Bilawal Bhutto: భారత పర్యటనకు పాక్ విదేశాంగ మంత్రి బిలావల్ భుట్టో.. కారణమిదే..?

Resizeimagesize (1280 X 720) 11zon

దాదాపు తొమ్మిదేళ్ల విరామం తర్వాత పాకిస్థాన్ నాయకుడు అధికారిక పర్యటన నిమిత్తం భారత్ కు వస్తున్నారు. భారత్‌లో జరగనున్న షాంఘై కోఆపరేషన్ ఆర్గనైజేషన్ (ఎస్‌సిఓ) సమావేశంలో పాక్ విదేశాంగ మంత్రి బిలావల్ భుట్టో జర్దారీ (Bilawal Bhutto Zardari) పాల్గొనడంపై భారత్ (India) గురువారం ఒక ప్రకటన చేసింది. పాక్ విదేశీ వ్యవహారాల మంత్రి బిలావల్‌ భుట్టో జర్దారీ వచ్చే నెలలో భారతదేశంలో పర్యటించనున్నారు. మే 4-5 తేదీల్లో గోవాలో జరగనున్న షాంఘై సహకార సంస్థ విదేశీ మంత్రుల సమావేశంలో ఆయన పాల్గొంటారు. భారత విదేశీ వ్యవహారాల మంత్రి ఎస్. జై శంకర్ ఆహ్వానం మేరకు భుట్టో పర్యటన ఖరారైందని పాక్ విదేశీ వ్యవహారాల కార్యాలయం ప్రకటించింది. అన్ని దేశాల మాదిరిగానే పాక్ మంత్రికీ ఆహ్వానం పంపినట్టు భారత విదేశీ వ్యవహారాల మంత్రిత్వ శాఖ తెలిపింది.

మే 4-5 తేదీల్లో భారతదేశంలోని గోవాలో జరిగే SCO కౌన్సిల్ ఆఫ్ ఫారిన్ మినిస్టర్స్ (CFM) సమావేశానికి బిలావల్ భుట్టో జర్దారీ పాక్ ప్రతినిధి బృందానికి నాయకత్వం వహిస్తారని బలూచ్ చెప్పారు. దీంతో భుట్టో వ్యక్తిగతంగా సదస్సుకు హాజరవుతాడా లేదా అనే ఊహాగానాలకు వారం రోజులుగా తెరపడింది. బలూచ్ మాట్లాడుతూ.. పాకిస్థాన్ జర్దారీ భారత విదేశాంగ మంత్రి ఎస్. జైశంకర్ ఆహ్వానం మేరకు సదస్సుకు హాజరవుతారు.గతంలో 2014లో అప్పటి పాకిస్థాన్ ప్రధాని నవాజ్ షరీఫ్ భారత ప్రధాని నరేంద్ర మోదీ ప్రమాణ స్వీకారోత్సవానికి వచ్చారు.

ఫిబ్రవరి 2019లో పుల్వామా ఉగ్రదాడి తర్వాత పాకిస్తాన్‌లోని బాలాకోట్‌లోని జైష్-ఎ-మహ్మద్ ఉగ్రవాద శిక్షణా శిబిరాలను భారత యుద్ధ విమానాలు ధ్వంసం చేశాయి. ఆ తర్వాత భారతదేశం, పాకిస్తాన్ మధ్య సంబంధాలు చాలా ఉద్రిక్తంగా మారాయి. ఆగస్టు 2019లో భారతదేశం జమ్మూ మరియు కాశ్మీర్‌కు ప్రత్యేక హోదాను ఉపసంహరించుకుంది. దానిని రెండు కేంద్రపాలిత ప్రాంతాలుగా విభజించింది. ఆ తర్వాత రెండు దేశాల మధ్య సంబంధాలలో మరింత చేదు ఏర్పడింది.

Also Read: Hiking Prices: వామ్మో.. కేజీ దొండకాయలు రూ.900 కంటే ఎక్కువ.. నెట్టింట ఫోటో వైరల్..!

పాకిస్థాన్‌తో పొరుగుదేశాల మధ్య సాధారణ సంబంధాలే ఉండాలని భారత్‌ చెబుతోంది. అయితే, మరోవైపు అటువంటి సంబంధాల కోసం ఉగ్రవాదం, ఉద్రిక్తత లేని వాతావరణాన్ని సృష్టించడం పాకిస్తాన్ బాధ్యత అని నొక్కి చెప్పారు. 2011లో అప్పటి పాకిస్థాన్ విదేశాంగ మంత్రి హీనా రబ్బానీ ఖర్ భారత్‌లో పర్యటించారు. మే 2014లో అప్పటి ప్రధాని నవాజ్ షరీఫ్ ప్రధాని నరేంద్ర మోదీ ప్రమాణ స్వీకారోత్సవానికి హాజరయ్యేందుకు భారత్‌కు వచ్చారు.

వార్తా సంస్థ PTI ప్రకారం.. SCO 2001లో షాంఘైలో రష్యా, చైనా, కిర్గిజ్ రిపబ్లిక్, కజకిస్తాన్, తజికిస్థాన్, ఉజ్బెకిస్థాన్ అధ్యక్షుల శిఖరాగ్ర సమావేశంలో స్థాపించబడింది. తరువాతి సంవత్సరాలలో ఇది అతిపెద్ద ప్రాంతీయ సంస్థలలో ఒకటిగా ఉద్భవించింది. 2017లో చైనాలోని SCOలో భారతదేశం, పాకిస్తాన్ శాశ్వత సభ్యత్వం పొందాయి.

Follow us