Most Sixes In Test: టెస్ట్ క్రికెట్‌లో ఇప్పటివరకు అత్యధిక సిక్స్‌లు కొట్టిన ఆటగాళ్లు వీరే!
పరిమిత ఓవర్ల క్రికెట్ ప్రభావం ఇప్పుడు టెస్ట్ క్రికెట్‌లో కూడా కనిపిస్తోంది. ఇక్కడ బ్యాట్స్‌మెన్ సిక్సర్లు కొట్టడానికి వెనుకాడటం లేదు. అందుకే ఇప్పుడు టెస్ట్ క్రికెట్‌లో కూడా సిక్సర్లు కొట్టడంలో పేరుగాంచిన ఆటగాళ్లు ముందుకు వస్తున్నారు.
- By Gopichand Published Date - 10:45 AM, Sun - 6 July 25
Most Sixes In Test: టెస్ట్ క్రికెట్‌ను ఎప్పుడూ సహనం, టెక్నిక్ ఆధారిత ఆటగా పరిగణిస్తారు. కానీ కాలం గడిచే కొద్దీ ఈ ఫార్మాట్‌లో కూడా దూకుడుగా ఆడుతున్నారు. పరిమిత ఓవర్ల క్రికెట్ ప్రభావం ఇప్పుడు టెస్ట్ క్రికెట్‌లో కూడా కనిపిస్తోంది. ఇక్కడ బ్యాట్స్‌మెన్ సిక్సర్లు కొట్టడానికి వెనుకాడటం లేదు. అందుకే ఇప్పుడు టెస్ట్ క్రికెట్‌లో కూడా సిక్సర్లు కొట్టడంలో పేరుగాంచిన ఆటగాళ్లు ముందుకు వస్తున్నారు. టెస్ట్ క్రికెట్ చరిత్రలో అత్యధిక సిక్సర్లు కొట్టిన ఐదుగురు బ్యాట్స్‌మెన్‌లపై ఇప్పుడు ఓసారి లుక్ వేద్దాం.!
బెన్ స్టోక్స్ – 133 సిక్సర్లు
ఇంగ్లండ్ ప్రస్తుత టెస్ట్ కెప్టెన్ బెన్ స్టోక్స్ దూకుడు క్రికెట్‌కు కొత్త ఉదాహరణగా నిలిచాడు. అతను ఇప్పటివరకు 112 టెస్ట్ మ్యాచ్‌లలో 201 ఇన్నింగ్స్‌లలో 6781 పరుగులు చేశాడు. ఇందులో అద్భుతమైన 133 సిక్సర్లు ఉన్నాయి. ఈ గణాంకంతో స్టోక్స్ టెస్ట్ చరిత్రలో అత్యధిక సిక్సర్లు కొట్టిన బ్యాట్స్‌మన్‌గా నిలిచాడు. అతని సగటు 35.31, అతను 786 ఫోర్లు కూడా కొట్టాడు. స్టోక్స్ ఈ బ్యాటింగ్ శైలి ఇంగ్లండ్ “బాజ్‌బాల్” ఆలోచనకు ముఖ్యమైన భాగం అయింది.
Also Read: Elon Musk: అన్నంత ప‌ని చేసిన మ‌స్క్‌.. అమెరికాలో కొత్త పార్టీ ప్ర‌క‌ట‌న!
బ్రెండన్ మెక్‌కల్లమ్ – 107 సిక్సర్లు
న్యూజిలాండ్ మాజీ కెప్టెన్, ప్రస్తుతం ఇంగ్లండ్ హెడ్ కోచ్ అయిన బ్రెండన్ మెక్‌కల్లమ్ టెస్ట్ క్రికెట్‌లో దూకుడుకు పునాది వేశాడు. అతను 101 టెస్ట్ మ్యాచ్‌లలో 6453 పరుగులు చేసి, 107 సిక్సర్లు కొట్టాడు. అతని బ్యాటింగ్ సగటు 38.64,. అతను 776 ఫోర్లు కూడా కొట్టాడు. ‘బాజ్‌బాల్’ శైలికి జనకుడిగా పిలవబడే మెక్‌కల్లమ్ దూకుడు వైఖరి టెస్ట్ క్రికెట్ పాత ఆలోచనను మార్చేసింది.
ఆడమ్ గిల్‌క్రిస్ట్ – 100 సిక్సర్లు
మూడవ స్థానంలో ఉన్న ఆస్ట్రేలియా మాజీ వికెట్ కీపర్ బ్యాట్స్‌మన్ ఆడమ్ గిల్‌క్రిస్ట్ కేవలం గ్లోవ్స్‌తోనే కాకుండా, బ్యాట్‌తో కూడా ప్రత్యర్థి జట్లను ఇబ్బంది పెట్టాడు. అతను 96 టెస్ట్ మ్యాచ్‌లలో 137 ఇన్నింగ్స్‌లలో 5570 పరుగులు చేశాడు. అతని పేరిట 100 సిక్సర్లు నమోదయ్యాయి. అతని సగటు 47.60, అతను 677 ఫోర్లు కూడా కొట్టాడు.
టిమ్ సౌథీ – 98 సిక్సర్లు
ఇది కొంచెం ఆశ్చర్యకరమైన పేరు కావచ్చు. కానీ న్యూజిలాండ్ ఫాస్ట్ బౌలర్ టిమ్ సౌథీ బ్యాట్‌తో కూడా ప్రమాదకరమైనవాడు. అతను 107 టెస్ట్ మ్యాచ్‌లలో 2245 పరుగులు చేసి, 98 సిక్సర్లు కొట్టాడు. అతని సగటు 15.48 మాత్రమే అయినప్పటిక లోయర్ ఆర్డర్‌లో వేగంగా పరుగులు సాధించడంలో అతనికి సాటిలేదు.
క్రిస్ గేల్ – 98 సిక్సర్లు
‘యూనివర్స్ బాస్’ క్రిస్ గేల్ కేవలం పరిమిత ఓవర్ల క్రికెట్‌లోనే కాకుండా టెస్ట్ క్రికెట్‌లో కూడా సిక్సర్ల రారాజు. అతను 103 టెస్ట్ మ్యాచ్‌లలో 182 ఇన్నింగ్స్‌లలో 7214 పరుగులు చేసి, 98 సిక్సర్లు కొట్టాడు. అతని సగటు 42.18,, అతను 1046 ఫోర్లు కూడా కొట్టాడు. గేల్ శైలి టెస్ట్ క్రికెట్‌లో కూడా T20లో ఉన్నంతే ప్రమాదకరంగా ఉంది.
