Welfare Fees: ఫుడ్, ఆన్లైన్ షాపింగ్ యాప్స్ వాడుతున్నారా..? అయితే ఖచ్చితంగా చదవాల్సిందే!
కర్ణాటక ప్రభుత్వం గిగ్ వర్కర్స్ (సామాజిక భద్రత, సంక్షేమం) బిల్లు, 2024ను సిద్ధం చేసింది. ఈ చట్టం ప్రకారం ఈ అగ్రిగేటర్ ప్లాట్ఫారమ్లపై ప్రభుత్వం 1 నుండి 2 శాతం రుసుమును విధించవచ్చని బిజినెస్ స్టాండర్డ్ రిపోర్ట్ పేర్కొంది.
- Author : Gopichand
Date : 19-10-2024 - 11:03 IST
Published By : Hashtagu Telugu Desk
Welfare Fees: ఫుడ్టెక్, ఆన్లైన్ షాపింగ్ వంటి కంపెనీలు దేశంలోని లక్షలాది మందికి డెలివరీ భాగస్వాములుగా ఉపాధి కల్పించాయి. వారిని గిగ్ వర్కర్స్ అని కూడా అంటారు. స్విగ్గీ, జొమాటో, అమెజాన్, ఫ్లిప్కార్ట్, ఉబర్, ఓలా, మీషో వంటి పెద్ద కంపెనీలు పెద్ద ఎత్తున గిగ్ వర్కర్లకు ఉద్యోగాలు కల్పించడంలో నిమగ్నమై ఉన్నాయి. ఇప్పుడు గిగ్ వర్కర్ల పేరుతో ఈ కంపెనీల నుంచి సంక్షేమ ఫీజులు (Welfare Fees) వసూలు చేసేందుకు సన్నాహాలు చేస్తున్నారు. ఈ నిర్ణయం తీసుకుంటే ఈ కంపెనీలు ఈ రుసుముల భారాన్ని కస్టమర్పై మోపవచ్చని తెలుస్తోంది.
1 నుండి 2 శాతం రుసుము వసూలు చేసే అవకాశం
నిజానికి ఈ ప్రిపరేషన్ కర్ణాటకలో జరుగుతోంది. కర్ణాటక ప్రభుత్వం గిగ్ వర్కర్స్ (సామాజిక భద్రత, సంక్షేమం) బిల్లు, 2024ను సిద్ధం చేసింది. ఈ చట్టం ప్రకారం ఈ అగ్రిగేటర్ ప్లాట్ఫారమ్లపై ప్రభుత్వం 1 నుండి 2 శాతం రుసుమును విధించవచ్చని బిజినెస్ స్టాండర్డ్ రిపోర్ట్ పేర్కొంది. వచ్చేవారం జరిగే కమిటీ స్థాయి సమావేశం తర్వాత దీనికి సంబంధించి ప్రకటన వెలువడవచ్చు. ప్రస్తుతం ఈ విషయంపై ఏ కంపెనీ ఏమీ మాట్లాడలేదు. గిగ్ కార్మికులు పనిచేసే ప్రతి కంపెనీ ఈ నిబంధన పరిధిలోకి వస్తుంది.
Also Read: Sarfaraz Khan: టెస్టు కెరీర్లో తొలి సెంచరీ చేసిన సర్ఫరాజ్ ఖాన్.. ఈ దిగ్గజాల సరసన చోటు!
సోషల్ సెక్యూరిటీ అండ్ వెల్ఫేర్ ఫండ్కు డబ్బు ఇవ్వాలి
ముసాయిదా బిల్లు ప్రకారం.. రాష్ట్ర ప్రభుత్వం గిగ్ కార్మికుల కోసం ఒక నిధిని సృష్టిస్తుంది. దీనిని కర్ణాటక గిగ్ వర్కర్స్ సోషల్ సెక్యూరిటీ అండ్ వెల్ఫేర్ ఫండ్ అని పిలుస్తారు. ఈ నిధి కోసం అన్ని అగ్రిగేటర్ కంపెనీల నుండి సంక్షేమ రుసుములు వసూలు చేయబడతాయి. ముసాయిదా బిల్లు ప్రకారం.. త్రైమాసికం చివరిలో ప్రతి కంపెనీ ఈ రుసుమును ప్రభుత్వానికి చెల్లించాలి.
చాలా స్టార్టప్లు నిరసన తెలిపాయి
నివేదికల ప్రకారం.. చాలా స్టార్టప్లు, యునికార్న్ల సమూహం ఈ బిల్లుకు సంబంధించి తీవ్రమైన ప్రశ్నలను లేవనెత్తాయి. ఇలాంటి చట్టం వల్ల రాష్ట్రంలో ఈజ్ ఆఫ్ డూయింగ్ బిజినెస్ ఆలోచన దెబ్బతింటుందని ప్రభుత్వానికి తెలిపారు. దీనివల్ల స్టార్టప్ ఆర్థిక వ్యవస్థపై అనవసర ఒత్తిడి పెరగడంతో పాటు ఆర్థిక భారం కూడా పెరుగుతుందన్నారు. ఈ బృందం CII, Nasscom, IAMAI ద్వారా ప్రభుత్వంతో తన నిరసనను కూడా తెలిపింది.
Follow us
