Longest Sleep Duration: ఏ దేశంలో ఎక్కువ నిద్రపోయేవారు ఉన్నారో తెలుసా..?

Longest Sleep Duration: మంచి నిద్ర పొందడం వల్ల చాలా ప్రయోజనాలు ఉన్నాయి. వైద్యుల అభిప్రాయం ప్రకారం.. పూర్తి నిద్రను పొందడం వల్ల వ్యక్తి అభ్యాస సామర్థ్యం పెరుగుతుంది. ఒత్తిడి తగ్గుతుంది. ఒక వ్యక్తి సరిగ్గా నిద్రపోతే అతని మానసిక స్థితి బాగుంటుంది. మంచి నిద్ర గుండె జబ్బుల ప్రమాదాన్ని తగ్గిస్తుంది. నిద్రపోవడం వల్ల ఇన్ని ప్రయోజనాలున్నప్పుడు, ప్రపంచంలో ఏ దేశంలో ఎక్కువ నిద్రపోయేవారు (Longest Sleep Duration) ఉన్నారో తెలుసా?

నెదర్లాండ్స్ ప్రజలు నిద్ర‌లో నంబ‌ర్ వ‌న్‌

ఇటీవలి గ్లోబల్ స్లీప్ స్టడీస్ 2024 ప్రకారం.. నెదర్లాండ్స్ ప్రజలు ప్రపంచంలోని నిద్రలో నంబర్ 1గా ఉన్నారు. వాస్తవానికి ఇక్కడి ప్రజలు ప్రతిరోజూ సగటున 8.1 గంటలు నిద్రపోతారని అధ్యయనాలు చెబుతున్నాయి. ఆధునిక జీవనశైలిలో ప్రజలు తక్కువ నిద్రపోవడం ప్రారంభించారు. పని ఒత్తిడి, జీవిత ఒత్తిడి కారణంగా ప్రజలు నిద్రలేమితో బాధపడుతున్నారు.

Also Read: Asian Champions Trophy: ఆసియా ఛాంపియన్స్ ట్రోఫీ 2024లో సెమీ-ఫైనల్‌కు చేరిన భార‌త హాకీ జ‌ట్టు..!

నిద్ర.. జీవనశైలి, దినచర్యపై ఆధారపడి ఉంటుంది

నివేదిక ప్రకారం.. ప్రపంచవ్యాప్తంగా ప్రజలు వారి జీవనశైలి, రొటీన్ ప్రకారం నిద్రపోతారు. అందుకే వారి శరీరం దానికి అనుగుణంగా తనను తాను మార్చుకుంటుంది. ఫిన్లాండ్ ప్రజలు నిద్రపోవడంలో ఇతర దేశాల కంటే ముందున్నారు. నెదర్లాండ్స్ తర్వాత రెండవది. నివేదిక ప్రకారం.. ఇక్కడి ప్రజలు ప్రతిరోజూ దాదాపు 8 గంటలపాటు నిద్రపోతారు.

నిద్ర‌పోవ‌డంలో భారతీయులు 20వ స్థానంలో నిలిచారు

గ్లోబల్ స్లీప్ స్టడీస్ 2024 ప్రకారం.. ఆస్ట్రేలియా మూడవ స్థానంలో ఉంది. ఇక్కడ ప్రజలు 7.9 గంటలు నిద్రపోతారు. దీని తరువాత ఫ్రాన్స్ ప్రజలు నాల్గవ స్థానంలో ఉన్నారు. వీరు 7.9 గంటలు నిద్రపోతారు. ఈ ర్యాంకింగ్‌లో భారత్ 20వ స్థానంలో ఉంది. అధ్యయనం ప్రకారం భారతదేశంలోని ప్రజలు సగటున 7.1 గంటలు నిద్రపోతారు. తక్కువ నిద్రపోవడం ఒక వ్యక్తి శారీరక, మానసిక ఆరోగ్యంపై చెడు ప్రభావాన్ని చూపుతుందని నివేదిక‌లు సైతం చెబుతున్నాయి.