Gold Price Today : మగువలకు గుడ్‌ న్యూస్‌.. తగ్గిన బంగారం ధరలు..!

Gold Price Today : బంగారం కొనుగోలు చేయాలనుకునే వారికి ఇది చక్కటి సమయం. ఇటీవల భారీగా పెరిగిన పసిడి ధరలు ఇప్పుడు వరుసగా రెండ్రోజులుగా తగ్గుతూ, కొనుగోలుదారులకు ఊరటనిచ్చాయి. అక్టోబర్ చివరి నాటికి ఆల్ టైమ్ గరిష్ఠాన్ని తాకిన బంగారం ధరలు, నవంబర్ నెల ప్రారంభం నుండి క్రమంగా తగ్గుముఖం పట్టాయి. అయితే మధ్యలో ఒక్కసారిగా మళ్లీ పెరుగడంతో ఆందోళనకు గురైన వారు, తాజాగా ధరల పతనంతో కాస్త సంతోషించవచ్చు. అంతర్జాతీయ మార్కెట్‌లో బంగారం ధరల తగ్గుదలతో దేశీయ మార్కెట్‌లో అదే ప్రభావం కనిపిస్తోంది.

అంతర్జాతీయ మార్కెట్ పరిస్థితి:

అంతర్జాతీయంగా డాలర్ బలపడటం, ఫెడరల్ రిజర్వ్ వడ్డీ రేట్ల కోత అంచనాలు, భౌగోళిక ఉద్రిక్తతలు పసిడి ధరల పెరుగుదలకు కారణమయ్యాయి. అయితే, గరిష్ఠ ధరల వద్ద మదుపరులు లాభాల బుకింగ్ చేయడంతో బంగారం ధరలు తగ్గుముఖం పట్టాయి. నవంబర్ 27 నాటికి స్పాట్ గోల్డ్ రేటు 2631 డాలర్లకు చేరుకుంది. స్పాట్ సిల్వర్ ధర కూడా 30.36 డాలర్లకు తగ్గింది. రూపాయి మారకం విలువ డాలర్‌తో పోలిస్తే రూ.84.324 వద్ద ట్రేడవుతోంది.

హైదరాబాద్ బులియన్ మార్కెట్:

హైదరాబాద్ మార్కెట్లో బంగారం ధరలు వరుసగా రెండో రోజు తగ్గాయి. 24 క్యారెట్ల బంగారం 10 గ్రాముల ధర రెండు రోజుల్లో రూ.2400 తగ్గి, రూ.77,240 వద్దకు చేరుకుంది. 22 క్యారెట్ల బంగారం ధర తులానికి రూ.2200 తగ్గి రూ.70,800 వద్ద నిలిచింది.

వెండి ధరల పతనం:

బంగారంతో పాటు వెండి ధరలు కూడా భారీగా పడిపోయాయి. వరుసగా రెండో రోజూ వెండి ధర కిలోకు రూ.3000 తగ్గి, రూ.98,000 వద్దకు చేరింది. లక్ష మార్కు దిగజారడం ఈ నెలలో రెండోసారి కావడం గమనార్హం.

నిపుణుల సూచనలు:

మళ్లీ ధరలు పెరిగే అవకాశం ఉండటంతో, ఇప్పట్లో బంగారం, వెండి కొనుగోలు చేయడం మంచిదని బులియన్ మార్కెట్ నిపుణులు సూచిస్తున్నారు.

Read Also : Heart Attack: ఎక్కువ‌సేపు నీళ్లు తాగ‌కుండా ఉంటే గుండెపోటు వ‌స్తుందా?