Diabetes: షుగర్ పేషెంట్లు ఆహారంలో నిమ్మకాయ తీసుకోవచ్చా.. అంటే ఏం జరుగుతుందో తెలుసా?
మధుమేహం లేదా డయాబెటిస్.. ఈ వ్యాధి ఒక్కసారి వచ్చింది అంటే చాలు చనిపోయేంతవరకు మనతోనే ఉంటుంది.
- By Nakshatra Published Date - 07:30 AM, Sat - 19 November 22
మధుమేహం లేదా డయాబెటిస్.. ఈ వ్యాధి ఒక్కసారి వచ్చింది అంటే చాలు చనిపోయేంతవరకు మనతోనే ఉంటుంది. ఈ మధుమేహాన్ని నియంత్రించడం కోసం ఎన్నో రకాల మందులు మార్కెట్లో అందుబాటులో ఉన్నప్పటికీ దీనిని పూర్తిగా నియంత్రించే మందులు మాత్రం ఇంకా మార్కెట్ లోకి అందుబాటులోకి రాలేదు. దీంతో డయాబెటిస్ పేషెంట్లు ఏ ఆహారం తినాలి అన్నా కూడా ఆలోచిస్తూ ఉంటారు. కొన్ని రకాల ఆహార పదార్థాలు షుగర్ లెవెల్స్ ని పెంచుతాయి అన్న విషయం తెలిసిందే. అటువంటి ఆహార పదార్థాలకు ద్రవపదార్థాలకు డయాబెటిస్ పేషెంట్లు వీలైనంత దూరంగా ఉండటం మంచిది.
అలాగే కొన్ని రకాల ఆహార పదార్థాలను తినడం వల్ల ఆరోగ్యం బాగా ఉంటుంది. అటువంటి వాటిలో నిమ్మకాయ కూడా ఒకటి. డయాబెటిస్ ఉన్నవారు నిమ్మకాయ తినడం ఆరోగ్యానికి ఎంతో మంచిది. ఇందులో విటమిన్ సి ఫైబర్, పొటాషియం వంటి ముఖ్యమైన పోషకాలు లభిస్తాయి. నిమ్మకాయలు డయాబెటిస్ పేషంట్ల ఆరోగ్యానికి ఎంతో బాగా ఉపయోగపడతాయి. నిమ్మకాయ మధుమేహం ఉన్న వారిని గుండె జబ్బుల బారిన పడకుండా రక్షిస్తుంది. అలాగే నిమ్మకాయ వేగంగా బరువు తగ్గించడంలో సమర్థవంతంగా పనిచేస్తుంది. కాబట్టి నిమ్మకాయ మధుమేహం ఉన్నవారికి మంచిది.
నిమ్మకాయ తినడం వల్ల షుగర్ పేషెంట్లకు అటువంటి రోగాలు వస్తాయి ఇటువంటి రోగాలు వస్తాయి అన్న వార్తలన్నీ కూడా అవాస్తవాలే. నిమ్మకాయ రక్తంలో ఉండే చక్కెరను తగ్గిస్తుంది. ఇందులో గ్లైసెమిక్ ఇండెక్స్ తక్కువగా ఉంటుంది. నిమ్మకాయ పేగులలో చక్కెర షోషణను తగ్గిస్తుంది. నిమ్మకాయ తక్కువ గ్లైసేమిక్ ఇండెక్స్ ఉన్న ఆహారం కాబట్టి షుగర్ పెరిగే ప్రమాదాన్ని తగ్గిస్తుంది. కాబట్టి నిమ్మకాయను షుగర్ పేషెంట్లు ఎటువంటి భయం లేకుండా తినవచ్చు. అలాగే గుండెను ఆరోగ్యంగా ఉంచే పొటాషియం నిమ్మకాయలో పుష్కలంగా లభిస్తుంది. అలాగే నిమ్మకాయ రక్తపోటు సమస్యను తగ్గిస్తుంది.
Related News
Health : డయాబెటిస్ పేషెంట్లకు గుడ్ న్యూస్..భారీగా తగ్గిన టాబ్లెట్స్ ధరలు
కేవలం ఈ వ్యాధులకు వాడే మెడిసిన్స్ ధరలు మాత్రమే కాదు సాధారణంగా వినియోగించే 41 రకాల మందుల ధరలను సైతం తగ్గించింది