ఒంటరిగా ఉన్నప్పుడు గుండెపోటు వస్తే ఏం చేయాలి?

Heart Attack

Heart Attack: గుండె జబ్బులు ఉన్నవారికి హార్ట్ ఎటాక్ (గుండెపోటు) వచ్చే అవకాశం ఎక్కువగా ఉంటుంది. గుండెపోటు అనేది చాలా భయంకరమైన పరిస్థితి. ఇది ఎప్పుడు, ఎవరికి వస్తుందో చెప్పలేము. ఒకవేళ ఎవరైనా ఒంటరిగా ఉన్నప్పుడు గుండెపోటు వస్తే ఆ పరిస్థితి మరింత ఆందోళనకరంగా మారుతుంది. అందుకే గుండె రోగులు కొన్ని ముందస్తు జాగ్రత్తలు తెలుసుకోవడం చాలా ముఖ్యం. ఒంటరిగా ఉన్నప్పుడు గుండెపోటు వస్తే ప్రాణాలను ఎలా కాపాడుకోవాలో నిపుణులు కొన్ని కీలక సూచనలు చేశారు.

గుండెపోటు లక్షణాలను గుర్తించండి

• ముందుగా గుండెపోటు వచ్చే ముందు కనిపించే సాధారణ లక్షణాల గురించి అవగాహన ఉండాలి.
• ఎడమ చేతిలో నొప్పి లేదా బిగుతుగా అనిపించడం.
• ఛాతీలో ఒత్తిడి లేదా భారం (బరువుగా) అనిపించడం.
• విపరీతంగా చెమటలు పట్టడం, శ్వాస తీసుకోవడంలో ఇబ్బంది.
• లోపల అకస్మాత్తుగా వణుకు లేదా భయం వేయడం.
• మధ్య వయస్కులకు రాత్రిపూట ఛాతీలో మంటగా ఉండటం లేదా ఎసిడిటీలా అనిపించడం కూడా గుండెపోటు లక్షణం కావచ్చు.

Also Read: భారీ బూట్ స్పేస్‌ను అందించే కార్ల జాబితా ఇదే!

ఒంటరిగా ఉన్నప్పుడు గుండెపోటు వస్తే ఏం చేయాలి?

కదలికలు ఆపేయండి: మీకు గుండెపోటు వస్తుందని అనిపించిన వెంటనే శారీరక కదలికలన్నీ ఆపేయండి. నడవడం వల్ల తల తిరగడం లేదా పడిపోయే ప్రమాదం ఉంటుంది. కాబట్టి ప్రశాంతంగా ఒక చోట కూర్చోండి.

45 డిగ్రీల కోణంలో వంగి కూర్చోండి: నడుమును కొద్దిగా ముందుకు వంచి (సుమారు 45 డిగ్రీలు) కూర్చోండి. ఇలా చేయడం వల్ల రక్త ప్రసరణ మెరుగుపడుతుంది.

డిస్పిరిన్ టాబ్లెట్: ఇది అత్యవసర దశ. మీ దగ్గర డిస్పిరిన్ టాబ్లెట్ ఉంటే వెంటనే ఒక గోలీని నమలండి. ఒకవేళ మీ డాక్టర్ గతంలో ఈ మందు వాడకూడదని చెప్పి ఉంటే మాత్రం తీసుకోవద్దు. డిస్పిరిన్ మీకు అంబులెన్స్ వచ్చే వరకు కొంత సమయాన్ని ఇస్తుంది.

సహాయం కోసం పిలవండి: వెంటనే అంబులెన్స్‌కు లేదా ఎమర్జెన్సీ సర్వీసెస్‌కు ఫోన్ చేయండి. మీ కుటుంబ సభ్యులకు లేదా స్నేహితులకు వెంటనే కాల్ లేదా మెసేజ్ చేసి సమాచారం ఇవ్వండి.

తలుపులు, కిటికీలు తెరవండి: సాధ్యమైతే మీ ఇంటి తలుపులు, కిటికీలు తెరిచి ఉంచండి. దీనివల్ల బయటి వ్యక్తులు మీకు సహాయం చేయడానికి సులభంగా లోపలికి రాగలరు.

ఆందోళన పడకండి: ఇలాంటి క్లిష్ట సమయంలో ప్రశాంతంగా ఉండటం చాలా ముఖ్యం. పానిక్ అవ్వడం వల్ల గుండెపై ఒత్తిడి పెరుగుతుంది.

Follow us