IT Raids : ప్రొద్దుటూరులో గోల్డ్ షాపుల‌పై ఐటీ అధికారుల దాడులు

Gold Price

క‌డ‌ప జిల్లా ప్రోద్దుటూరులో ఐటీ అధికారులు సోదాలు నిర్వ‌హించారు. బంగారం వ్యాపారంలో రెండ‌వ ముంబైగా పేరొందిన కడప జిల్లా ప్రొద్దుటూరు పట్టణంలోని బంగారు, వజ్రాభరణాల షోరూమ్‌లు, వ్యాపారులపై ఐటీ శాఖ అధికారుల బృందాలు వరుస దాడులు క‌ల‌క‌లం సృష్టిస్తున్నాయి. గత కొన్ని రోజులుగా వివిధ దేశాలు, రాష్ట్రాల నుంచి ప్రొద్దుటూరుకు తరలించి బిల్లులు లేకుండా బంగారం, వజ్రాలను విక్రయిస్తున్నట్లు ఐటీ శాఖకు సమాచారం అందిందని సంబంధిత వర్గాలు తెలిపాయి. గత నాలుగు రోజులుగా ప్రముఖ బంగారం, వజ్రాల దుకాణాలు, విక్రయదారులపై ఐటీ బృందాలు దాడులు నిర్వహిస్తున్నాయి. ఈ బృందాలు వివిధ షోరూమ్‌ల నుంచి భారీ మొత్తంలో బంగారం, వజ్రాలు, నగదును స్వాధీనం చేసుకున్నట్లు సమాచారం. ఒక్క ప్రొద్దుటూరు పట్టణంలోనే కనీసం 2,000 ఆభరణాలకు సంబంధించిన దుకాణాలు ఉన్నాయి.ఇది రాష్ట్రంలోని ఇతర ప్రాంతాలకు మరియు పొరుగు రాష్ట్రాలకు కేంద్రంగా ఉంది. వరుస దాడుల దృష్ట్యా ప్రొద్దుటూరులో చాలా దుకాణాలు మూతపడ్డాయి.

Follow us