Naxal Attack: ఛత్తీస్గఢ్లో ఎదురుకాల్పులు.. ముగ్గురు పోలీసులు మృతి
ఛత్తీస్గఢ్ (Chhattisgarh)లోని సుక్మా జిల్లాలో భద్రతా బలగాలకు, నక్సలైట్లకు మధ్య భారీ ఎన్కౌంటర్ జరిగింది. ఈ ఎన్కౌంటర్లో జిల్లా రిజర్వ్ గ్రూప్ (డిఆర్జి)కి చెందిన ముగ్గురు జవాన్లు వీరమరణం పొందారు. శనివారం ఉదయం జాగరగుండ సమీపంలోని ఆశ్రమ పారా వద్ద ఎన్కౌంటర్ జరిగినట్లు చెబుతున్నారు.
- Author : Gopichand
Date : 25-02-2023 - 12:14 IST
Published By : Hashtagu Telugu Desk
ఛత్తీస్గఢ్ (Chhattisgarh)లోని సుక్మా జిల్లాలో భద్రతా బలగాలకు, నక్సలైట్లకు మధ్య భారీ ఎన్కౌంటర్ జరిగింది. ఈ ఎన్కౌంటర్లో జిల్లా రిజర్వ్ గ్రూప్ (డిఆర్జి)కి చెందిన ముగ్గురు జవాన్లు వీరమరణం పొందారు. శనివారం ఉదయం జాగరగుండ సమీపంలోని ఆశ్రమ పారా వద్ద ఎన్కౌంటర్ జరిగినట్లు చెబుతున్నారు. ఈ సందర్భంగా ఇరువర్గాల నుంచి వేగంగా కాల్పులు జరిగాయి.
ఈ సమయంలో బాంబు పేలుడు శబ్ధం కూడా వినిపించింది. భద్రతా దళాల సైనికులు సెర్చ్ ఆపరేషన్కు వెళ్లారని, అప్పుడు నక్సలైట్లు కాల్పులు జరిపారని చెబుతున్నారు. మృతుల్లో ఏఎస్సై రామురామ్ నాగ్, అసిస్టెంట్ కానిస్టేబుల్ కుంజం జోగా, కానిస్టేబుల్ వనజం భీమా ఉన్నారు. ఈ దాడిలో ఇద్దరు జవాన్లు కూడా గాయపడ్డారు.
Also Read: Odisha: ఒడిశాలో ఘోర రోడ్డు ప్రమాదం.. ఏడుగురు మృతి
పోలీసుల వర్గాల ప్రకారం.. ఏరియా ఆధిపత్యంపై జాగర్గుండ ప్రాంతంలో కొత్తగా స్థాపించబడిన కుందర్ క్యాంపు నుండి పార్టీ బయటకు వచ్చింది. ఆ తర్వాత శిబిరానికి రెండు కిలోమీటర్ల దూరంలోని ఆశ్రంపర సమీపంలో ఉదయం ఎనిమిది గంటలకు నక్సలైట్లు మెరుపుదాడి చేసి సైనికులపై దాడి చేశారు. ఉదయం 9.30 గంటలకు ఎన్కౌంటర్ ఆగిపోయిందని సుక్మా ఎస్పీ సునీల్ శర్మ తెలిపారు.
బ్యాకప్ పార్టీ స్పాట్కు చేరుకుంది. ఆ ప్రాంతంలో సోదాలు జరుగుతున్నాయి. నక్సలైట్ల కాల్పుల అనంతరం భద్రతా బలగాలు కూడా ఎదురుకాల్పులు జరిపాయని.. దీనికి సంబంధించి మరింత సమాచారం సేకరిస్తున్నామని పోలీసు అధికారులు తెలిపారు. ఆ ప్రాంతంలో నక్సలైట్లపై ఆపరేషన్ కొనసాగుతోంది.
Follow us
