Heavy Rains Today : నేడు 11 జిల్లాల్లో భారీ వర్షాలు.. ఐఎండీ అలర్ట్

Heavy Rains Today : తెలంగాణలోని పలు జిల్లాలో ఈరోజు ఉరుములు, మెరుపులతో కూడిన వర్షాలు కురిసే అవకాశం ఉందని  హైదరాబాద్ వాతావరణ కేంద్రం అధికారులు తెలిపారు. ఆదిలాబాద్, కొమురం భీం, ఆసిఫాబాద్, మంచిర్యాల, నిర్మల్, నిజామాబాద్, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట జిల్లాల్లో అక్కడక్కడ వానలు కురిసే ఛాన్స్  ఉందని చెప్పారు. రాగల మూడు రోజుల్లో తెలంగాణలోని ఉత్తర, ఈశాన్య జిల్లాలలో తేలికపాటి నుంచి మోస్తరు వర్షాలు(Heavy Rains Today) కురిసే అవకాశం ఉందని వెల్లడించారు.

Also read : Vande Sadharan: రైలు ప్రయాణికులకు గుడ్ న్యూస్.. వందేభారత్ స్థానంలో వందే సాధారణ్..?

ఉష్ణోగ్రతలు 30 డిగ్రీల నుంచి 23 డిగ్రీల మేరకు.. 

‘‘ఈరోజు ఆకాశం పాక్షికంగా మేఘావృతమై ఉంటుంది. సాయంత్రం లేదా రాత్రి సమయంలో తేలికపాటి నుంచి మోస్తరు వర్షం లేదా చినుకులు పడే అవకాశం ఉంది. గరిష్ఠ, కనిష్ఠ ఉష్ణోగ్రతలు 30 డిగ్రీల నుంచి 23 డిగ్రీల మేరకు ఉండే అవకాశం ఉంది. ఉపరితల గాలులు నైరుతి దిశ నుంచి గాలి వేగం గంటకు 6 నుంచి 10 కిలో మీటర్ల వేగంతో వీచే అవకాశం ఉంది’’ అని వెదర్ బులెటిన్ లో హైదరాబాద్ వాతావరణ కేంద్రం పేర్కొంది.  నిన్నటి ఆవర్తనం ఈ రోజు నైరుతి బంగాళాఖాతంలో సగటు సముద్ర మట్టం నుంచి 4.5 కిమీ నుంచి 7.6 కిమీ ఎత్తు మధ్య కొనసాగుతోందని వివరించింది. ఈరోజు దిగువ స్థాయిలోని గాలులు పశ్చిమ దిశ వైపు నుంచి తెలంగాణ వైపుకు వీస్తున్నాయని తెలిపింది.

Also read : Trinamool Clean Sweep : దీదీ పార్టీ క్లీన్ స్వీప్.. బెంగాల్ లోకల్ పోల్స్ లో హవా

Follow us