Amaravati : నేడు అమరావతి పనుల పునఃప్రారంభం

Amaravati Chandrababu

Amaravati : ఆంధ్రప్రదేశ్ రాజధాని అమరావతి పునర్నిర్మాణానికి సంబంధించిన కీలకమైన అడుగులను కూటమి ప్రభుత్వం ముందుకు వేస్తోంది. గతంలో టీడీపీ ప్రభుత్వం అధికారంలో ఉన్నప్పుడు అమరావతిలో భారీ స్థాయిలో నిర్మాణ పనులు ప్రారంభం అయ్యాయి. అయితే, ఆ తర్వాత వైసీపీ ప్రభుత్వం అధికారంలోకి వచ్చిన సమయంలో, అమరావతి నిర్మాణ పనులు స్తంభించాయి. ఈ స్థితిలో, కూటమి ప్రభుత్వం తిరిగి అమరావతిని రాజధానిగా అభివృద్ధి చేయడానికి నిర్ణయించుకుంది. ముఖ్యమంత్రి నారా చంద్రబాబు నాయుడు ఆధ్వర్యంలో రాజధాని నిర్మాణ పనులను పునఃప్రారంభించేందుకు ఏర్పాట్లు పూర్తయ్యాయి.

ఈ రోజు ఉదయం 11 గంటలకు, చంద్రబాబు సీఆర్డీఏ ప్రాజెక్ట్ ఆఫీస్ పనులకు మళ్లీ శంకుస్థాపన చేయనున్నారు. గతంలో సీఆర్డీఏ 160 కోట్ల రూపాయలతో 7 అంతస్తుల కార్యాలయ భవన నిర్మాణాన్ని ప్రారంభించింది. కానీ వైసీపీ ప్రభుత్వ హయాంలో ఆ నిర్మాణాలు నిలిచిపోయాయి. ఇప్పుడు, ఆగిపోయిన ఆ నిర్మాణాలను తిరిగి ప్రారంభించడం కోసం కూటమి ప్రభుత్వం ముందుకెళ్లింది.

ఈ నిర్మాణ పనుల పునఃప్రారంభంపై ఇటీవల జరిగిన సీఆర్డీఏ అథారిటీ సమావేశంలో నిర్ణయం తీసుకున్నారు. ముఖ్యమంత్రి చంద్రబాబు ఇప్పటికే పూర్తయిన నిర్మాణాలను పరిశీలించి, అవి పటిష్టంగా ఉన్నాయా లేదా దెబ్బతిన్నాయా అనే అంశంపై విశ్లేషణ చేయించారు. ఈ నివేదిక ఆధారంగా, నిలిచిపోయిన పనులను తిరిగి ప్రారంభించాలనే నిర్ణయానికి ప్రభుత్వం వచ్చింది.

Rohit Sharma Disappointment: కోహ్లీ ఔట్‌.. రోహిత్ శర్మ రియాక్ష‌న్ మ‌రోసారి వైర‌ల్‌

అమరావతి నిర్మాణానికి కేంద్ర ప్రభుత్వం కూడా ప్రత్యేక సహాయాన్ని ప్రకటించింది, ఇది ఈ పునర్నిర్మాణ ప్రణాళికకు మరింత ఊపందించింది. అమరావతి, అందులోని ఇన్‌ఫ్రాస్ట్రక్చర్, కీలక ప్రాజెక్టులు, రవాణా సౌకర్యాలు, కొత్త భవనాలు , ఇతర మౌలిక సదుపాయాలను రూపొందించేందుకు ప్రభుత్వం భారీ వ్యూహంతో ముందుకు సాగుతోంది.

ఇదిలా ఉంటే.. నిన్న టీడీపీ అధినేత చంద్రబాబు నాయుడు పార్టీకి చెందిన ఎమ్మెల్యేలకు గట్టి హెచ్చరికలు చేశారు. ముఖ్యంగా, ఇసుక , మద్యం వ్యాపారాల్లో ఎవ్వరూ జోక్యం చేసుకోవద్దని, ఈ రంగాలలో లాభాల కోసం తలపెట్టకుండా ఉండాలని స్పష్టం చేశారు. చంద్రబాబు నాయుడు నేతలందరికీ హితవుగా, కొత్తగా లిక్కర్ వ్యాపారంలోకి ప్రవేశించి సంపాదించేందుకు యత్నించవద్దని హెచ్చరించారు. మాగుంట ఫ్యామిలీ లిక్కర్ వ్యాపారంలో ఎప్పటి నుంచో ఉన్నందున వారికి మాత్రమే మినహాయింపు ఉందని చెప్పారు. టీడీపీ ఎమ్మెల్యేలు, ఎంపీలు, ఎమ్మెల్సీలు, నియోజకవర్గ ఇన్‌ఛార్జులు, ముఖ్యనేతలు ఇసుక , మద్యం వంటి అంశాల్లో జోక్యం చేసుకోవద్దని ఆయన పునరుద్ఘాటించారు.

అదే సమయంలో, టీడీపీ జాతీయ స్థాయిలో భాగస్వామ్యం కలిగి ఉన్నట్లు చంద్రబాబు వెల్లడించారు. మూడు పార్టీల కలయికతోనే ప్రభుత్వం ఏర్పాటు చేశామని తెలిపారు. పార్టీ నేతలకు మిత్రపక్షాలతో సమన్వయం చేసుకుంటూ ముందుకు సాగాలని సూచించారు. తదుపరి, గత ఐదేళ్లలో వైసీపీ ప్రభుత్వానికి వ్యతిరేకంగా విమర్శలు చేశారు. రాష్ట్రాన్ని సర్వనాశనం చేశారని, కేంద్రం నుంచి వచ్చిన నిధులను దారి మళ్లించారని ఆరోపణలు గుప్పించారు.

Health Tips : నెల రోజులు పళ్ళు తోమకుంటే ఏమవుతుంది..?

Follow us