మీ కూరలో ఉప్పును తగ్గించే అద్భుతమైన చిట్కాలీవే!

Kitchen Tips

Kitchen Tips: ప్రతిరోజూ వంట చేయడం, అందరికీ ఇష్టమైన రుచులను వడ్డించడం ఒక పెద్ద బాధ్యత. అయితే ఒక్కోసారి హడావిడిలో వంట చేసేటప్పుడు కూరలో ఉప్పు ఎక్కువగా పడిపోతుంటుంది. ఉప్పు ఎక్కువైతే ఆ కూరను వడ్డించాలో లేదో అర్థం కాదు. పారేయడానికి మనసుకు ఒప్పదు. అటువంటప్పుడు కంగారు పడకుండా ఉప్పును బ్యాలెన్స్ చేయడానికి ఈ క్రింది చిట్కాలను ప్రయత్నించండి.

కూరలో ఉప్పును తగ్గించే అద్భుతమైన చిట్కాలు

కారం లేదా పచ్చిమిర్చి: ఇనుమును ఇనుమే కోస్తుంది అన్నట్లుగా మసాలాను మసాలాతోనే బ్యాలెన్స్ చేయవచ్చు. ఉప్పు ఎక్కువగా అనిపిస్తే కొంచెం కారం పొడి లేదా పచ్చిమిర్చిని కలిపితే ఉప్పు రుచి తగ్గుతుంది.

ఆలూ (బంగాళదుంప) ముక్కలు: బంగాళదుంపకు ఉప్పును పీల్చుకునే గుణం ఉంటుంది. కూరలో ఉప్పు ఎక్కువైతే, ఒక పచ్చి బంగాళదుంపను ముక్కలుగా కోసి కూరలో వేయండి. ఇది ఉప్పును పీల్చుకోవడమే కాకుండా కూర రుచిని పెంచుతుంది. వడ్డించే ముందు ఆ ముక్కలను తీసేయవచ్చు.

Also Read: కోల్‌కతా నైట్ రైడర్స్‌కు కొత్త కెప్టెన్ రాబోతున్నారా?

గోధుమ పిండి ఉండలు: ఉప్పును తగ్గించడానికి ఇది ఒక పాత, నమ్మకమైన పద్ధతి. గోధుమ పిండిని చిన్న చిన్న ఉండలుగా చేసి కూరలో వేయండి. ఇవి అదనపు ఉప్పును పీల్చుకుంటాయి. కొద్దిసేపు ఉంచిన తర్వాత ఆ ఉండలను తీసివేస్తే ఉప్పు బ్యాలెన్స్ అవుతుంది.

శనగపిండి: మీకు బంగాళదుంప రుచి నచ్చకపోతే శనగపిండిని వాడవచ్చు. కొద్దిగా శనగపిండిని వేయించి కూరలో కలపండి. అవసరమైతే కొన్ని నీళ్లు పోసి బాగా ఉడికించండి. శనగపిండి వల్ల కూర చిక్కబడటమే కాకుండా ఉప్పు కూడా తగ్గుతుంది.

నెయ్యి: వడ్డించే ముందు కూరలో ఒక చెంచా నెయ్యి వేయండి. నెయ్యి వల్ల ఉప్పు, కారం లేదా గరం మసాలా ఘాటు తగ్గి, రుచి చాలా అద్భుతంగా మారుతుంది.

పెరుగు: కూరలో ఉప్పు స్థాయిని బట్టి కొద్దిగా పెరుగు కలపండి. పెరుగు వల్ల కూరకు కొంచెం పులుపు రావడమే కాకుండా ఉప్పు రుచి త్వరగా బ్యాలెన్స్ అవుతుంది.

Follow us