జలగ చికిత్స.. క్యాన్సర్‌ను నయం చేయగలదా?

Leech Therapy

Leech Therapy: నేటి కాలంలో అనారోగ్యాలు అకస్మాత్తుగా దాడి చేస్తున్నాయి. మన జీవనశైలి ఎంతగా పాడైపోయిందంటే మనం ఎంత ప్రయత్నించినా ఏదో ఒక లోపం వల్ల వ్యాధుల బారిన పడుతున్నాం. కొన్ని వ్యాధులు మందులతో త్వరగా తగ్గుతాయి. కానీ కొన్నింటికి సుదీర్ఘ చికిత్స అవసరమవుతుంది. అటువంటి పాతకాలపు చికిత్సలలో లీచ్ థెరపీ ఒకటి. దీనిని అనేక వ్యాధుల నివారణకు ఉపయోగిస్తారు. అయితే ఈ థెరపీ క్యాన్సర్‌ను నయం చేయగలదా? లేదా అనేది ఈ ఆర్టిక‌ల్‌లో తెలుసుకుందాం.

లీచ్ థెరపీ అంటే ఏమిటి? ఇది ఎలా పనిచేస్తుంది?

ఇది ఒక జీవి (జలగ) ద్వారా చేసే చికిత్స. థెరపీ సమయంలో జలగలను శరీరంపై ఉంచుతారు. ఇవి చర్మానికి అతుక్కుని శరీరంలోని చెడు రక్తాన్ని పీల్చుకుంటాయి. సుమారు 15-20 నిమిషాల పాటు వీటిని శరీరంపై ఉంచుతారు. జలగ రక్తం తాగి లావుగా అయిన తర్వాత దానిని తొలగిస్తారు. గడ్డలు, ట్యూమర్లు, సిస్ట్‌ల వంటి సమస్యలకు లీచ్ థెరపీ చాలా ప్రభావవంతంగా పనిచేస్తుంది.

Also Read: ఢిల్లీ మెట్రో విస్తరణకు కేంద్రం గ్రీన్ సిగ్నల్‌.. రూ. 12,015 కోట్లతో ఫేజ్ 5A ప్రాజెక్టు!

లీచ్ థెరపీ ఏ వ్యాధులలో ప్రయోజనకరం?

• కీళ్ల నొప్పులు
• చర్మ వ్యాధులు
• రక్త ప్రసరణ సమస్యలు
• మైగ్రేన్, తలనొప్పి
• వాపులను తగ్గించడంలో

లీచ్ థెరపీతో క్యాన్సర్ నయమవుతుందా?

నిపుణుల అభిప్రాయం ప్రకారం.. లీచ్ థెరపీ క్యాన్సర్‌కు పూర్తి చికిత్స కాదు. అయితే క్యాన్సర్ లక్షణాల నుండి ఉపశమనం పొందడానికి దీనిని ఉపయోగించవచ్చు. ఉదాహరణకు గడ్డలు, నొప్పి, ట్యూమర్లు, సిస్ట్‌ల ఉపశమనానికి ఇది సహాయపడుతుంది. లీచ్ థెరపీ ద్వారా క్యాన్సర్ పూర్తిగా నయమవుతుందని నిరూపించడానికి ఇప్పటివరకు ఎటువంటి శాస్త్రీయ ఆధారాలు లేవు. దీనిని కేవలం తాత్కాలిక ఉపశమనం కోసం మాత్రమే పరిగణించవచ్చు.

ఎవరు ఈ థెరపీని తీసుకోకూడదు?

కింది సమస్యలు ఉన్నవారు లీచ్ థెరపీకి దూరంగా ఉండాలి. లేదంటే నష్టం జరగవచ్చు.

1. అనీమియా (రక్తహీనత) ఉన్నవారు.
2. బ్లీడింగ్ డిజార్డర్స్ (రక్తం గడ్డకట్టని సమస్య) ఉన్నవారు.
3. రోగనిరోధక శక్తి చాలా బలహీనంగా ఉన్నవారు.

ముఖ్య గమనిక: లీచ్ థెరపీ చేయించుకునే ముందు ఖచ్చితంగా డాక్టరును సంప్రదించి, వారి సలహా మేరకు మాత్రమే నిర్ణయం తీసుకోవాలి.

Follow us