IED Destroyed: రిపబ్లిక్ డే రోజున భారీ దాడికి కుట్ర.. భద్రతా సంస్థలు అప్రమత్తం, పుల్వామాలో IED స్వాధీనం..!
జమ్మూకశ్మీర్లోని పుల్వామాలో భద్రతా బలగాలు ఘనవిజయం సాధించాయి. భద్రతా బలగాలు ఇంప్రూవైజ్డ్ ఎక్స్ప్లోజివ్ డివైజ్ (IED Destroyed)ని కనుగొన్నాయి. తర్వాత దాన్ని నాశనం చేశారు.
- By Gopichand Published Date - 09:51 AM, Fri - 26 January 24
IED Destroyed: జమ్మూకశ్మీర్లోని పుల్వామాలో భద్రతా బలగాలు ఘనవిజయం సాధించాయి. భద్రతా బలగాలు ఇంప్రూవైజ్డ్ ఎక్స్ప్లోజివ్ డివైజ్ (IED Destroyed)ని కనుగొన్నాయి. తర్వాత దాన్ని నాశనం చేశారు. గణతంత్ర దినోత్సవం సందర్భంగా భారత సైన్యాన్ని లక్ష్యంగా చేసుకుని ఉగ్రవాదులు ఐఈడీని అమర్చారు. కానీ భారత సైన్యం వారి కుట్రను భగ్నం చేసింది.
రాజ్పురా ప్రాంతంలోని బడిబాగ్ పాహులో రోడ్డు పక్కన ఐఈడీని స్వాధీనం చేసుకున్నట్లు అధికారులు తెలిపారు. బాంబ్ డిస్పోజల్ స్క్వాడ్ను సంఘటనా స్థలానికి రప్పించి ఐఈడీని ధ్వంసం చేశామని, ఎవరికీ ఎలాంటి హాని కలగకుండా చేశామని చెప్పారు. ఈ పేలుడు పదార్థాన్ని గుర్తించిన సైన్యం సెర్చ్ ఆపరేషన్ను ముమ్మరం చేసింది. ఆ ప్రాంతాన్ని క్షుణ్ణంగా పరిశీలిస్తున్నారు.
ఆర్మీ కాన్వాయ్పై దాడి చేశారు
అంతకుముందు జనవరి 12న పూంచ్ సెక్టార్లో ఆర్మీ కాన్వాయ్పై ఉగ్రవాదులు మెరుపుదాడి చేశారు. పూచ్లోని ఖనేతర్ ప్రాంతంలో భద్రతా బలగాల వాహనాలు వెళుతుండగా, ఉగ్రవాదులు రహస్యంగా కాల్పులు జరిపారు. దీనికి ప్రతిగా భారత సైనికులు కూడా కాల్పులు జరిపారు. గతంలో రాజౌరీలోని డేరాలో కూడా ఇదే తరహాలో ఉగ్రవాదులు జరిపిన దాడిలో నలుగురు సైనికులు వీరమరణం పొందారు.
Also Read: Foxconn – Padma Bhushan : యాంగ్ లీకి పద్మభూషణ్.. ఇండియాలో తైవాన్ వెలుగులు.. ఎవరాయన ?
‘ఉగ్రవాద ఘటనలు 66 శాతం తగ్గుదల’
జమ్మూకశ్మీర్లో ఆర్టికల్ 370ని రద్దు చేసినప్పటి నుంచి ఉగ్రవాద ఘటనలు 66 శాతం తగ్గాయని, పౌరుల హత్యలు 81 శాతం తగ్గాయని కేంద్ర హోంమంత్రి అమిత్ షా గురువారం అన్నారు. న్యూఢిల్లీ నుండి వీడియో కాన్ఫరెన్స్ ద్వారా జమ్మూలో ఈ-బస్ సర్వీస్ను ప్రారంభించిన అమిత్ షా ఉగ్రవాదానికి నిధులు సమకూర్చడం, ఉగ్రవాదుల ఆస్తులను సీలింగ్, జప్తు చేయడం, అనేక ఉగ్రవాద సంస్థలను నిషేధించడంపై మోడీ ప్రభుత్వం చర్యలు తీసుకుంటోందని అన్నారు.
We’re now on WhatsApp. Click to Join.
ఆర్టికల్ 370 రద్దు తర్వాత ఉగ్రవాదానికి సంబంధించిన మొత్తం సంఘటనలు 70 శాతం తగ్గాయని, పౌరుల మరణాలు 81 శాతం తగ్గాయని, భద్రతా దళాల మరణాలు 48 శాతం తగ్గాయని ఆయన అన్నారు. ఒకప్పుడు ఉగ్రవాదానికి పేరొందిన జమ్మూకశ్మీర్ను ప్రధాని టూరిజం హబ్గా మార్చారని మోదీని కొనియాడారు.
రాళ్ల దాడి ఘటనలు ఆగిపోయాయి- షా
2000 సంవత్సరంలో జమ్మూ కాశ్మీర్లో 2,654 రాళ్లదాడి ఘటనలు జరిగాయని, అయితే 2023 నాటికి ఆ సంఖ్య సున్నాకి తగ్గిందని అమిత్ షా అన్నారు. 2010లో దాదాపు 132 బంద్లు నిర్వహించగా, 2023లో ఒక్కటి కూడా జరగలేదు. 2010లో రాళ్లదాడి ఘటనల్లో దాదాపు 112 మంది పౌరులు మరణించారని, అయితే 2023లో ఒక్క పౌరుడు కూడా ప్రాణాలు కోల్పోలేదని హోంమంత్రి చెప్పారు. 2010లో దాదాపు 6235 మంది పౌరులు రాళ్లదాడి ఘటనల్లో గాయపడ్డారు కానీ గత ఏడాది అలాంటి ఘటనలో ఒక్కరు కూడా గాయపడలేదని పేర్కొన్నారు. ప్రధాని మోదీ కృషి వల్ల జమ్మూకశ్మీర్లో కొత్త శ్రేయస్సు, శాంతి, సాధారణ పరిస్థితులు ప్రారంభమయ్యాయని దీన్నిబట్టి అర్థమవుతోందన్నారు.
Related News
PM Modi : త్వరలో ఇక్కడ అసెంబ్లీ ఎన్నికలు: ప్రధాని మోడీ
Jammu And Kashmir: కేంద్రపాలిత ప్రాంతం(union territory) జమ్మూ కశ్మీర్(Jammu and Kashmir)కు రాష్ట్ర హోదా(State status) లభిస్తుందని ప్రధాని నరేంద్ర మోడీ(PM Modi) అన్నారు. ఇక్కడ అసెంబ్లీ ఎన్నికలు(Assembly elections) జరగనున్నాయని పేర్కొన్నారు. లోక్సభ ఎన్నికలు-2024లో భాగంగా శుక్రవారం ఉధంపూర్(Udhampur)లో బీజేపీ(bjp) నిర్వహించిన ఎన్నికల ర్యాలీలో ప్రధాని పాల్గొన్నారు. కేంద్ర మంత్రి జితేంద్ర సింగ్కు స్టార్ క్యాంపెయినర్గా మోదీ ప్రసంగించా�