Train Hits LPG Cylinder On Rail Track: తప్పిన భారీ ప్రమాదం, రైల్ ట్రాక్ పై ఎల్పీజీ సిలిండర్

Train Hits LPG Cylinder On Rail Track: ఉత్తరప్రదేశ్‌లోని కాన్పూర్‌లో పెను రైలు ప్రమాదం తప్పింది. అన్వర్‌గంజ్-కాస్‌గంజ్ రైల్వే ట్రాక్‌పై ఎల్‌పీజీ సిలిండర్‌(LPG Cylinder)ను ఉంచారు. గమనించిన లోకో పైలట్‌ తెలివిగా వ్యవహరించడంతో పెను ప్రమాదం తప్పింది.

సమాచారం ప్రకారం ప్రమాదం జరిగిన ప్రదేశం నుండి ఎల్‌పిజి సిలిండర్ సమీపంలో పెట్రోల్ బాటిల్ మరియు అగ్గిపెట్టెను గుర్తించారు. కాళింది ఎక్స్‌ప్రెస్(Kalindi Express) ఇంజిన్ ట్రాక్‌పై ఉంచిన ఎల్‌పిజి సిలిండర్‌ను ఢీకొట్టిందని చెబుతున్నారు. ఇంజన్‌ను ఢీ కొట్టిన తర్వాత సిలిండర్‌ గాల్లో పల్టీలు కొడుతూ దూరంలో పడింది. అయితే సిలిండర్ పేలకపోవడంతో భారీ ప్రమాదం తప్పింది. సమాచారం అందుకున్న వెంటనే రైల్వే అధికారులు ప్రమాద స్థలానికి చేరుకున్నారు.

ఆర్పీఎఫ్ మరియు జీఆర్పీ అధికారులు కేసును దర్యాప్తు చేస్తున్నాయి. ఎఫ్ఐఆర్ నమోదైంది. దర్యాప్తు బృందం ఆధారాలు సేకరిస్తోంది. రాత్రి 8:30 గంటల సమయంలో ఆ ప్రాంతంలో యాక్టివ్ ఫోన్ నంబర్‌లను గుర్తించే పనిలో ఉన్నారు. గత నెల ఆగస్టు 17న ఉత్తరప్రదేశ్‌లోని కాన్పూర్‌లో సబర్మతి ఎక్స్‌ప్రెస్ రైలు 22 కోచ్‌లు పట్టాలు తప్పాయి. ఈ విషయాన్ని రైల్వే బోర్డు ధృవీకరించింది. ఆగస్టు 17వ తేదీ తెల్లవారుజామున 2:30 గంటలకు కాన్పూర్ రైల్వే స్టేషన్ సమీపంలో ప్రమాదం జరిగింది. ఆపై వారణాసి నుంచి అహ్మదాబాద్ వెళ్తున్న సబర్మతి ఎక్స్‌ప్రెస్ (19168) గోవింద్‌పురి సమీపంలో పట్టాలు తప్పింది. ఈ ప్రమాదంలో ఎలాంటి ప్రాణనష్టం జరగలేదు. పట్టాలు తప్పిన సమాచారం అందుకున్న వెంటనే ఐదు ఫైర్ ఇంజన్లను సంఘటనా స్థలానికి పంపినట్లు పోలీసు అగ్నిమాపక అధికారి దీపక్ శర్మ తెలిపారు. ఈ రైలు వారణాసి నుంచి సబర్మతికి వెళ్తోంది. కాన్పూర్‌లో ఈ రైలు కొన్ని కోచ్‌లు పట్టాలు తప్పాయి.

Also Read: Kaloji Narayana Raos Birth Anniversary : కాళోజీ జయంతి నేడే.. ఆ మహామనిషి జీవితంలోని కీలక ఘట్టాలివీ