Mithra Mandali: ఆకట్టుకుంటున్న ‘మిత్ర మండలి’ ఫస్ట్ లుక్

Mithra Mandali: బన్నీ వాస్ సమర్పణలో సప్త అశ్వ మీడియా వర్క్స్, వైరా ఎంటర్టైన్మెంట్స్ సంయుక్తంగా నిర్మిస్తున్న తాజా చిత్రం నుండి విడుదలైన ప్రీ లుక్ కి మంచి స్పందన వచ్చింది. ముసుగు వేసుకున్న నటుల హోదాలను తెలుసుకోవాలనే ఆసక్తి ప్రేక్షకుల్లో నెలకొన్నది. ఈ విషయంపై సోషల్ మీడియా అంతటా చర్చలు జోరుగా సాగాయి. తాజాగా, నిర్మాతలు ఈ చిత్రానికి సంబంధించిన టైటిల్‌తో కూడిన ఫస్ట్ లుక్ పోస్టర్‌ను విడుదల చేశారు.

చిత్రానికి “మిత్ర మండలి” అనే ఆకట్టుకునే టైటిల్‌ను ఫిక్స్ చేశారు. ఫస్ట్ లుక్ పోస్టర్ అందరి ఆశలకు తగ్గట్లుగా సృజనాత్మకంగా రూపుదిద్దుకోగా, నీలిరంగు ముసుగుల వెనుక దాగిన గ్యాంగ్‌ను పరిచయం చేసింది. ప్రధాన పాత్రల్లో ప్రియదర్శి, రాగ్ మయూర్, విష్ణు ఓయ్, ప్రసాద్ బెహరా నటిస్తున్నారు. ఈ గ్యాంగ్ అందరికీ అపరిమిత వినోదాన్ని అందించడానికి సిద్ధంగా ఉంది. సోషల్ మీడియా సంచలనం నిహారిక ఎన్.ఎం. తెలుగు సినిమా రంగంలో “మిత్ర మండలి”తో పరిచయమవుతున్న విషయం విశేషం. విభిన్న భాషల ప్రేక్షకుల అభిమానాన్ని పొందిన నిహారిక తాజాగా ‘మిషన్ ఇంపాజిబుల్ – ది ఫైనల్ రెకనింగ్’లో టామ్ క్రూజ్‌తో కలిసి పని చేసి చర్చనీయాంశమయ్యారు.

Etela Rajender : కాళేశ్వరం అక్రమాలతో నాకేం సంబంధం..?.. ఈటల సంచలనం

ప్రియదర్శి అద్భుతమైన నటన, కామెడీ టైమింగ్, భిన్న పాత్రల ఎంపికతో ప్రత్యేక గుర్తింపు పొందాడు. ఆయనతోపాటు ‘మ్యాడ్’ ఫేమ్ విష్ణు ఓయ్, రాగ్ మయూర్, ప్రసాద్ బెహరా వంటి ప్రతిభావంతులూ ఈ చిత్రానికి జతకాబడినారు. ఈ నలుగురు కలిసి “మిత్ర మండలి” ద్వారా అద్వితీయ వినోదాన్ని అందిస్తారని ఆశిస్తున్నారు.

బన్నీ వాస్ తన బి.వి. వర్క్స్ పతాకంపై ‘మిత్ర మండలి’ చిత్రాన్ని సమర్పిస్తున్నారు. సప్త అశ్వ మీడియా వర్క్స్, వైరా ఎంటర్టైన్మెంట్స్ పతాకాలపై కళ్యాణ్ మంతిన, భాను ప్రతాప, డా. విజయేంద్ర రెడ్డి తీగల నిర్మాణ బాధ్యతలు నిర్వహిస్తున్నారు. సోమరాజు పెన్మెత్స సహ నిర్మాతగా ఉన్నారు.

డైరెక్టర్ విజయేంద్ర ఎస్. దర్శకత్వంలో తెరకెక్కుతున్న ఈ చిత్రానికి అద్భుతమైన సాంకేతిక బృందం పని చేస్తోంది. ఆర్.ఆర్. ధృవన్ సంగీతం అందిస్తుండగా, సిద్ధార్థ్ ఎస్.జె సినిమాటోగ్రఫీ, పీకే ఎడిటింగ్, గాంధీ నడికుడికర్ ఆర్ట్ డైరెక్టర్, శిల్పా టంగుటూరు కాస్ట్యూమ్ డిజైనర్, రాజీవ్ కుమార్ రామా ఎగ్జిక్యూటివ్ ప్రొడ్యూసర్‌గా ఉన్నారు.

“మిత్ర మండలి” స్నేహాన్ని ప్రధానాంశంగా తీసుకున్న కథతో ప్రేక్షకులకు కొత్త రకమైన వినోదం అందించనుంది. మ్యాడ్‌నెస్ ఇప్పుడే మొదలైంది. ఈ చిత్రానికి సంబంధించిన మరిన్ని ఆసక్తికర వివరాలు త్వరలో బయటపడనున్నాయి.

Akhil Wedding : అట్టహాసంగా అఖిల్ పెళ్లి వేడుక..అతిధులు ఎవరెవరు వచ్చారంటే !!