Kupwara Encounter: జమ్మూ ఎన్కౌంటర్లో ఉగ్రవాది హతం
గత రెండు నెలలుగా లోయలోని వివిధ ప్రాంతాల్లో ప్రతిరోజూ భద్రతా దళాలు మరియు ఉగ్రవాదుల మధ్య ఎన్కౌంటర్లు జరుగుతున్నాయి.బుధవారం ఉదయం భద్రతా బలగాలు మరియు ఉగ్రవాదుల మధ్య జరిగిన ఎన్కౌంటర్లో ఒక ఉగ్రవాది హతమయ్యాడు
- By Praveen Aluthuru Published Date - 12:16 PM, Wed - 24 July 24
![Kupwara Encounter: జమ్మూ ఎన్కౌంటర్లో ఉగ్రవాది హతం](https://d1x8bgrwj9curj.cloudfront.net/wp-content/uploads/2024/07/Kupwara-Encounter.jpg)
Kupwara Encounter: జమ్మూకశ్మీర్లోని కుప్వారాలో ఉగ్రవాదులు, భద్రతా బలగాల మధ్య ఎన్కౌంటర్ జరిగింది. సమాచారం ప్రకారం కుప్వారా జిల్లాలోని కోవుట్ ప్రాంతంలో బుధవారం ఉదయం భద్రతా బలగాలు మరియు ఉగ్రవాదుల మధ్య జరిగిన ఎన్కౌంటర్లో ఒక ఉగ్రవాది హతమయ్యాడు. కాగా ఓ ఆర్మీ జవాను కూడా గాయపడ్డాడు. ప్రస్తుతం ఆ ప్రాంతంలో భద్రతా బలగాల ఆపరేషన్ కొనసాగుతోంది.
గత రెండు నెలలుగా లోయలోని వివిధ ప్రాంతాల్లో ప్రతిరోజూ భద్రతా దళాలు మరియు ఉగ్రవాదుల మధ్య ఎన్కౌంటర్లు జరుగుతున్నాయి. అయితే లోయలో మోహరించిన సైన్యం, ఎల్ఓసి, జమ్మూ కాశ్మీర్ పోలీసు సిబ్బంది ఉగ్రవాదులకు ధీటుగా సమాధానం ఇస్తున్నారు. మంగళవారం కూడా జమ్మూ కాశ్మీర్లోని కుప్వారాలో భద్రతా బలగాలు మరియు ఉగ్రవాదుల మధ్య ఎన్కౌంటర్ జరిగింది. ఆ తర్వాత భద్రతా బలగాలు ఆయా ప్రాంతాల్లో తీవ్రవాద వ్యతిరేక కార్యకలాపాలను ప్రారంభించాయి. కాగా బుధవారం మరోసారి భద్రతా బలగాలు, ఉగ్రవాదులు ఎదురుపడ్డారు. దీని తర్వాత లోలాబ్ ప్రాంతంలో ఎన్కౌంటర్ ప్రారంభమైంది. కశ్మీర్ డివిజన్ పోలీసులు ఈ విషయాన్ని సోషల్ మీడియా ప్లాట్ఫామ్ ఎక్స్లో పోస్ట్ చేశారు. “కుప్వారాలోని లోలాబ్లోని త్రిముఖ టాప్ సమీపంలో ఉగ్రవాదుల ఉనికి గురించి భద్రతా దళాలకు సమాచారం అందింది. ఆ తర్వాత సెర్చ్ ఆపరేషన్ ప్రారంభించబడింది.” అన్ని తెలిపారు.
పాకిస్తానీ ఉగ్రవాదులు చాలాసార్లు లోయలోకి చొరబడేందుకు ప్రయత్నిస్తున్నారు. అయితే సరిహద్దులో మోహరించిన భారత సైనికులు ఉగ్రవాదులు నీచ కార్యకలాపాలను ఎప్పటికప్పుడు తిప్పి కొడుతూనే ఉన్నారు. నిన్న అంటే మంగళవారం కూడా పూంచ్ జిల్లాలోని నియంత్రణ రేఖ వెంబడి ఇద్దరు ఉగ్రవాదులు చొరబడేందుకు ప్రయత్నించగా భద్రతా బలగాలు తిప్పి కొట్టాయి. అయితే ఈ సమయంలో ఇద్దరి మధ్య జరిగిన కాల్పుల్లో ఓ సైనికుడు గాయపడ్డాడు. గాయపడిన సైనికుడు చికిత్స పొందుతూ మృతి చెందాడు. మంగళవారం తెల్లవారుజామున 3 గంటలకు బట్టాల్ సెక్టార్లో ఉగ్రవాదులు చొరబడేందుకు ప్రయత్నించినట్లు భద్రతా బలగాలకు సమాచారం అందిందని వైట్ నైట్ కార్ప్స్ తెలిపింది. దీని తరువాత భద్రతా దళాలు సెర్చ్ ఆపరేషన్ నిర్వహించాయి మరియు ఈ సమయంలో ఎన్కౌంటర్ ప్రారంభమైంది.
Also Read: Powerful Passports : పవర్ఫుల్ పాస్పోర్ట్ల జాబితా రిలీజ్.. ఇండియా ర్యాంకు ఎంత అంటే..
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Maoist : మావోయిస్టు అగ్రనేత జగన్ కన్నుమూత..!](https://d1x8bgrwj9curj.cloudfront.net/wp-content/uploads/2024/09/Maoist-leader-Jagan-passed-.jpg)
Maoist : మావోయిస్టు అగ్రనేత జగన్ కన్నుమూత..!
ఇరు వర్గాల మధ్య ఎదురు కాల్పులు దాదాపు మూడు గంటల పాటు సాగాయి. అనంతరం బలగాలు ఘటన స్థలంలో పరిశీలించగా ఆరుగురు మహిళలు సహా తొమ్మిది మంది మావోయిస్టులు చనిపోయినట్లు తేలింది. అయితే ఈ ఎన్కౌంటర్లో మావోయిస్టు అగ్ర నేత జగన్ మరణించారని ఛత్తీస్గఢ్ ప్రభుత్వం ధృవీకరించింది.