2023 World Cup: 2023 ప్రపంచ కప్ లో ఈ ఐదుగురు ఆటగాళ్లపైనే అందరి దృష్టి..!

2023 World Cup: క్రికెట్‌లో అతిపెద్ద సంగ్రామం ప్రపంచ కప్ (2023 World Cup) అక్టోబర్ 5 నుండి అంటే రేపు (గురువారం) దేశంలో జరగనుంది. టోర్నీలో భాగంగా అహ్మదాబాద్‌లోని నరేంద్ర మోదీ స్టేడియంలో ఇంగ్లండ్, న్యూజిలాండ్ జట్ల మధ్య తొలి మ్యాచ్ జరగనుంది. ఈ ప్రపంచకప్‌లో కొంతమంది బ్యాట్స్‌మెన్ పైనే అందరి చూపు ఉంది. వారి ప్రదర్శనను అభిమానులు చూడనున్నారు. ఈ లిస్ట్ లో ఎవరు ఉన్నారో ఇప్పుడు చూద్దాం..!

విరాట్ కోహ్లీ

భారత క్రికెట్ దిగ్గజం విరాట్ కోహ్లీ 2023 ఆసియా కప్‌లో తన ఫామ్‌ను కొనసాగిస్తున్నాడు. 34 ఏళ్ల విరాట్ కోహ్లీకి ఇదే చివరి ప్రపంచకప్ కూడా కావచ్చు. ప్రపంచకప్‌లో సెంచరీ చేసిన అతి పిన్న వయస్కుడైన భారతీయుడు విరాట్ అని మీకు తెలిసిందే. 2011లో కింగ్ కోహ్లి ఈ రికార్డును తన పేరిట లిఖించుకున్నాడు. 2023 ప్రపంచ కప్ లో ఎలా రాణిస్తాడో అని అభిమానులు ఎదురుచూస్తున్నారు.

రోహిత్ శర్మ

గత ప్రపంచకప్ హీరో రోహిత్ శర్మ ఈసారి కూడా అద్భుతాలు చేసే అవకాశం ఉంది. 2019 ఇంగ్లండ్‌లో జరిగిన ప్రపంచకప్‌లో రోహిత్ ఐదు సెంచరీలు చేసి యావత్ ప్రపంచాన్ని ఆశ్చర్యపరిచాడు. ఈసారి కూడా రోహిత్ బ్యాట్ నుంచి సెంచరీల మోత మోగించవచ్చు. దూకుడుగా బ్యాటింగ్ చేస్తానని ప్రపంచకప్‌కు ముందే రోహిత్ స్పష్టం చేశాడు. ఇలాంటి పరిస్థితుల్లో అతడి బ్యాటింగ్‌ కోసం అందరూ ఉత్కంఠగా ఉన్నారు.

Also Read: Gold Medal In Archery: కాంపౌండ్ ఆర్చరీలో భారత్ కు గోల్డ్ మెడల్.. రికార్డు సృష్టించిన భారత్..!

We’re now on WhatsApp. Click to Join

బాబర్ ఆజం

ప్రపంచకప్ ప్రారంభానికి ముందు జరిగిన వార్మప్ మ్యాచ్‌లలో న్యూజిలాండ్, ఆస్ట్రేలియాపై పాకిస్థాన్ కెప్టెన్ బాబర్ ఆజం తనదైన శైలిని ప్రదర్శించాడు. అయితే, బాబర్ మొదటిసారి భారతదేశానికి వచ్చాడు. ఇలాంటి పరిస్థితుల్లో అతడి బ్యాటింగ్‌ను అందరూ చూడాలని అనుకున్నారు. బాబర్ ఫామ్ చూస్తుంటే వరల్డ్ కప్ లో మూడు నాలుగు సెంచరీలు సులువుగా చేయగలడని అంటున్నారు.

స్టీవ్ స్మిత్

ఆస్ట్రేలియా మాజీ కెప్టెన్, సీనియర్ బ్యాట్స్‌మెన్ స్టీవ్ స్మిత్‌కి ఇదే చివరి ప్రపంచకప్ కూడా కావచ్చు. ఈ ప్రపంచకప్‌లో అతను మూడో స్థానంలో బ్యాటింగ్ చేయనున్నాడు. గత రెండు ప్రపంచకప్‌లలో స్మిత్ జట్టు బ్యాటింగ్‌లో ముఖ్యమైన వ్యక్తి అని నిరూపించాడు. అయితే ఈసారి భారత్‌లో ప్రపంచకప్‌ జరుగుతుండటంతో స్మిత్‌ జట్టుకు మరింత అవసరం. భారత పిచ్‌లపై సులువుగా పరుగులు చేయడంలో కూడా స్మిత్ నిష్ణాతుడే. ఫాస్ట్ బౌలర్లతో పాటు స్పిన్నర్లను కూడా సులువుగా ఆడతాడు. ప్రపంచకప్‌లో స్మిత్ ఆటతీరుపైనే అందరి దృష్టి ఉంది.

బెన్ స్టోక్స్

ఇంగ్లండ్ ఆల్ రౌండర్ బెన్ స్టోక్స్ 2023 వన్డే ప్రపంచకప్‌కు రిటైర్మెంట్‌పై యూ-టర్న్ తీసుకున్నాడు. ఈ ప్రపంచకప్‌లో ఇంగ్లండ్ తరఫున స్టోక్స్ నాలుగో నంబర్‌లో కూడా బ్యాటింగ్ చేయగలడు. అతనికి భారత పిచ్‌లు బాగా తెలుసు. చాలా అనుభవం కూడా ఉంది. ఈ ప్రపంచకప్‌లో బెన్‌స్టోక్స్‌ ఆటతీరుపైనే అందరి చూపు పడుతుందని చెప్పడంలో ఎటువంటి సందేహం లేదు.