Tamil Nadu Election Results 2026 : విజయ్ ‘విజిల్’ సౌండ్ కు డీఎంకే విలవిల !!
తమిళనాడు అసెంబ్లీ ఎన్నికల ఫలితాల్లో ఊహించని పరిణామాలు చోటుచేసుకుంటున్నాయి. ఇప్పటివరకు వెలువడిన ట్రెండ్స్ ప్రకారం, విజయ్ నేతృత్వంలోని TVK ఏకంగా 108 స్థానాల్లో ఏకపక్షంగా దూసుకుపోతోంది. అధికారం ఖాయమని భావించిన
- Author : Sudheer
Date : 04-05-2026 - 10:47 IST
Published By : Hashtagu Telugu Desk
తమిళనాడు రాజకీయ చరిత్రలో కనీవినీ ఎరుగని సంచలనం నమోదవుతోంది. దశాబ్దాలుగా రాష్ట్రాన్ని శాసిస్తున్న ద్రావిడ దిగ్గజాలకు చుక్కలు చూపిస్తూ, దళపతి విజయ్ తన ‘తమిళగ వెట్రి కళగం’ (TVK) పార్టీతో సరికొత్త చరిత్ర సృష్టిస్తున్నారు. ప్రస్తుత కౌంటింగ్ సరళిని బట్టి తమిళనాట ‘విజిల్’ మోత మోగుతోంది. తమిళనాడు అసెంబ్లీ ఎన్నికల ఫలితాల్లో ఊహించని పరిణామాలు చోటుచేసుకుంటున్నాయి. ఇప్పటివరకు వెలువడిన ట్రెండ్స్ ప్రకారం, విజయ్ నేతృత్వంలోని TVK ఏకంగా 108 స్థానాల్లో ఏకపక్షంగా దూసుకుపోతోంది. అధికారం ఖాయమని భావించిన అధికార డీఎంకే (DMK) కేవలం 51 స్థానాలకే పరిమితమై మూడో స్థానానికి పడిపోవడం రాజకీయ వర్గాలను దిగ్భ్రాంతికి గురిచేస్తోంది. అన్నా డీఎంకే (AIADMK) కూటమి 72 స్థానాల్లో ఆధిక్యంతో రెండో స్థానంలో కొనసాగుతోంది. ఈవీఎంలు తెరిచిన సమయం నుంచే విజయ్ హవా మొదలవ్వడంతో, చెన్నై సహా మెట్రో నగరాల్లో టీవీకే అభ్యర్థులు తిరుగులేని మెజారిటీ దిశగా అడుగులు వేస్తున్నారు.
దిగ్గజాలకు షాక్.. హంగ్ సంకేతాలతో మంత్రాంగం
ఈ ఎన్నికల్లో అత్యంత ఆశ్చర్యకరమైన విషయం ఏమిటంటే.. స్వయంగా ముఖ్యమంత్రి ఎం.కె. స్టాలిన్ మరియు డిప్యూటీ సీఎం ఉదయనిధి స్టాలిన్ కూడా ప్రారంభ రౌండ్లలో వెనుకంజలో ఉండటం. విజయ్ తాను పోటీ చేసిన పెరంబూర్, తిరుచ్చి ఈస్ట్ రెండింటిలోనూ భారీ ఆధిక్యంలో ఉన్నారు. అయితే, మెజారిటీ మార్కు (118) కు టీవీకే స్వల్ప దూరంలో ఉండటంతో రాష్ట్రంలో ‘హంగ్’ ఏర్పడే అవకాశాలు కనిపిస్తున్నాయి. ఇదే తరుణంలో స్టాలిన్ను అధికారానికి దూరం చేయడమే లక్ష్యంగా అన్నా డీఎంకే పావులు కదుపుతోంది. అవసరమైతే విజయ్కు మద్దతు ఇచ్చి ప్రభుత్వం ఏర్పాటు చేయాలని పళనిస్వామి వర్గం మంత్రాంగం మొదలుపెట్టింది.
‘రిసార్ట్’ పాలిటిక్స్.. సింగిల్ గానే వస్తామన్న ధీమా
ఫలితాల సరళిని గమనించిన విజయ్ అప్పుడే అప్రమత్తమయ్యారు. హంగ్ ఏర్పడితే అభ్యర్థుల చేజారకుండా ఉండేందుకు, గెలిచిన వారందరినీ వెంటనే పార్టీ కార్యాలయానికి రావాలని ఆదేశించారు. వారిని సురక్షిత ప్రాంతానికి లేదా రిసార్టుకు తరలించే యోచనలో ఆయన ఉన్నట్లు సమాచారం. అయితే, బయటకు మాత్రం తమకు ఎవరి మద్దతు అవసరం లేదని, సింగిల్ గానే మేజిక్ ఫిగర్ సాధించి ప్రభుత్వం ఏర్పాటు చేస్తామని టీవీకే నేతలు ధీమా వ్యక్తం చేస్తున్నారు. మరో కొన్ని గంటల్లో పూర్తిస్థాయి ఫలితాలు వెలువడితే, తమిళనాడు పీఠంపై దళపతి విజయ్ కూర్చుంటారో లేక రాజకీయ సమీకరణాలు మరో మలుపు తిరుగుతాయో స్పష్టత రానుంది.
Follow us
