Bomb Threat: దేశంలోని 41 విమానాశ్రయాలకు బాంబు బెదిరింపులు

Bomb Threat: దేశంలోని ప్రభుత్వ, ప్రైవేట్ సంస్థలకు బాంబు బెదిరింపుల పరంపర ఆగడం లేదు. ఈ క్రమంలో ఈరోజు మంగళవారం దేశంలోని 41 విమానాశ్రయాలకు బాంబు పేలుళ్ల బెదిరింపులు వచ్చాయి. ఈ బెదిరింపు ఇమెయిల్ ద్వారా రావడం గమనార్హం. దీంతో పోలీసులలో అప్రమత్తమయ్యారు. సదరు విమానాశ్రయాల భద్రతను పటిష్టం చేశారు. అయితే, భద్రతా సంస్థల విచారణ తర్వాత, బెదిరింపులన్నీ నకిలీవిగా తేలింది. మంగళవారం మధ్యాహ్నం 12.40 గంటలకు ఈ ఇమెయిల్ వచ్చిందని, ఆ తర్వాత భద్రతా సిబ్బందిని అప్రమత్తం చేశామని ఒక అధికారి తెలిపారు.

ఈరోజు ఉదయం 11:42 గంటలకు ఎయిర్‌పోర్టులో బాంబు ఉన్నట్లు ఈమెయిల్‌ వచ్చిందని వడోదర డీసీపీ పన్నా మోమయ సమాచారం అందించారు. దీని తరువాత ఎస్పీవోల సహాయంతో విమానాశ్రయాన్ని తనిఖీ చేసినట్లు, అయితే ఎక్కడా బాంబు దొరకలేదని తెలిపారు. ఈ క్రమంలో ముందు జాగ్రత్తగా విమానాశ్రయంలో భారీగా భద్రతను పెంచారు. ఈమెయిల్ పై ఎఫ్ఐఆర్ నమోదు అయింది. ప్రస్తుతం విచారణ కొనసాగుతోంది.

రాజధాని జైపూర్‌లోని బనిపార్క్ ప్రాంతంలోని పరీక్ కాలేజీకి బాంబు బెదిరింపు వచ్చింది. కాలేజీలో కాల్పుల బెదిరింపు కూడా వచ్చింది. ఉదయం 9 గంటల ప్రాంతంలో కాలేజీ యాజమాన్యాన్ని మెయిల్ ద్వారా బెదిరించారు. ఈ సమాచారాన్ని పోలీసు కంట్రోల్ రూమ్‌కు కూడా అందించారు. దీని తర్వాత పరీక్ కాలేజీని ఖాళీ చేసి సోదాలు చేశారు. మెయిల్ ఏ ఐడీ నుంచి వచ్చిందనే దానిపై సైబర్ బృందాలు పనిచేస్తున్నాయి. మెయిల్ పంపిన వ్యక్తి ఇలా వ్రాశాడు. మీ కాలేజీలో బాంబు పెట్టామని, ఆ బాంబ్ ఒకరి బ్యాగ్‌లో ఉన్నాడని ఈమెయిల్ లో పేర్కొన్నాడు. అందరినీ కాల్చి చంపేయడానికి ఒక వ్యక్తి తుపాకీతో కాలేజీ లోపలికి వస్తాడని కూడా బెదిరింపులకు పాల్పడ్డాడు.

Also Read: Sangareddy : బయటకు కోళ్ల ఫామ్..లోపల మత్తుపదార్దాల తయారీ..ఏమన్నా ప్లానా..!!