Big Bash League: బిగ్ బాష్ లీగ్ లో చెత్త రికార్డు.. 15 పరుగులకే ఆలౌట్..!

ఆస్ట్రేలియా వేదికగా జరుగుతోన్న బిగ్ బాష్ లీగ్ (Big Bash League)లో అత్యంత చెత్త రికార్డు నమోదైంది. అడిలైడ్ స్ట్రైకర్స్ తో జరిగిన మ్యాచ్ లో సిడ్నీ థండర్స్ కేవలం 15 పరుగులకే ఆలౌట్ అయ్యింది.ఈ మ్యాచ్ లో అడిలైడ్ జట్టు 124 పరుగుల తేడాతో ఘన విజయం సాధించింది. బిగ్ బాష్ లీగ్ (Big Bash League)లో ఇంత తక్కువ పరుగులకు ఏ జట్టు ఆలౌట్ కాలేదు.

బిగ్ బాష్ లీగ్ 12వ ఎడిషన్‌లో ఆడిన మ్యాచ్‌లో అడిలైడ్ స్ట్రైకర్స్ కేవలం 15 పరుగులకే సిడ్నీ థండర్‌పై ఆలౌటైంది. అలెక్స్ హేల్స్, రిలే రస్సో, డేనియల్ సైమ్స్ వంటి ఆటగాళ్లతో థండర్ జట్టు కేవలం 15 పరుగులకే కుప్పకూలింది. తొలుత బ్యాటింగ్ చేసిన అడిలైడ్ స్ట్రైకర్ నిర్ణీత 20 ఓవర్లలో 9 వికెట్ల నష్టానికి 139 పరుగులు చేసింది. 140 పరుగుల లక్ష్యంతో బరిలోకి దిగిన సిడ్నీ థండర్స్ 15 పరుగులకే ఆలౌట్ అయింది. దింతో స్ట్రైకర్స్ ఈ సీజన్‌లో రెండవ విజయాన్ని నమోదు చేసింది. అడిలైడ్ స్ట్రైకర్స్ తరఫున హెన్రీ థార్న్టన్ అద్భుతంగా బౌలింగ్ చేసి 3 పరుగులిచ్చి 5 వికెట్లు పడగొట్టాడు.

ఈ మ్యాచ్‌లో అడిలైడ్ స్ట్రైకర్ టాస్ గెలిచి ముందుగా బ్యాటింగ్ ఎంచుకుంది. సిడ్నీ పిచ్ ఎప్పుడూ బౌలర్లకు అనుకూలంగా ఉంటుంది. క్రిస్ లిన్ 36, కొనిల్ డి గ్రాండ్‌హోమ్ 33 పరుగులతో అడిలైడ్ జట్టు 20 ఓవర్లలో 9 వికెట్ల నష్టానికి 139 పరుగులు చేసింది. అఫ్గానిస్థాన్‌ ఫాస్ట్‌ బౌలర్‌ ఫజల్‌హాక్‌ ఫరూఖీ 20 పరుగులిచ్చి మూడు వికెట్లు తీయగా, గురిందర్‌ సంధు, డేనియల్‌ సైమ్స్‌ రెండేసి వికెట్లు తీశారు.

Also Read: మూడోరోజూ టీమిండియాదే… బంగ్లా ముందు భారీ టార్గెట్

140 పరుగుల లక్ష్యాన్ని ఛేదించిన సిడ్నీ థండర్ తొలి ఓవర్ మూడో బంతికే వికెట్ కోల్పోయింది. రెండో ఓవర్‌లో రిలే రస్సో, జాసన్ సంఘా కూడా పెవిలియన్‌కు చేరుకున్నారు. 10 పరుగులకే 7 వికెట్లు కోల్పోయిన సిడ్నీ థండర్ 15 పరుగులకే కుప్పకూలింది. బౌలర్ బ్రాండన్ డాగెట్ సిడ్నీ థండర్ తరపున గరిష్టంగా నాలుగు పరుగులు చేశాడు. అడిలైడ్ వరుసగా రెండో విజయాన్ని నమోదు చేసింది. అడిలైడ్ స్ట్రైకర్స్ తరఫున హెన్రీ థోర్న్టన్ 3 పరుగులిచ్చి 5 వికెట్లు పడగొట్టాడు.

బీబీఎల్ టోర్నీ చరిత్రలో ఇదే అతి చిన్న స్కోరు. అంతకుముందు సీజన్ 4లో మెల్‌బోర్న్ రెనెగేడ్స్ 57 పరుగులు చేయగలిగింది. సీజన్ 10లో మెల్బోర్న్ రెనెగేడ్స్ వారి రెండవ అత్యల్ప స్కోరు 60 పరుగులు. గత సీజన్‌లో మెల్‌బోర్న్‌ స్టార్స్‌ జట్టు 61 పరుగులకు ఆలౌటైంది. సీజన్ 10లో అడిలైడ్ స్ట్రైకర్స్ 68 పరుగులు చేసింది.