Sunil Gavaskar: వన్డే వరల్డ్ కప్ లో ఆస్ట్రేలియాతో భారత్ తొలి మ్యాచ్.. సునీల్ గవాస్కర్ ఏం చెప్పారంటే..?

Resizeimagesize (1280 X 720) (1) 11zon

Sunil Gavaskar: ప్రపంచ కప్ 2023 (World Cup 2023) అక్టోబర్ 5 నుండి ప్రారంభమవుతుంది. కాగా ఈ టోర్నీ ఫైనల్ మ్యాచ్ నవంబర్ 19న అహ్మదాబాద్‌లోని నరేంద్ర మోదీ స్టేడియంలో జరగనుంది. అదే సమయంలో ఆస్ట్రేలియాతో జరిగే మ్యాచ్‌తో భారత జట్టు తన ప్రచారాన్ని ప్రారంభించనుంది. అక్టోబర్ 8న భారత్, ఆస్ట్రేలియా (IND vs AUS) జట్లు తలపడనున్నాయి. చెన్నైలో భారత్-ఆస్ట్రేలియా మ్యాచ్ జరగనుంది. అయితే భారత్-ఆస్ట్రేలియా మ్యాచ్‌పై భారత మాజీ ఆటగాడు సునీల్ గవాస్కర్ (Sunil Gavaskar) ఓ ప్రకటన చేశాడు. అలాగే, ఆస్ట్రేలియాతో తొలి మ్యాచ్ ఆడడం వల్ల టీమిండియాకు లాభమా, నష్టమా కూడా చెప్పాడు.

Also Read: Elon Musk: ట్విట్టర్ యూజర్లకు బిగ్ షాక్.. పరిమితులు విధిస్తూ మస్క్ షాకింగ్ ట్వీట్..!

సునీల్ గవాస్కర్ ఏం చెప్పారంటే..?

లీగ్ దశలో ఆస్ట్రేలియా లాంటి బలమైన జట్టుపై టీమ్ ఇండియా ఆడటం శుభపరిణామమని సునీల్ గవాస్కర్ అన్నాడు. రోహిత్ శర్మ సారథ్యంలోని టీమ్ ఇండియాకు లాభం చేకూరుతుంది. ఒకవేళ చివరి మ్యాచ్‌లో ఆస్ట్రేలియాతో ఆడాల్సి వస్తే అది చాలెంజింగ్‌గా ఉండేదని, అంత సులభం కాదని అన్నాడు. ముందుగా మంచి జట్లతో ఆడడం ఎల్లప్పుడూ ప్రయోజనకరంగా ఉంటుందని నేను నమ్ముతున్నానని అన్నారు. ఆ తర్వాత బలహీనమైన జట్టుతో ఆడితే మన జట్టు బలాలు, బలహీనతలు బయటపడతాయని చెప్పాడు.

Also Read: West Indies: వరల్డ్ కప్ క్వాలిఫయర్స్ లో వెస్టిండీస్ ఓటమికి ప్రధాన కారణాలివే..?

1983 ప్రపంచకప్‌ను సునీల్ గవాస్కర్ గుర్తు చేసుకున్నారు. దీంతో పాటు వెస్టిండీస్‌తో తొలి మ్యాచ్ ఆడినందుకు తనకు ఎలాంటి ప్రయోజనం వచ్చిందో చెప్పాడు. గత ప్రపంచకప్‌లో డిఫెండింగ్ ఛాంపియన్‌గా ఉన్న వెస్టిండీస్‌పై వర్షం కురుస్తున్న సమయంలో తన ఇన్నింగ్స్‌ను ప్రారంభించానని సునీల్ గవాస్కర్ చెప్పాడు. ఆ సమయంలో వెస్టిండీస్‌ ఛాంపియన్‌గా ఉంది. కానీ మేము కరీబియన్‌ జట్టును ఓడించాము. అయితే ఈ మ్యాచ్ వర్షం కారణంగా 2 రోజుల పాటు జరిగింది. నిజానికి మొదటి రోజు వర్షం కారణంగా మ్యాచ్ పూర్తి కాలేదు. ఆ తర్వాత రెండో రోజు మ్యాచ్ జరిగింది. రెండో రోజు వెస్టిండీస్‌పై భారత జట్టు విజయం సాధించిందని చెప్పుకొచ్చాడు.

Follow us