Su-57 : రష్యా నుంచి భారత్‌కు పవర్‌ఫుల్ ఫైటర్ జెట్.. విశేషాలివీ..

Su-57 : ప్రపంచంలోని టాప్-10 అత్యంత ప్రమాదకర యుద్ధ విమానాలలో రెండోది  ‘ఎస్‌యూ-57’ (Su-57). ఇది కూడా ఫ్యూచర్‌లో భారత సైన్యం అమ్ములపొదిలో చేరే దిశగా అడుగులు పడుతున్నాయి. భారత్‌తో కలిసి దీన్ని భారత్‌లోనే తయారు చేసే అంశంపై ప్రస్తుతం రష్యా చర్చలు జరుపుతోంది.  యునైటెడ్ అరబ్ ఎమిరేట్స్ (యూఏఈ)కి కూడా ఈమేరకు ప్రపోజల్ పంపినట్లు తెలుస్తోంది. అయితే దీనిపై ఏయే దేశాలు ఏ విధంగా స్పందించాయి ? ఏ విధమైన షరతులు పెట్టాయి ? అనేది తెలియాల్సి ఉంది. వాస్తవానికి భారత్ ‘ఎస్‌యూ-57’ ప్రాజెక్టుపై అంతగా ఆసక్తి చూపడం లేదని సమాచారం.  ఎందుకంటే ఇప్పటికే భారత్ ఇలాంటి పలు ప్రాజెక్టులలో ఎంగేజ్ అయి ఉంది.

Also Read: Sinking Town : పాతాళంలోకి వెళ్లిపోతున్న పట్నం.. ఎందుకు ?

మరో ముఖ్యమైన అంశం ఏమిటంటే.. సుఖోయ్ ‘ఎస్‌యూ-57’ యుద్ధ విమానం పనితీరుపై భారత్ కొంత అనుమానపు భావనతో ఉందని పరిశీలకులు అంటున్నారు. ఈ ఐదోతరం సుఖోయ్ యుద్ధ విమానం భారత్‌ సైనిక అవసరాలకు తీర్చగలదా ? నిర్వహణ భారం ఎంత ఉంటుంది ? ‘ఎస్‌యూ-57’ లోని ఇంజన్ టెక్నాలజీ, రాడార్ సిస్టమ్, ఎలక్ట్రానిక్ వార్ ఫేర్ సామర్థ్యం ప్రస్తుతం భారత్ వద్ద ఉన్న యుద్ధ విమానాలతో ఇమడగలవా ?  అనే ప్రశ్నలకు సమాధానాలను వెతికే పనిలో భారత రక్షణశాఖ వర్గాలు ఉన్నాయట. స్వదేశీ అడ్వాన్స్‌డ్ మీడియం కంబాట్ ఎయిర్‌క్రాఫ్ట్ (AMCA) తయారీలో బిజీగా ఉన్న భారత్ ప్రస్తుతానికి మరే కొత్త ప్రాజెక్టుపై ఫోకస్ చేయాలని అనుకోవడం లేదనే టాక్ వినిపిస్తోంది. 2030 నాటికి AMCA యుద్ధ విమానం భారత వైమానిక దళానికి అందుబాటులోకి వస్తుంది. ఇది భారతదేశ వాతావరణ, భౌగోళిక పరిస్థితులకు అనుగుణంగా పనిచేయగలదు.