PMGKAY: లోక్సభ ఎన్నికలపై ప్రధాని మోడీ కన్ను.. జూన్ 2024 నాటికి 80 కోట్ల మందికి ఉచిత ఆహార ధాన్యాలు ఇచ్చే యోచన..!
మోడీ ప్రభుత్వం దేశంలోని 80 కోట్ల మందికి పైగా ప్రజలకు ఉచిత ఆహార ధాన్యాలను అందించే ప్రధాన మంత్రి గరీబ్ కళ్యాణ్ అన్న యోజన (PMGKAY)ను ఆరు నెలల పాటు జూన్ 2024 వరకు ఎన్నికలు ముగిసే వరకు పొడిగించే అవకాశం ఉంది.
- By Gopichand Published Date - 11:20 AM, Tue - 29 August 23
PMGKAY: ఈ ఏడాది చివర్లో పలు పెద్ద రాష్ట్రాల్లో అసెంబ్లీ ఎన్నికలు జరగనుండగా, 2024లో లోక్సభ ఎన్నికలు జరగనున్నాయి. ఈ పరిస్థితిలో మోడీ ప్రభుత్వం దేశంలోని 80 కోట్ల మందికి పైగా ప్రజలకు ఉచిత ఆహార ధాన్యాలను అందించే ప్రధాన మంత్రి గరీబ్ కళ్యాణ్ అన్న యోజన (PMGKAY)ను ఆరు నెలల పాటు జూన్ 2024 వరకు ఎన్నికలు ముగిసే వరకు పొడిగించే అవకాశం ఉంది. తద్వారా ప్రధాని మంత్రి నరేంద్ర మోదీకి వరుసగా మూడోసారి ప్రధాని కావడానికి మార్గం సుగమం అవుతుంది.
బ్లూమ్బెర్గ్ నివేదిక ప్రకారం.. ప్రధాన మంత్రి గరీబ్ కళ్యాణ్ అన్న యోజన జూన్ 2024 వరకు పొడిగించబడుతుంది. దీని గడువు డిసెంబర్ 31, 2023న ముగుస్తుంది. ప్రస్తుతం ఈ అంశం ప్రైవేట్గా చర్చించబడుతోంది. అయితే దీనిపై తుది నిర్ణయం రాబోయే రోజుల్లో ప్రధానమంత్రి కార్యాలయం తీసుకోనుందని పేర్కొంది.
ఈ పథకాన్ని పొడిగించడం వల్ల పెద్దగా ఖర్చు ఉండదని, బడ్జెట్ కేటాయింపుల ద్వారానే ఈ వ్యయం భరిస్తుందని అధికారులు తెలిపారు. నిజానికి ప్రధాన్ మంత్రి గరీబ్ కళ్యాణ్ అన్న యోజన అంతకుముందు 31 డిసెంబర్ 2022న ముగియాల్సి ఉంది. కానీ ఈ పథకం జనవరి 1, 2023 నుండి కొత్త రూపంలో ప్రారంభించబడింది. దీని కింద ప్రాథమిక గృహ లబ్ధిదారులకు ఉచిత ఆహార ధాన్యాలను అందించడానికి అంత్యోదయ అన్న యోజన, కొత్త ఇంటిగ్రేటెడ్ ఫుడ్ సెక్యూరిటీ స్కీమ్ జనవరి 1, 2023 నుండి ప్రారంభించబడ్డాయి. ఈ పథకం కింద 80 కోట్ల మంది పేదలకు ఉచితంగా ఆహార ధాన్యాలు అందజేస్తామని ప్రకటించారు.
Also Read: Birds Suicides – A Village : పక్షులు సూసైడ్ చేసుకునే మిస్టరీ విలేజ్.. ఇండియాలోనే !
ఈ పథకానికి ప్రధాన మంత్రి గరీబ్ కళ్యాణ్ అన్న యోజన (PMGKAY) అని కూడా పేరు పెట్టినట్లు ప్రభుత్వం తరువాత తెలిపింది. ఈ పథకం కింద 31 డిసెంబర్ 2023 వరకు ఉచిత ఆహార ధాన్యాలు ఇవ్వాలి. కానీ లోక్సభ ఎన్నికల దృష్ట్యా ఈ పథకాన్ని జూన్ 30, 2024 వరకు పొడిగించవచ్చు. బ్లూమ్బెర్గ్ నివేదిక ప్రకారం.. ఆర్థిక మంత్రిత్వ శాఖ ప్రతినిధి ఈ అంశంపై ఏమీ చెప్పలేదు.
కరోనా మహమ్మారి మొదటి దశలో 2020లో ప్రధాన మంత్రి గరీబ్ కళ్యాణ్ అన్న యోజన ప్రారంభించబడింది. తర్వాత పథకాన్ని పొడిగించారు. జరిగిన 10 రాష్ట్రాల అసెంబ్లీ ఎన్నికల్లో 7 ఎన్నికల్లో అధికార భారతీయ జనతా పార్టీ దీని వల్ల లాభపడింది. ఈ ఏడాది చివర్లో ఐదు రాష్ట్రాల్లో శాసనసభ ఎన్నికలు జరగనున్నాయి. డిసెంబరులో ఈ పథకాన్ని కొత్త రూపంతో ప్రారంభించనున్నట్లు ప్రకటించినప్పుడు ఆహార భద్రత చట్టం మరియు ఇతర సంక్షేమ పథకాల కింద 2023లో ఉచిత ఆహార ధాన్యాలను అందించడం వల్ల ఖజానాకు రూ. 2 లక్షల కోట్లు ఖర్చవుతుందని ప్రభుత్వం చెప్పింది. అయితే ఈ పథకం పేదలకు ఎంతో మేలు చేస్తుంది.
Related News
Traffic Diversion : రేపు హైదరాబాద్లో ట్రాఫిక్ ఆంక్షలు.. ఏ ఏరియాల్లో అంటే..?
రేపు తెలంగాణలో మరోమారు ప్రధాని నరేంద్ర మోడీ పర్యటించనున్నారు.