Ben Stokes: చెన్నై సూపర్ కింగ్స్ కి షాకివ్వనున్న బెన్ స్టోక్స్
ఇంగ్లండ్ ప్లేయర్ బెన్ స్టోక్స్ (Ben Stokes) ఐపీఎల్-2023లో చెన్నైకి ప్రాతినిధ్యం వహిస్తున్న విషయం తెలిసిందే. అయితే అతను ఆ జట్టుకు హ్యాండ్ ఇవ్వనున్నట్లు తెలుస్తోంది. ఐపీఎల్-2023లో చివరి అంకం మ్యాచ్లకు తాను అందుబాటులో ఉండనని పరోక్ష సంకేతాలిచ్చాడు.
- By Gopichand Published Date - 07:35 AM, Thu - 23 February 23
ఇంగ్లండ్ ప్లేయర్ బెన్ స్టోక్స్ (Ben Stokes) ఐపీఎల్-2023లో చెన్నైకి ప్రాతినిధ్యం వహిస్తున్న విషయం తెలిసిందే. అయితే అతను ఆ జట్టుకు హ్యాండ్ ఇవ్వనున్నట్లు తెలుస్తోంది. ఐపీఎల్-2023లో చివరి అంకం మ్యాచ్లకు తాను అందుబాటులో ఉండనని పరోక్ష సంకేతాలిచ్చాడు. తనకు జాతీయ జట్టు ప్రయోజనాలే ముఖ్యమని చెప్పకనే చెప్పిన స్టోక్స్.. ఇంగ్లండ్ క్రికెట్ బోర్డు కోరితే ఐపీఎల్లో ఆఖరి మ్యాచ్లకు దూరమవుతానని ప్రకటించాడు.
IPL 2023 మార్చి 31 నుండి ప్రారంభమవుతుంది. 52 రోజుల పాటు జరిగే ఈ టోర్నీలో మొత్తం 74 మ్యాచ్లు జరగనున్నాయి. 70 లీగ్ రౌండ్లు మరియు నాలుగు ప్లేఆఫ్ మ్యాచ్లు ఉంటాయి. మే 28న ఫైనల్ మ్యాచ్ జరగనుంది. ప్లేఆఫ్ షెడ్యూల్ ఇంకా విడుదల కాలేదు. లీగ్ తొలి మ్యాచ్ మార్చి 31న అహ్మదాబాద్లోని నరేంద్ర మోదీ స్టేడియంలో గుజరాత్ టైటాన్స్, చెన్నై సూపర్ కింగ్స్ (సీఎస్కే) మధ్య జరగనుంది. అయితే, ఐపీఎల్ ప్రారంభం కాకముందే మహేంద్ర సింగ్ ధోనీ నేతృత్వంలోని సీఎస్కేకి ఓ బ్యాడ్ న్యూస్ వచ్చింది.
Also Read: A female fan kisses Virat Kohli’s wax statue at Madame Tussauds : విరాట్ కోహ్లీ కి లిప్ లాక్ !
ఇంగ్లండ్ వెటరన్ ఆల్రౌండర్, టెస్ట్ టీమ్ కెప్టెన్ బెన్ స్టోక్స్ ఐపీఎల్ మధ్యలోనే నిష్క్రమించవచ్చు. ESPN క్రిక్ఇన్ఫోలోని ఒక నివేదిక ప్రకారం.. ఐర్లాండ్, యాషెస్ టెస్టులకు సన్నద్ధం కావడానికి తన IPL కట్టుబాట్లను తగ్గించుకుంటానని స్టోక్స్ ధృవీకరించాడు. ఈ ఏడాది వేలంలో స్టోక్స్ను చెన్నై సూపర్ కింగ్స్ రూ.16.25 కోట్లకు కొనుగోలు చేసింది. స్టోక్స్ ప్రస్తుతం క్రికెట్లో అత్యుత్తమ ఆల్ రౌండర్లలో ఒకరిగా పరిగణించబడుతున్నాడు. గతేడాది యాషెస్కు దూరమైన తర్వాత ఈ ఏడాది సిరీస్ ఆడాలనుకుంటున్నట్లు ఇంగ్లండ్-పాకిస్థాన్ మధ్య సిరీస్ సందర్భంగా స్టోక్స్ ఇటీవల చెప్పాడు. IPL ఫైనల్ మే 28న జరుగుతుంది. ఐర్లాండ్ vs ఇంగ్లాండ్ టెస్ట్ మ్యాచ్ నాలుగు రోజుల తర్వాత అంటే జూన్ 1 నుండి లార్డ్స్లో ప్రారంభమవుతుంది. దీని తర్వాత యాషెస్ సిరీస్ ప్రారంభం కానుంది.
సెంట్రల్ కాంట్రాక్టులు ఉన్న ఆటగాళ్లు ఐపీఎల్ చివరి భాగాన్ని కోల్పోవడం సర్వసాధారణం. ముఖ్యంగా జూన్ నుంచి ఇంగ్లండ్లో చాలా ముఖ్యమైన మ్యాచ్లు ప్రారంభం కానున్నాయి. అయితే, ఇటీవలి కాలంలో ఇంగ్లండ్ క్రికెట్ బోర్డు ఆటగాళ్ల అంతర్జాతీయ కట్టుబాట్లు, T20 లీగ్లలో ఆడటం పట్ల సున్నితంగా వ్యవహరిస్తోంది. ఇంగ్లండ్ పురుషుల క్రికెట్ డైరెక్టర్ రాబ్ కీ, టెస్టు కోచ్ బ్రెండన్ మెకల్లమ్ అంతర్జాతీయ మ్యాచ్లు ఆడేందుకు ఆటగాళ్లపై ఎలాంటి ఒత్తిడి తీసుకురాలేదు. ఇటీవల బంగ్లాదేశ్తో జరిగిన వైట్ బాల్ సిరీస్లో ఇంగ్లండ్కు చెందిన చాలా మంది ముఖ్యమైన ఆటగాళ్లు ఆడలేదు.
ఇంగ్లండ్ జట్టుకు స్టోక్స్ కీలక ఆటగాడు. కెప్టెన్తో పాటు ఆల్రౌండర్గా జట్టును సమతూకం చేస్తున్నాడు. స్టోక్స్ కెప్టెన్సీలో ఇంగ్లండ్ తరఫున గత 11 టెస్టుల్లో 10 గెలిచాడు. గతేడాది న్యూజిలాండ్ ఆటగాడు ట్రెంట్ బౌల్ట్ మాదిరిగానే ఐర్లాండ్తో జరిగే టెస్టును తప్పించి నేరుగా యాషెస్కు వెళ్లే అవకాశం కూడా అతనికి ఉంది. అయితే, స్టోక్స్ IPL కంటే అంతర్జాతీయ కట్టుబాట్లకు ప్రాధాన్యత ఇచ్చాడు. ఐర్లాండ్తో టెస్టు ఆడతావా అని స్టోక్స్ని అడిగినప్పుడు అతను ఇలా చెప్పాడు. తప్పకుండా, నేను ఆడతాను. ఇంగ్లండ్కు తిరిగి రావడానికి, ఈ టెస్టుకు ముందు మ్యాచ్ని సిద్ధం చేసుకోవడానికి వీలైనంత ఎక్కువ సమయం ఇవ్వాలని చూస్తున్నాను. స్టోక్స్ నిష్క్రమణ కారణంగా CSKకి భారీ షాక్ తగలవచ్చు. స్టోక్స్ కాకుండా ఇంకా ఎంత మంది ఇంగ్లీష్ ఆటగాళ్ళు ఐపిఎల్ను మధ్యలోనే వదిలేస్తారో కూడా చూడాలి.
Related News
IPL Playoff Scenarios: ఆర్సీబీ ప్లేఆఫ్స్కు వెళ్లాలంటే ఇలా జరగాలి.. లేకుంటే ఇంటికే..!
చాలా జట్లలో 13 మ్యాచ్లు పూర్తయ్యాయి. సన్రైజర్స్ హైదరాబాద్కు మాత్రమే రెండు మ్యాచ్లు మిగిలి ఉన్నాయి. ప్లేఆఫ్ కోణం నుండి ఇది చాలా ముఖ్యమైనదిగా పరిగణించబడుతుంది.