Before Sleep: నిద్రపోయే ముందు ఈ పనులు అస్సలు చెయ్యకూడదు.. అవి ఏంటంటే?

చాలామంది రాత్రి పూట నిద్రపోయే ముందు కొన్ని పనులు చేస్తూ ఉంటారు. అయితే ఇలా నిద్రపోయే ముందు చేసే కొన్ని పనుల వల్ల అనేక రకాల ఆరోగ్య సమస్యలు కూడా తలెత్తవచ్చు. మరి నిద్రపోయే ముందు ఎటువంటి పనులు చేయకూడదు ఇప్పుడు మనం తెలుసుకుందాం.. రాత్రి సమయంలో వ్యాయామం చేయకూడదు. ఒకవేళ రాత్రి సమయంలో వ్యాయామం చేస్తే శరీరం ఉత్తేజితమై నిద్ర పట్టదు. అలాగే రాత్రిపూట ఆలస్యంగా భోజనం చేయడం అన్న అలవాటుని మానుకోవాలి. అలాగే ఆలస్యంగా తినడం వల్ల ఆహారం కూడా సరిగ్గా జీర్ణం కాదు.

ఇలా ఆలస్యంగా భోజనం చేయడం వల్ల కడుపు ఉబ్బరంగా మారి నిద్ర దూరం అవుతుంది. అలాగే మనం పడుకోవడానికి భోజనానికి మధ్య మూడు గంటల సమయం ఉండాలి. ఇలా మనం తిన్న మూడు గంటల తర్వాత పడుకుంటే అప్పుడు కడుపు తేలికగా అయ్యి హాయిగా నిద్ర పడుతుంది. అదేవిధంగా రాత్రి సమయంలో దంతాలు శుభ్రం చేసుకోవాలి. లేకపోతే దంతాల మధ్య పాచి మరింత పేరుకుపోయి బ్యాక్టీరియా చేరి నిద్ర కూడా భంగం కలగవచ్చు. అలాగే చాలామంది ఆల్కహాల్ తాగితే నిద్ర వస్తుంది అని అనుకుంటారు.

కానీ ఇది కేవలం అపోహ మాత్రమే. ఎందుకంటే ఆల్కహాల్ వల్ల నిద్ర మత్తు ఉంటుంది కానీ ప్రశాంతంగా నిద్ర పట్టదు. కాబట్టి మద్యానికి దూరంగా ఉండటం ఎంతో మంచిది. నిద్రపోవడానికి 6 నుంచి 8 గంటల ముందు కాఫీ టీలు తీసుకోకూడదు. ఒకవేళ రాత్రివేళ టీ కాఫీ తాగితే వాటిలో ఉన్న కెఫెన్ వల్ల నిద్ర పట్టదు. నిద్రపోవాలి అనుకున్నప్పుడు పడక గదిలో ఉండే స్మార్ట్ ఫోన్ లాప్టాప్ వంటి ఎలక్ట్రానిక్ గ్యాడ్జెట్స్ ను దూరంగా పెట్టాలి. అలాగే పడుకునే ముందు బెడ్రూంలో లైట్స్ అని ఆన్ చేసి పెట్టడం వల్ల ఆ వెలుగురికి సరిగ్గా నిద్ర పట్టదు. మరి కొంతమందికి లైట్స్ ఆన్ లో ఉన్నా కూడా బాగా నిద్ర పడుతుంది.