Numerology: మాస్టర్ నంబర్స్ (11, 22, 33) అంటే ఏమిటి? మీ సంఖ్యను ఎలా లెక్కించాలి?

Numerology

Numerology: అంకజ్యోతిష్యం (Numerology) అంటే సంఖ్యలు, అక్షరాల జ్యోతిష్య గణన. ఈ సంఖ్యలు, అక్షరాలు కొన్ని ప్రత్యేక రకాల శక్తిని కంపనం చేస్తాయి. దీని ప్రభావం మన జీవితంపై కనిపిస్తుంది. అంకశాస్త్రంలో 1 నుండి 9 వరకు ఉన్న సంఖ్యలు సాధారణ శక్తిని సూచిస్తాయి. అయితే 11, 22, 33లను మాస్టర్ నంబర్స్ అంటారు. అసలు ఈ మాస్టర్ నంబర్స్ అంటే ఏమిటి? అంకజ్యోతిష్యంలో వాటి ప్రాముఖ్యత ఏమిటి? వివరంగా తెలుసుకుందాం.

అంకశాస్త్రంలో 11, 22, 33 సంఖ్యలను మాస్టర్ నంబర్స్‌గా పిలుస్తారు. ఈ సంఖ్యలు అత్యున్నత ఆధ్యాత్మిక కంపనం, వివేకం, విశ్వం లోతైన ఆధ్యాత్మిక సంకేతాలకు చిహ్నంగా పరిగణించబడతాయి. అంకశాస్త్ర నిపుణుల అభిప్రాయం ప్రకారం.. ఈ సంఖ్యలు సాధారణ సంఖ్యల (1 నుండి 9) కంటే ఎక్కువ శక్తివంతమైనవి.

అంకశాస్త్రంలో మాస్టర్ నంబర్‌ల ప్రాముఖ్యత

అంకజ్యోతిష్యం ప్రకారం మాస్టర్ నంబర్‌లలో స్పందన, ప్రభావం, ఉత్సాహం, సామర్థ్యం సాధారణ సంఖ్యల కంటే చాలా ఎక్కువగా ఉంటుంది. దీనితో పాటు ఇవి త్రిదేవులకు కూడా ప్రాతినిధ్యం వహిస్తాయి. ఎవరి జీవిత మార్గ సంఖ్యలు 11, 22 లేదా 33గా ఉంటాయో వారు ఒక ప్రత్యేక ప్రయోజనం కోసం జన్మించినట్లు భావిస్తారు. జీవిత ప్రారంభ దశలో వారికి సవాళ్లు, కష్టాలు ఎదురవ్వచ్చు. కానీ ఆ తర్వాత వారి పురోగతి అద్భుతంగా ఉంటుంది. ఈ వ్యక్తులు ప్రపంచంలో పెద్ద మార్పులు తీసుకురావడానికి ప్రసిద్ధి చెందారు.

Also Read: Telangana: తెలంగాణ ‘భారత్ ఫ్యూచర్ సిటీ’లో రూ. 1 లక్ష కోట్ల పెట్టుబడులు!

మాస్టర్ అంకం 11 ప్రాముఖ్యత

మాస్టర్ అంకం 11 చాలా సహజమైనదిగా పరిగణించబడుతుంది. ఈ సంఖ్య సంవేదనలు, సృజనాత్మకత, ఉన్నత జ్ఞానానికి మార్గదర్శిగా పరిగణించబడుతుంది. ఈ సంఖ్యలో జన్మించిన వ్యక్తులలో ఇతరుల కంటే ఆధ్యాత్మిక అంతర్దృష్టి చాలా ఎక్కువగా ఉంటుంది.

మాస్టర్ అంకం 22 ప్రాముఖ్యత

మాస్టర్ నంబర్ 22ను మాస్టర్ బిల్డర్ అని అంటారు. ఈ వ్యక్తులలో అంకం 4 శక్తి ఇమిడి ఉంటుంది. వీరు సహజంగా నాయకులుగా ఉంటారు. వీరు చాలా ఎక్కువ ఆశయాలు కలిగి ఉండి, తమ కలలను నిజం చేసుకోవడానికి జీవిస్తారు. జీవితంలో విజయం సాధించడానికి వీరు రేయింబవళ్లు కష్టపడవలసి ఉంటుంది.

మాస్టర్ అంకం 33 ప్రాముఖ్యత

మాస్టర్ అంకం 33 ను భావోద్వేగ సంఖ్యగా పరిగణిస్తారు. ఈ సంఖ్య గ్రహాధిపతి 6. ఇది అంతర్గత సామర్థ్యం, లోతుతో అనుసంధానం కావడానికి చిహ్నంగా పరిగణించబడుతుంది. ఈ సంఖ్య కలిగిన వ్యక్తులలో ఇతరులకు సలహా ఇవ్వాలనే, వారిలో మార్పు తీసుకురావాలనే కోరిక తీవ్రంగా ఉంటుంది. అటువంటి వ్యక్తులు ముఖ్యంగా వైద్యులు, ఉపాధ్యాయులు, నర్సులు లేదా చికిత్సకులు వంటి రంగాలలో కనిపిస్తారు.

మీ మాస్టర్ నంబర్‌ను ఎలా గుర్తించాలి?

• ఉదాహరణకు మీ పుట్టిన తేదీ జూన్ 3, 2002 – 03/06/2002 అనుకుందాం.
• ఇప్పుడు ఈ అన్ని అంకెలను కలిపి అవి 11, 22 లేదా 33 కానంత వరకు ఒకే అంకె వచ్చే వరకు కలపాలి.
• ఉదాహరణకు 0+3+0+6+2+0+0+2 = 13
• ఇప్పుడు మీరు 13 ను విడిగా కలపాలి
• 1+3 = 4మీ లైఫ్ పాత్ నంబర్ (జీవిత మార్గ సంఖ్య) 4. స్పష్టంగా చెప్పాలంటే ఈ అంకం మాస్టర్ నంబర్లలోకి రాదు. మాస్టర్ నంబర్‌లలో 11, 22, 33 మాత్రమే ఉంటాయి.

Follow us