Bigg Boss: బిగ్‌బాస్ వేదికపై సల్మాన్ ఖాన్ వ్యాఖ్యలు.. ట్రంప్‌పై పరోక్ష విమర్శలేనా?

Salman Khan

Bigg Boss: బాలీవుడ్ సూపర్‌స్టార్, బిగ్‌బాస్ హోస్ట్ సల్మాన్ ఖాన్ చేసిన కొన్ని వ్యాఖ్యలు ప్రస్తుతం హాట్‌టాపిక్‌గా మారాయి. సాధారణంగా ఎంటర్‌టైన్‌మెంట్ వేదికగా పేరుగాంచిన బిగ్‌బాస్ రియాలిటీ షోలో ఒక రాజకీయ వాతావరణం నెలకొనడం చర్చనీయాంశమైంది. బిగ్‌బాస్ 19వ సీజన్‌లో వీకెండ్ ఎపిసోడ్ సందర్భంగా సల్మాన్, హౌస్‌మేట్స్ మధ్య జరుగుతున్న వాదోపవాదాలపై స్పందించారు. ఇంట్లో గొడవలకు కారణమవుతూనే, తామే శాంతి దూతలమని చెప్పుకుంటున్న కొందరిని ఉద్దేశించి ఆయన మాట్లాడుతూ, “ప్రపంచంలో కూడా ఇదే జరుగుతోంది. సమస్యలను సృష్టించే వారే ఇప్పుడు శాంతి బహుమతి కోరుతున్నారు” అని వ్యాఖ్యానించారు.

Kharge : ఈసీ పదేళ్లుగా ఓటు చోరులకు రక్షణ కల్పిస్తుంది: మల్లికార్జున ఖర్గే ఆరోపణలు

సల్మాన్ ఖాన్ స్పష్టంగా ఎవరి పేరు చెప్పకపోయినా, ఆయన వ్యాఖ్యలు అమెరికా మాజీ అధ్యక్షుడు డొనాల్డ్ ట్రంప్‌ను ఉద్దేశించినవేనని నెటిజన్లు భావిస్తున్నారు. గతంలో ట్రంప్ అనేక యుద్ధాలను తాను ఆపానని, అందుకే నోబెల్ శాంతి బహుమతి ఇవ్వాలని డిమాండ్ చేసిన విషయం తెలిసిందే. ఈ నేపథ్యంలో సల్మాన్ చేసిన వ్యాఖ్యలు పరోక్షంగా ట్రంప్‌ను లక్ష్యంగా చేసుకున్నట్లుగా భావించి సోషల్ మీడియాలో చర్చలు ముదురుతున్నాయి.

ఈ వ్యాఖ్యల వీడియో క్లిప్ ఇప్పుడు సోషల్ మీడియాలో వైరల్ అవుతోంది. “బిగ్‌బాస్‌లో ట్రంప్‌పై సల్మాన్ విమర్శలు” అంటూ అనేకమంది యూజర్లు షేర్ చేస్తున్నారు. కొందరు నెటిజన్లు సల్మాన్ ధైర్యంగా తన అభిప్రాయాన్ని చెప్పారని ప్రశంసిస్తుండగా, మరికొందరు ట్రంప్ దీనిపై ఎలా స్పందిస్తారో చూడాలని ఆసక్తిగా ఎదురు చూస్తున్నారు. సాధారణంగా వినోదం, వినోదమేనని చెప్పబడే బిగ్‌బాస్ వేదిక నుంచి వచ్చిన ఈ వ్యాఖ్యలు ఇప్పుడు అంతర్జాతీయ రాజకీయ వర్గాలకూ ఆసక్తిని రేకెత్తిస్తున్నాయి. సల్మాన్ ఖాన్ మాటలతో ఎంటర్‌టైన్‌మెంట్ వేదిక నుంచి రాజకీయ చర్చకు మలుపు తిరిగిన ఈ పరిణామం, మరోసారి “సినిమా-రాజకీయాల మేళవింపు”పై చర్చనీయాంశం అయ్యింది.

Telengana : ఒవైసీకి థాంక్స్ చెప్పిన సీఎం రేవంత్ రెడ్డి ఎందుకో తెలుసా?

Follow us