Mission Indradhanush: మిషన్ ఇంద్రధనుష్ : 90% పైగా పూర్తి రోగనిరోధకతలో అగ్ర‌స్థానంలో ఉన్న ఒడిశా

Yy77

తల్లులు, పిల్లలకు నివారణ ఆరోగ్య సంరక్షణ దిశగా ఒడిశా ప్ర‌భుత్వం అడుగులు వేస్తుంది. మహిళలు, పిల్లలకు పూర్తి రోగనిరోధక శక్తిని పెంచడానికి ఒడిశాలో మార్చి 7 నుండి ఇంటెన్సిఫైడ్ మిషన్ ఇంద్రధనుష్ (IMI) 4.0 ప్రారంభించబడిందని రాష్ట్ర ప్రభుత్వం మంగళవారం తెలిపింది. ఇప్పటి వరకు సాధించిన ప్రగతిని సమీక్షిస్తూ, సంఘం నాయకులు, పిఆర్‌ఐ ప్రతినిధులు, స్వచ్ఛంద సంస్థలు, ఆశా, అంగన్‌వాడీ వర్కర్లు చురుగ్గా పాల్గొని అవగాహన, చైతన్య కార్యక్రమాలను పటిష్టం చేయాలని ప్రభుత్వ ప్రధాన కార్యదర్శి సురేష్ చంద్ర మహాపాత్ర ఆదేశించారు. ముఖ్యంగా స్త్రీ, శిశు సంక్షేమం, పాఠశాల, సామూహిక విద్య, పంచాయతీరాజ్ మరియు తాగునీరు, షెడ్యూల్డ్ తెగ, షెడ్యూల్డ్ కులాలు మరియు మైనారిటీల అభివృపాద్ధి, గృహనిర్మాణం, పట్టణాభివృద్ధి, కార్మిక, ఇఎస్‌ఐ, క్రీడలు, యువజన వ్యవహారాలు, సమాచార శాఖలను కూడా ఆయన ఆదేశించారు. ఈ మిషన్ సమయంలో కొనసాగుతున్న కోవిడ్ వ్యాక్సినేషన్‌పై ప్రభావం పడకుండా చూసుకోవాలని ప్ర‌భుత్వ ప్ర‌ధాన కార్య‌ద‌ర్శి సురేష్ చంద్ర మ‌హాపాత్ర తెలిపారు.

జాతీయ కుటుంబ ఆరోగ్య సర్వే (NFHS)-5 నివేదికల ప్రకారం, ఒడిశా 90.5% పూర్తి వ్యాధి నిరోధక కవరేజ్‌తో జాతీయ స్థాయిలో అగ్రస్థానంలో ఉందని అదనపు ముఖ్య కార్యదర్శి ఆరోగ్యం & కుటుంబ సంక్షేమం, రాజ్ కుమార్ శర్మ అన్నారు. సాధారణంగా పూర్తి ఇమ్యునైజేషన్‌లో పోలియో, క్షయ, కామెర్లు, డిఫ్తీరియా, కోరింత దగ్గు, ధనుర్వాతం, హిబ్ బ్రెయిన్ ఫీవర్, న్యుమోనియా, తట్టు, రుబెల్లా, డయేరియా, జపనీస్ ఫీవర్ మొదలైన 12 రకాల వ్యాధులకు నివారణ మోతాదులు ఉంటాయని తెలిపారు. రాష్ట్రంలోని 20 జిల్లాలు పూర్తి రోగనిరోధకతలో 90% పైన ఉన్నాయని 10 జిల్లాలు 90% కంటే తక్కువగా ఉన్నాయని ఆయ‌న తెలిపారు. ప్రస్తుత IMI 4.0 ప్రకారం తీసుకోవలసిన జిల్లాలను ఎంపిక చేయడానికి 5 వేరియబుల్స్‌తో కూడిన మిశ్రమ సూచికను స్వీకరించారని రాజ్ కుమార్ శ‌ర్మ అన్నారు.

కటక్, గంజాం, ఝార్సుగూడ, కేంద్రపారా, కియోంజర్, కోరాపుట్, ఖోర్ధా, మల్కన్‌గిరి, మయూర్‌భంజ్, సంబల్‌పూర్, సుందర్‌ఘర్ అనే 12 జిల్లాలను మిశ్రమ సూచీ అంచనా ప్రకారం ఐఎంఐ కింద చేర్చేందుకు ఎంపిక చేసినట్లు డైరెక్టర్ ఫ్యామిలీ వెల్ఫేర్, డాక్టర్ బిజయ పాణిగ్రాహి తెలిపారు. టీకా డ్రైవ్ మూడు రౌండ్లలో చేయబడుతుందని.. ఇందులో వివిధ రకాల టీకాలు వివిధ మోతాదులలో ఇవ్వబడతాయన్నారు. టీకాలు వేయబడని లేదా పాక్షికంగా టీకాలు వేసిన గర్భిణీ స్త్రీలు మరియు 2 సంవత్సరాల కంటే తక్కువ వయస్సు ఉన్న పిల్లలు లక్ష్యంగా ఉన్న జనాభా. టీకాలు వేయడం 3 రౌండ్లలో జరుగుతుందని తెలిపారు. ఇళ్లలో పుట్టిన పిల్లలు, సమీప పట్టణాలకు వలస వెళ్లిన వారి పిల్లలు, సంచార జాతులు, ఇటుక బట్టీల కార్మికులు, నిర్మాణ స్థలాల్లో పనిచేసే కార్మికులు, పట్టణ మురికివాడలు, అనాధ శరణాలయాలు, జైళ్లు, చేరుకోలేని ప్రాంతాలు, తదితరులపై దృష్టి సారించాలని ప్రభుత్వ ప్రధాన కార్యదర్శి మహాపాత్ర అధికారుల‌ను ఆదేశించారు.

Follow us