India: పాకిస్తాన్‌కు భారత్ భారీ షాక్.. కొత్త ఆయుధంతో వణుకుతున్న శత్రుదేశాలు!
ఆపరేషన్ సింధూర్‌లో భారతదేశ సైనిక శక్తిని, సాంకేతికతను చూసి పాకిస్తాన్‌కు చెమటలు పట్టాయి. అయితే ఇప్పుడు డీఆర్‌డీఓ ఒక కొత్త బాంబును తయారు చేసింది. దీని కారణంగా శత్రు దేశాల గుండెల్లో దడ మొదలైంది.
- By Gopichand Published Date - 06:54 PM, Sun - 23 November 25
India: ప్రపంచం ఇప్పటికే రెండు ప్రపంచ యుద్ధాలను చూసింది. మూడవ ప్రపంచ యుద్ధం ఎప్పుడైనా మొదలయ్యే అవకాశం ఉందనే విషయాన్ని కొట్టిపారేయలేం. ప్రపంచంలోని అనేక దేశాలు ఇప్పటికే యుద్ధపు మంటల్లో ఉన్నాయి. ఉక్రెయిన్- రష్యా మధ్య మూడు సంవత్సరాలకు పైగా పోరాటం కొనసాగుతోంది. ఈ మధ్యనే ఇజ్రాయెల్‌- పాలస్తీనా మధ్య జరుగుతున్న ఘర్షణ కూడా ఇంకా ముగియలేదు. ఈ క్రమంలో జూన్‌లో భారత్ (India)-పాకిస్తాన్ మధ్య జరిగిన ఘర్షణ ప్రపంచాన్ని మరింత కలవరపరిచింది. అయినప్పటికీ ఆపరేషన్ సింధూర్‌లో భారత్ ఎప్పటిలాగే పాకిస్తాన్‌కు తగిన గుణపాఠం నేర్పింది. దాని కారణంగా అది వెనక్కి తగ్గాల్సి వచ్చింది.
పాకిస్తాన్ పరిస్థితి పలచబడింది
ఆపరేషన్ సింధూర్‌లో భారతదేశ సైనిక శక్తిని, సాంకేతికతను చూసి పాకిస్తాన్‌కు చెమటలు పట్టాయి. అయితే ఇప్పుడు డీఆర్‌డీఓ ఒక కొత్త బాంబును తయారు చేసింది. దీని కారణంగా శత్రు దేశాల గుండెల్లో దడ మొదలైంది. పొరుగు దేశాలలో జరుగుతున్న అనిశ్చితి, పాకిస్తాన్ వైఖరిని దృష్టిలో ఉంచుకుని భారతదేశం తన రక్షణ, సైనిక సాంకేతికతను ఆధునీకరించే దిశగా నిరంతరం కృషి చేస్తోంది. భారతదేశానికి గర్వకారణమైన డీఆర్‌డీఓ 1000 కిలోల బరువున్న ఒక బాంబును తయారు చేసింది. దీని శక్తి పాకిస్తాన్‌కు తెలిస్తే దాని మతిపోతుంది.
Also Read: Smriti Mandhana: స్మృతి మంధానా-పలాష్ ముచ్చల్ వివాహం వాయిదా.. కార‌ణ‌మిదే?!
డీఆర్‌డీఓ రూపొందించిన ప్రమాదకరమైన బాంబు ‘గౌరవ్’
మరో ముఖ్యమైన ఘనతను సాధిస్తూ డీఆర్‌డీఓ ప్రపంచంలోనే అత్యంత ప్రమాదకరమైన బాంబుల్లో ఒకటిగా నిలిచే ఒక ఆయుధాన్ని తయారు చేసింది. దీనికి ‘గౌరవ్’ అని పేరు పెట్టారు. భారత వైమానిక దళానికి చెందిన Su-30MKI ఫైటర్ జెట్ నుండి ‘గౌరవ్’ విజయవంతమైన పరీక్ష జరిగింది. ఇది ఒక ఎయిర్-లాంచ్‌డ్ లాంగ్ రేంజ్ గ్లైడ్ బాంబ్. ఇది చాలా దూరం నుండి కూడా తన లక్ష్యంపై ఖచ్చితంగా దాడి చేయగలదు. ప్రయోగించిన తర్వాత ‘గౌరవ్’ విమానానికి ఎటువంటి ప్రమాదం కలిగించకుండా శత్రువుపై దూరం నుండి దాడి చేయగలదు. దీనిని లక్ష్యంపై సెట్ చేయడానికి శత్రువుకు దగ్గరగా వెళ్లవలసిన అవసరం లేదు.
వేర్వేరు లక్ష్యాల కోసం వేర్వేరు బాంబులు
అంతేకాకుండా గౌరవ్ బాంబు శత్రువు ఎయిర్ డిఫెన్స్ వ్యవస్థను కూడా సవాలు చేయగల సామర్థ్యం కలిగి ఉంది. ఇది శత్రువు బంకర్లు, బలమైన స్థావరాలు, పర్వత ప్రాంతాలలోని స్థావరాలను లక్ష్యంగా చేసుకోవడానికి రూపొందించబడింది. ఈ ప్రమాదకరమైన ఆయుధం రెండు వేరియంట్లలో తయారు చేయబడింది.
గౌరవ్-పీసీబీ: ఇది బంకర్లు, బలమైన స్థావరాలను ఛేదించడంలో ప్రభావవంతంగా ఉంటుంది.
గౌరవ్-పీఎఫ్: ఇది శత్రువు బహిరంగ ప్రాంతాలు, సైనిక స్థావరాలు, ఒకేసారి అనేక ప్రాంతాలకు నష్టం కలిగించడానికి రూపొందించబడింది.
