ఆదివారం రోజే సెల‌వు ఎందుకు ఇస్తున్నారో తెలుసా?

Sunday

Sunday: ఆదివారం సెలవు అనేది కేవలం విశ్రాంతి కోసం తీసుకున్న నిర్ణయం కాదు దీని వెనుక ఒక పెద్ద పోరాట చరిత్ర ఉంది. భారతదేశంలో 1890లో బ్రిటిష్ ప్రభుత్వం ఆదివారాన్ని అధికారిక సెలవు దినంగా ప్రకటించింది. అయితే, వారపు సెలవు కోసం ఈ రోజునే ఎందుకు ఎంచుకున్నారో దాని వెనుక ఉన్న క‌థ ఏంటో ఇప్పుడు తెలుసుకుందాం.

ఆదివారమే ఎందుకు సెలవు?

భారతదేశంలో ఆదివారం సెలవుకు బ్రిటిష్ పాలన, కార్మికుల హక్కులతో ప్రత్యక్ష సంబంధం ఉంది. స్వాతంత్య్రానికి పూర్వం బ్రిటిష్ వారు భారతదేశాన్ని పరిపాలిస్తున్నప్పుడు వారు ప్రతి ఆదివారం చర్చికి వెళ్లి ప్రార్థనలు చేసేవారు. కానీ భారతీయ కార్మికులు మాత్రం మిల్లులలో వారానికి ఏడు రోజులు పని చేయాల్సి వచ్చేది. కార్మికుల ఈ దయనీయ స్థితిని చూసి అప్పటి కార్మిక నాయకుడు సెలవు కావాలని ప్రతిపాదించారు.

8 ఏళ్ల పోరాటం తర్వాత లభించిన విజయం

కార్మిక నాయకుడు నారాయణ మేఘాజీ లోఖండే బ్రిటిష్ వారి ముందు ఆదివారం సెలవు ప్రతిపాదనను ఉంచారు. ఆరు రోజులు కుటుంబం కోసం కష్టపడిన తర్వాత ఒక రోజు సమాజం, ఆరోగ్యం కోసం కేటాయించాలని ఆయన వాదించారు. మొదట బ్రిటిష్ ప్రభుత్వం దీనిని తిరస్కరించినప్పటికీ లోఖండే వెనక్కి తగ్గకుండా 8 ఏళ్ల పాటు సుదీర్ఘ పోరాటం చేశారు. చివరకు 1890 జూన్ 10న బ్రిటిష్ ప్రభుత్వం తలవంచి, ఆదివారాన్ని వారపు సెలవు దినంగా ప్రకటించింది.

Also Read: డ్రగ్స్ కేసు.. ఎంపీ పుట్టా మహేష్‌ యాదవ్‌పై కుట్ర జ‌రుగుతుందా?!

ఆదివారం సెలవు వెనుక ఉన్న మతపరమైన నమ్మకాలు

ఆదివారం సెలవు వెనుక మతపరమైన కారణాలు కూడా ఉన్నాయి. దీనిపై హిందూ, క్రైస్తవ మతాల దృక్పథాలు వేర్వేరుగా ఉన్నాయి. హిందూ విశ్వాసాల ప్రకారం వారంలో మొదటి రోజు సూర్య భగవానుడి రోజైన ‘ఆదివారం’. సూర్యుడిని ఆరోగ్యానికి, శక్తికి అధిదేవతగా భావిస్తారు. కాబట్టి ఈ రోజును కొత్త శక్తిని కూడగట్టుకునే రోజుగా భావిస్తారు.

క్రైస్తవ విశ్వాసాల ప్రకారం.. దేవుడు ప్రపంచాన్ని సృష్టించడానికి 6 రోజులు పని చేసి, ఏడవ రోజు విశ్రాంతి తీసుకున్నారు. ఈ ‘సబ్బాత్’ సంప్రదాయం కారణంగా ఆదివారం చర్చికి వెళ్లడానికి, విశ్రాంతి తీసుకోవడానికి కేటాయించారు.

అంతర్జాతీయ ప్రమాణాలు- అధికారిక గుర్తింపు

అంతర్జాతీయ ప్రమాణాల సంస్థ (ISO) ప్రకారం ఆదివారాన్ని వారంలో చివరి రోజుగా పరిగణిస్తారు. అయితే దీనికి ప్రపంచవ్యాప్తంగా విస్తృత గుర్తింపు 1986 లో లభించింది. మరో ఆసక్తికరమైన విషయం ఏమిటంట.. 1843లో బ్రిటిష్ గవర్నర్ జనరల్ పిల్లల కోసం ఆదివారం సెలవును ప్రతిపాదించారు. తద్వారా వారు తమ సృజనాత్మకతపై దృష్టి పెట్టవచ్చని భావించారు.

Follow us