Birds Suicides – A Village : పక్షులు సూసైడ్ చేసుకునే మిస్టరీ విలేజ్.. ఇండియాలోనే !

Birds Suicides – A Village : మనుషుల సూసైడ్స్ గురించి మనం నిత్యం వింటుంటాం.

కానీ పక్షులు, జంతువులు ఎన్నడూ సూసైడ్స్ చేసుకోవు.

వాటికీ ఎన్నో ఛాలెంజెస్ ఉంటాయి.. అయినా కడదాకా ధైర్యంతో పోరాడుతాయి.

ఇందుకు భిన్నంగా అస్సాంలోని ఓ గ్రామంలో పక్షులు కూడా సూసైడ్స్ చేసుకుంటున్నాయి.

ప్రతి ఏడాది ఆ 3 నెలల వ్యవధిలో.. రోజూ ఆ మూడున్నర గంటల వ్యవధిలో పక్షుల ఆత్మహత్యలు జరుగుతున్నాయి.

Also read : Bhagavata – Miracle : భాగవత ప్రవచనం విన్న దొంగ.. యమునా తీరానికి వెళ్తే ఏమైందంటే..?

మనం ఇప్పుడు తెలుసుకోబోయే మిస్టీరియస్ ఊరి పేరు ‘జతింగా’ (jatinga). ఇది అస్సాం రాష్ట్ర రాజధాని గౌహతికి 330 కిలోమీటర్ల దూరంలో ఉంది.  ఈ ఊరిలో ఏముందో తెలియదు కానీ.. ప్రతి ఏడాది సెప్టెంబర్, అక్టోబరు, నవంబర్ నెలల్లో రోజూ రాత్రి 7 గంటల నుంచి 10 గంటల మధ్య పక్షులు విచిత్రంగా ప్రవర్తిస్తూ సూసైడ్స్ కు పాల్పడుతుంటాయి. ఈ టైంలో జతింగా గ్రామంలోని పక్షులకు తల తిరిగినట్టు అవుతుంది. కళ్లు సరిగ్గా కనిపించవు. మైకం కమ్మేసినట్టు అవుతుంది. ఈక్రమంలో ఆ బర్డ్స్ వాటిపై అవి కంట్రోల్ ను కోల్పోయి.. స్థానికంగా ఉన్న చెట్లను, విద్యుత్ స్తంభాలను, విద్యుత్ వైర్లను, విద్యుత్ లైట్లను, ఇళ్లను ఢీకొని చనిపోతుంటాయి. ఇలా ఎందుకు జరుగుతోంది అనేది ఇప్పటివరకు ఎవరూ తెలుసుకోలేకపోయారు. స్థానికుల్లో కొంతమంది ఈ ఊరిశివారులో దుష్టశక్తులు ఉన్నాయనే వదంతులను నమ్ముతుంటారు. ఇంకొందరు దుష్టశక్తులేం లేవని అంటుంటారు. జతింగా గ్రామంలో భూఅయస్కాంత క్షేత్ర ఒత్తిడి ఎక్కువగా ఉండటం వల్ల దాన్ని తట్టుకోలేక పక్షులు నెగెటివ్ గా ప్రభావితమై చనిపోతున్నాయని మరికొందరు వాదిస్తున్నారు.

Also read : NTR Coin – Buy Now : ‘ఎన్టీఆర్ కాయిన్’ సేల్స్ నేటి నుంచే.. ఇలా కొనేయండి

జతింగా గ్రామానికి ఎవరో పెట్టిన శాపం వల్ల ఇలా జరుగుతోందని (Birds Suicides – A Village)  పలువురు గ్రామస్తులు చెబుతుంటారు.దీనిపై ఒక సైంటిఫిక్ రీసెర్చ్ జరిగితే బాగుంటుందని జతింగా గ్రామస్తులు కోరుతున్నారు. ఈ ఊరిలో సూసైడ్స్ చేసుకుంటున్న పక్షుల లిస్టులో దాదాపు 40 రకాల పక్షిజాతులు ఉండటం గమనార్హం. కనీసం ఈ పక్షిజాతులను రక్షించేందుకైనా ఈ రీసెర్చ్ చేయడం అవసరమని స్థానికులు సూచిస్తున్నారు. టిబెట్, చైనా, థాయ్ లాండ్, మయన్మార్, బంగ్లాదేశ్ నుంచి ఇక్కడి వలస వచ్చే విదేశీ పక్షులు కూడా ఈ సూసైడ్స్ చేసుకుంటున్న లిస్టులో ఉన్నాయి. ఇలా సూసైడ్స్ కు పాల్పడుతున్న వలస పక్షులలో టైగర్ బిటర్న్, లిటిల్ ఎగ్రెట్, బ్లాక్ బిటర్న్, పాండ్ హెరాన్, ఇండియన్ పిట్టా, కింగ్‌ఫిషర్లు ఉన్నాయి. ఈ పక్షుల సూసైడ్ వ్యవహారం 1910లో మొదలైందని అంటారు. తొలుత 1957లో ఈ విషయం ప్రపంచానికి తెలిసిందని సమాచారం.  అప్పట్లో  బ్రిటిష్ పర్యావరణ ప్రేమికుడు, పక్షి శాస్త్రవేత్త EP Gee రాసిన పుస్తకం ‘వైల్డ్ లైఫ్ ఆఫ్ ఇండియా’ పుస్తకంలో జతింగా గ్రామంలో పక్షులు సూసైడ్ చేసుకునే మిస్టరీ గురించి తొలిసారిగా  ప్రస్తావించారు.