WTC Final 2025: టాస్‌ గెలిచి బౌలింగ్ ఎంచుకున్న దక్షిణాఫ్రికా

WTC Test Matches

WTC Final 2025: 2025 ప్రపంచ టెస్టు ఛాంపియన్‌షిప్‌ (WTC) ఫైనల్‌ పోరుకు వేళయింది. లండన్‌లోని లార్డ్స్‌ మైదానం ఈ ప్రతిష్ఠాత్మక పోరుకు వేదికగా మారింది. మ్యాచ్‌కు ముందు టాస్‌ నిర్వహించగా, దక్షిణాఫ్రికా కెప్టెన్ టెంబ బవుమా విజయం సాధించి ఫీల్డింగ్ ఎంచుకున్నాడు. దీంతో డిఫెండింగ్‌ చాంపియన్ ఆస్ట్రేలియా బ్యాటింగ్‌ ప్రారంభించనుంది.

ఫైనల్‌ ముందు నుంచే రెండు జట్లు పటిష్ఠంగా ఉన్నాయని విశ్లేషకుల అభిప్రాయం. ఐసీసీ టోర్నీల్లో గంభీరమైన ట్రాక్‌ రికార్డు ఉన్న ఆసీస్‌ జట్టును ఓడించడం దక్షిణాఫ్రికా జట్టుకు సవాలుగా మారింది. గత 27 ఏళ్లుగా దక్షిణాఫ్రికా ఒక్క ఐసీసీ టైటిల్‌ కూడా గెలవలేకపోయింది. ఈసారి అద్భుత ప్రదర్శనతో ఆ కలను నెరవేర్చాలన్న పట్టుదలతో బరిలోకి దిగుతోంది.

Ntr Bharosa Pension Scheme : ఏపీలో కొత్త వితంతు పింఛన్లు మంజూరు..నెలకు రూ.4వేలు

ఇప్పటి వరకూ జరిగిన రెండు డబ్ల్యూటీసీ ఫైనళ్లను న్యూజిలాండ్ (2021), ఆస్ట్రేలియా (2023) విజేతలుగా ముగించాయి. రెండుసార్లు టీమిండియా ఫైనల్‌కి వెళ్లినా.. రెండుసార్లూ ఓటమిని చవిచూసింది. ఈసారి భారత్‌ మూడో స్థానంతో సరిపెట్టుకోవాల్సి వచ్చింది.

తుది జట్లు ఇలా ఉన్నాయి:
ఆస్ట్రేలియా: ఉస్మాన్ ఖవాజా, మార్నస్ లబుషేన్, కామెరూన్ గ్రీన్, స్టీవ్ స్మిత్, ట్రావిస్ హెడ్, వెబ్‌స్టర్, అలెక్స్ కేరీ (వికెట్ కీపర్), పాట్ కమిన్స్ (కెప్టెన్), మిచెల్ స్టార్క్, జోష్ హేజిల్‌వుడ్, నాథన్ లైయన్.

దక్షిణాఫ్రికా: ఎడెన్ మార్క్రమ్, రికిల్‌టన్, ముల్దర్, టెంబ బవుమా (కెప్టెన్), డెవిన్ స్టబ్స్, బెడింగ్‌టన్, కైల్ వెరీన్ (వికెట్ కీపర్), మార్కో యాన్సన్, కేశవ్ మహరాజ్, కగిసో రబాడా, లుంగీ ఎంగిడి.

రసవత్తరంగా సాగనున్న ఈ మ్యాచ్‌లో ఏ జట్టు ఆధిపత్యం చూపుతుందో చూడాలి. టైటిల్‌ను నిలబెట్టుకోవాలన్న ఆసీస్ గౌరవం, తొలిసారి ఐసీసీ కప్‌పై ముద్ర వేయాలన్న దక్షిణాఫ్రికా ఆతృత పోటీలో మరింత ఉత్కంఠను నింపుతోంది.

Kakani Govardhan Reddy : వైసీపీ నాయకుల అక్రమ దందా.. బయటపడుతున్న కాకాణి బాగోతం

Follow us