IPl 2022: ఆరెంజ్ క్యాప్ రేసులో ఉన్న ఆటగాళ్లు వీళ్ళే

tata ipl 2022

ఐపీఎల్ అనగానే గుర్తొచ్చేది బ్యాటర్లు ఆడే భారీ షాట్లే. ప్రతి సీజన్లోనూ అత్యధిక పరుగులు చేసి రికార్డులు నెలకొల్పిన ఆటగాళ్లు చాలామంది ఉన్నారు. ఈ ఏడాది కూడా తమ అద్భుత బ్యాటింగ్ తో అలరించేందుకు సిద్ధమవుతున్నారు. అయితే ఈ సీజన్ లో ఆరెంజ్ క్యాప్ దక్కించుకునే అవకాశమున్న టాప్-10 బ్యాటర్లు ఎవరనే దానిపై విశ్లేషకులు అంచనా వేస్తున్నారు.
చెన్నై సూపర్ కింగ్స్ జట్టు ఓపెనర్ ఋతురాజ్ గైక్వాడ్ మరోసారి ఆరెంజ్ క్యాప్ దక్కించుకునే అవకాశం ఎక్కువగా కనిపిస్తోంది. గత సీజన్లో ఎక్కువ పరుగులు చేసిన ఇతడు.. ఆరెంజ్ క్యాప్ను సొంతం చేసుకున్నాడు. అలాగే రాయల్ చాలెంజర్స్ బెంగళూరు మాజీ కెప్టెన్ విరాట్ కోహ్లీ కూడా ఈసారి ఆరెంజ్ క్యాప్ దక్కించుకునే అవకాశం ఉంది.. ఇక ముంబై ఇండియన్స్ ఈసారి మెగా వేలంలో భారీ మొత్తానికి కొనుగోలు చేసిన యువ సంచలనం ఇషాన్ కిషన్ సైతం ఈసారి టోర్నీలో ఆరెంజ్ క్యాప్ గెలిచే ఛాన్స్ ఉంది.. వీరితో పాటుగా ఢిల్లీ క్యాపిటల్స్ కొనుగోలు చేసిన విధ్వంసక ఓపెనర్ డేవిడ్ వార్నర్.. కేకేఆర్ కొనుగోలు చేసిన స్టార్ బ్యాటర్ శ్రేయాస్ అయ్యర్ సైతం ఈసారి సీజన్లో ఆరెంజ్ క్యాప్ దక్కించుకునే ఛాన్స్ ఉంది.. అలాగే పంజాబ్ కింగ్స్ కొనుగోలు చేసిన సీనియర్ ఓపెనర్ శిఖర్ ధావన్, రాజస్థాన్ రాయల్స్ కెప్టెన్ సంజూ శాంసన్ కూడా ఈసారి ఐపీఎల్ లో ఆరెంజ్ క్యాప్ దక్కించుకునే అవకాశం ఉంది. ఇక సన్ రైజర్స్ హైదరాబాద్ సారథి కేన్ విలియం సన్, గుజరాత్ టైటాన్స్ ఓపెనర్ శుబ్ మాన్ గిల్, లక్నో సూపర్ జాయింట్స్ కెప్టెన్ కేఎల్ రాహుల్ కూడా ఈసారి ఐపీఎల్ లో ఆరెంజ్ క్యాప్ దక్కించుకునే అవకాశం ఉంది.
ఐపీఎల్‌ 2022 సీజన్‌ మరికొన్ని రోజుల్లో అంగరంగ వైభవంగా ప్రారంభం కానుంది. ఈసారి ఐపీఎల్ ను మహారాష్ట్ర లోనే నిర్వహిస్తున్నారు. వాంఖడే వేదికగా మార్చి 26న జరగనున్న తొలి మ్యాచ్‌లో చెన్నై సూపర్‌ కింగ్స్‌తో కోల్‌కతా నైట్‌ రైడర్స్‌ తలపడనుంది.

Follow us