Warning: 2008 నుంచి 2017 మధ్య జన్మించారా.. అయితే జాగ్ర‌త్త‌!

Warning: ఒక పరిశోధనలో ఆశ్చర్యకరమైన వాస్తవం (Warning) వెల్లడైంది. భారతదేశం, చైనాలో జనరేషన్ Z యువతకు కడుపు క్యాన్సర్ ముప్పు ఎక్కువగా ఉంది. ఈ పరిశోధన నివేదిక ప్రకారం.. 2008 నుంచి 2017 మధ్య జన్మించిన ప్రపంచవ్యాప్తంగా 1.5 కోట్ల మందికి భవిష్యత్తులో కడుపు క్యాన్సర్ సంభవించవచ్చని పేర్కొంది. ఇందులో చైనా పౌరులు అత్యధికంగా ఉంటారు. ఆ తర్వాత భారతదేశ యువతకు కడుపు క్యాన్సర్ ముప్పు ఎక్కువగా ఉందని నివేదిక తెలిపింది. పరిశోధన ప్రకారం.. కడుపు క్యాన్సర్ ముప్పు ఉన్న 1.5 కోట్ల జనాభాలో మూడింట రెండు వంతుల మంది ఆసియా ఖండం నుంచి ఉన్నారు. మిగిలినవారు అమెరికా, ఆఫ్రికా నుంచి ఉన్నారు.

ప్రపంచ ఆరోగ్య సంస్థ (WHO) క్యాన్సర్ పరిశోధన సంస్థ విశ్లేషణ ప్రకారం.. 185 దేశాలలో కడుపు క్యాన్సర్ ప్రస్తుత గణాంకాలను అధ్యయనం చేసిన తర్వాత ఈ నిర్ధారణకు వచ్చారు. దీని ప్రకారం 2008 నుంచి 2017 మధ్య జన్మించిన సుమారు 1.5 కోట్ల మందికి భవిష్యత్తులో క్యాన్సర్ సంభవిస్తుంది. వీరిలో 76 శాతం మంది హెలికోబాక్టర్ పైలోరీ అనే బ్యాక్టీరియాతో ఇబ్బంది ప‌డే అవ‌కాశం ఉంది. ఈ బ్యాక్టీరియా కడుపులో కనిపిస్తుంది. ప్రపంచంలో క్యాన్సర్ వల్ల సంభవించే మొత్తం మరణాలలో కడుపు క్యాన్సర్ ఒక పెద్ద శాతాన్ని క‌లిగి ఉంటుంద‌ని నివేదిక పేర్కొంది. అయితే, సరైన సంరక్షణ, వైద్య చికిత్సతో ఈ ముప్పును తగ్గించవచ్చని పరిశోధకులు తమ నివేదికలో తెలిపారు.

Also Read: Nipah Virus: దేశంలో నిపా వైరస్ క‌ల‌కలం.. 1998 నుంచి భార‌త్‌ను వ‌ద‌ల‌ని మ‌హమ్మారి!

గత కొన్ని సంవత్సరాలుగా ప్రపంచవ్యాప్తంగా వైద్యులు, పరిశోధకులు క్యాన్సర్ వల్ల సంభవించే మరణాల సంఖ్యను తగ్గించడానికి నిరంతరం ప్రయత్నిస్తున్నారు. అయినప్పటికీ రాబోయే సంవత్సరాలలో కడుపు క్యాన్సర్ ముప్పు పెరగడం ఈ ప్రయత్నాలకు అడ్డంకిగా ఉంటుంది. నివేదిక అంచనా ప్రకారం.. భవిష్యత్తులో ఆసియాలో 1.06 మిలియన్ మంది కడుపు క్యాన్సర్‌తో బాధపడతారు. వీరిలో 65 మిలియన్ రోగులు భారతదేశం, చైనాలో ఉంటారని తెలిపింది.