DDCA Felicitates Virat Kohli: అప్పుడు కోహ్లీని మర్చిపోయిన ఢిల్లీ.. ఇప్పుడు ప్రత్యేక గౌరవం!
- Author : Gopichand
Date : 31-01-2025 - 7:46 IST
Published By : Hashtagu Telugu Desk
DDCA Felicitates Virat Kohli: దాదాపు 12 ఏళ్ల తర్వాత రంజీ ట్రోఫీ మ్యాచ్ ఆడేందుకు విరాట్ కోహ్లీ (DDCA Felicitates Virat Kohli) జనవరి 30న అరుణ్ జైట్లీ స్టేడియంలో అడుగుపెట్టాడు. ఢిల్లీ, రైల్వేస్ మధ్య జరుగుతున్న మ్యాచ్లో విరాట్ తొలి రోజు బ్యాటింగ్ చేయలేదు. ఆయన్ను చూసేందుకు వచ్చిన వేలాది మంది ప్రేక్షకులు నిరాశతో వెనుదిరిగారు. అయితే రెండో రోజు బ్యాటింగ్కు దిగిన విరాట్ కేవలం 6 పరుగులు మాత్రమే చేసి ఔటై ప్రేక్షకులను, అభిమానులను నిరాశపర్చారు. అయితే రెండు రోజు ఆట ముగిసిన తర్వాత విరాట్ కోహ్లీకి ఢిల్లీ అండ్ డిస్ట్రిక్ట్ క్రికెట్ అసోసియేషన్ (DDCA) పెద్ద గౌరవం ఇచ్చింది.
విరాట్ కోహ్లీకి పెద్ద గౌరవం దక్కింది
డీడీసీఏ నుంచి విరాట్ కోహ్లీకి ప్రత్యేక గౌరవం లభించింది. అంతర్జాతీయ క్రికెట్లో భారత జట్టుకు నిరంతరం ప్రాతినిథ్యం వహిస్తున్న కింగ్ కోహ్లీ 13 ఏళ్ల తర్వాత ఢిల్లీ తరఫున రంజీ ట్రోఫీ మ్యాచ్ ఆడేందుకు మైదానంలోకి దిగాడు. మ్యాచ్ రెండో రోజు ముగిసిన తర్వాత భారత్ తరఫున 100 టెస్టు మ్యాచ్లు ఆడినందుకు విరాట్ కోహ్లీని DDCA సత్కరించింది. ఈ సందర్భంగా డీడీసీఏ ప్రెసిడెంట్ రోహన్ జైట్లీ కింగ్ కోహ్లీకి శాలువా, అవార్డును అందజేశారు.
Also Read: Sachin Tendulkar: సచిన్ టెండూల్కర్కు బీసీసీఐ అరుదైన గౌరవం!
రైల్వేస్తో జరిగిన మ్యాచ్లో రెండో రోజు అంతర్జాతీయ క్రికెట్లో 100 టెస్టు మ్యాచ్లు ఆడిన కోహ్లీని డీడీసీఏ సత్కరించింది. రెండో రోజు ఆట ముగిసిన తర్వాత డీడీసీఏ అధ్యక్షుడు రోహన్ జైట్లీ విరాట్ కోహ్లీని ట్రోఫీ, శాలువాతో సత్కరించారు. కోహ్లీకి ఈ గౌరవం దక్కిన వేళ కోహ్లీతో పాటు అతని చిన్ననాటి కోచ్ రాజ్కుమార్ శర్మ కూడా ఉన్నారు. కోహ్లీ తన కోచ్ పాదాలను తాకి ఆశీస్సులు కూడా తీసుకున్నాడు. ఢిల్లీ నుంచి భారత్ తరఫున 100 టెస్టు మ్యాచ్లు ఆడిన మూడో ఆటగాడు విరాట్ కోహ్లీ. కోహ్లీ కంటే ముందు టీమిండియా మాజీ ఓపెనర్ బ్యాట్స్మెన్ వీరేంద్ర సెహ్వాగ్, ఇషాంత్ శర్మ కూడా భారతదేశం తరపున 100 టెస్ట్ మ్యాచ్లు ఆడారు.
3 సంవత్సరాల క్రితం 2022లో విరాట్ కోహ్లీ తన 100వ టెస్టు మ్యాచ్ ఆడాడు. దీని తర్వాత అతను 2023 సంవత్సరంలో ఢిల్లీ స్టేడియంలో మ్యాచ్ ఆడాడు. అయితే కోహ్లీని సన్మానించడం డీడీసీఏ మరిచిపోయింది. అయితే డీడీసీఏ తన తప్పును సరిదిద్దుకుని కొన్నాళ్ల క్రితం ఢిల్లీ స్టేడియంలో అతని పేరు మీద పెవిలియన్కు పేరు పెట్టింది.
Moments of pride as Virat Kohli gets felicitated by DDCA for his 100th Test appearance! A true icon of Indian cricket.
Enjoy Full felicitation ceromany by DDCA. ✨pic.twitter.com/5y83yPjQnt
— Kohlistic🔥 (@Kohlistic18) January 31, 2025
విరాట్ నిరాశపర్చాడు
ఈ మ్యాచ్ తొలి ఇన్నింగ్స్లో విరాట్ కోహ్లీ నిరాశపర్చాడు. అతను కేవలం 6 పరుగుల ఇన్నింగ్స్ ఆడాడు. రైల్వేస్ ఫాస్ట్ బౌలర్ హిమాన్షు సాంగ్వాన్ అతడిని క్లీన్ బౌల్డ్ చేసి పెవిలియన్ పంపాడు. బ్యాటింగ్లో విరాట్ పెద్దగా రాణించలేకపోయాడు.
Follow us
