట్లు తెలుస్తోంది. అయితే, ఇలా జంక్ ఫుడ్స్ తింటూ అనారోగ్యానికి గురవుతున్న వారి సంఖ్య క్రమంలో పెరుగుతోందని వైద్యులు చెబుతున్నారు.

అర్ధరాత్రి జంక్ ఫుడ్ తింటూ, కూల్ డ్రింక్స్ తాగడం అనేది చాలా మందికి ప్రస్తుత కాలంలో ఒక అలవాటుగా మారిపోయింది. టీవీ చూస్తూనో, స్నేహితులతో కబుర్లు చెబుతూనో లేదా పని ఒత్తిడిలోనో ఇలాంటి ఆహారాన్ని కొందరు తరచుగా తీసుకుంటున్నారు.అయితే,ఈ అలవాటు ఆరోగ్యానికి చాలా చేటు చేస్తుందని కొందరు గుర్తించలేకపోతున్నారు. అందుకే నేటితరం అమ్మాయిలు, మహిళలు ఈ జంక్ ఫుడ్స్ వలన అనేక సమస్యలను ఎదుర్కోవాల్సి వస్తుందని గైనకాలజిస్టులు సైతం హెచ్చరిస్తున్నారు.

YS Sharmila: బైబిల్ మీద ప్రమాణం చేసి చెప్తున్న.. ఫోన్ ట్యాపింగ్ పై వైఎస్ షర్మిల కీలక వ్యాఖ్యలు

అర్ధరాత్రి జంక్ ఫుడ్, కూల్ డ్రింక్స్ వల్ల కలిగే నష్టాలు..

అర్ధరాత్రి జంక్ ఫుడ్, కూల్ డ్రింక్స్ తీసుకోవడం వలన అధికంగా జీర్ణ సమస్యలు రావొచ్చు.రాత్రిపూట మన జీర్ణవ్యవస్థ విశ్రాంతి తీసుకుంటుంది. ఈ సమయంలో బర్గర్‌లు, పిజ్జాలు, చిప్స్ వంటి భారీ ఆహారాన్ని తీసుకోవడం వల్ల జీర్ణం కావడం కష్టమవుతుంది. ఇది ఎసిడిటీ, గుండెల్లో మంట, అజీర్ణం, గ్యాస్ వంటి సమస్యలకు దారితీస్తుంది. ఉదయం నిద్రలేవగానే కడుపు ఉబ్బరంగా అనిపించవచ్చు.

ఇక నిద్రలేమి ఒకటి, దానితో పాటు జంక్ ఫుడ్‌లో అధిక కొవ్వు, చక్కెర ఉంటాయి. కూల్ డ్రింక్స్‌లో కెఫిన్, చక్కెర స్థాయిలు ఎక్కువగా ఉంటాయి. ఇవి నిద్రను ప్రభావితం చేస్తాయి. శరీరం జీర్ణక్రియపై దృష్టి పెట్టడం వల్ల నిద్ర సరిగ్గా పట్టదు, లేదా మధ్యమధ్యలో మెలకువ రావచ్చు. ఫలితంగా, మరుసటి రోజు అలసటగా, ఏకాగ్రత లోపించి ఉంటుంది. రాత్రిపూట తీసుకున్న కేలరీలు జీర్ణం కాకుండా కొవ్వుగా శరీరంలో పేరుకుపోతాయి. ముఖ్యంగా జంక్ ఫుడ్‌లో ఉండే అనారోగ్యకరమైన కొవ్వులు, కూల్ డ్రింక్స్‌లోని చక్కెరలు బరువు పెరగడానికి ప్రధాన కారణాలు. ఊబకాయం వల్ల డయాబెటిస్, గుండె జబ్బులు వంటి తీవ్రమైన ఆరోగ్య సమస్యలు తలెత్తే ప్రమాదం ఉంది.

కూల్ డ్రింక్స్‌లోని చక్కెర, ఆమ్లాలు దంతాల ఎనామెల్‌ను దెబ్బతీస్తాయి, దీనివల్ల దంతసమస్యలు, పురుగులు వచ్చే అవకాశం పెరుగుతుంది. రాత్రిపూట నోటిని సరిగ్గా శుభ్రం చేసుకోకపోతే ఈ సమస్య మరింత తీవ్రమవుతుంది. రాత్రిపూట చక్కెర అధికంగా ఉన్న ఆహారం తీసుకోవడం వల్ల రక్తంలో చక్కెర స్థాయిలు ఒక్కసారిగా పెరుగుతాయి, ఆ తర్వాత వేగంగా పడిపోతాయి. ఇది నిద్రలేచే సమయానికి అలసట, బలహీనతకు దారితీస్తుంది. ఈ అలవాటును వీలైనంత త్వరగా మానుకోవడం మన దీర్ఘకాలిక ఆరోగ్యానికి చాలా ముఖ్యం. రాత్రిపూట ఆకలి వేస్తే, పాలు, పండ్లు, లేదా కొన్ని నట్స్ వంటి తేలికపాటి, ఆరోగ్యకరమైన స్నాక్స్ ఎంచుకోవడం మంచిదని ఆరోగ్య నిపుణులు చెబుతున్నారు.

YS Jagan : వైఎస్ జగన్ పర్యటనలో అపశృతి.. జగన్ కాన్వాయ్ ఢీ కొని వృద్ధుడు మృతి