Cow Milk: ఆవుపాలు తాగితే బరువు తగ్గుతారా.. ఇందులో నిజమెంత?

Cow Milk

ప్రస్తుత రోజుల్లో అధిక బరువు అన్నది ప్రధాన సమస్యగా మారిపోయింది. ఆడ మగ అని తేడా లేకుండా ప్రతిఒక్కరు అధికబరువు సమస్యతో బాధపడుతున్నారు. అయితే బరువును తగ్గించుకోవడం కోసం వ్యాయామాలు, ఎక్సర్ సైజులు, చిట్కాలను పాటిస్తూ ఉంటారు. అయితే మామూలుగా చాలామంది ఆవు పాలు, గేదె పాలు తాగుతూ ఉంటారు. ముఖ్యంగా ఆవు పాలు తాగడం వల్ల ఎన్నో రకాల ప్రయోజనాలు ఉన్నాయి. మరి ఆవు పాలు తాగితే నిజంగానే బరువు తగ్గుతారా ఈ విషయం గురించి నిపుణులు ఏమంటున్నారో ఇప్పుడు మనం తెలుసుకుందాం.. పాలలో అధిక మొత్తంలో ఉండే అమైనో యాసిడ్స్‌, ఫ్యాట్స్‌ పిల్లల శారీరక ఎదుగుదలకు తోడ్పడతాయి. అంతేకాకుండా ఎన్నో అనారోగ్య సమస్యలకు పాలు దివ్య ఔషధంలా పనిచేస్తాయి.

ఆవు పాలు సంపూర్ణ పోషకాహారం. వీటిలో నాణ్యమైన ప్రోటీన్ ఉంటుంది. ఇది కణాల బిల్డింగ్ బ్లాక్‌కు తగినంత బలాన్ని అందించడంలో సహాయపడుతుంది. ఆవు పాలలో తొమ్మిది ముఖ్యమైన అమైనో యాసిడ్స్‌ ఉంటాయి. ఇవి మన ఆరోగ్యానికి ఎంతో మేలు చేస్తాయి. రోగనిరోధక వ్యవస్థను బలోపేతం చేయడానికి, దెబ్బతిన్న కణాలు, కణజాలాలను బాగు చేయడానికి ఆవు పాలు సహాయపడతాయి. ఆవు పాలలో క్యాల్షియం, మెగ్నిషియం, విటమిన్ ఎ అధికంగా ఉంటాయి. ఆవు పాలలో ప్రోటీన్‌, కాల్షియం సమృద్ధిగా ఉంటాయి. అలాగే విటమిన్ బి12, మెగ్నీషియం, అయోడిన్‌ వంటి పోషకాలు ఉంటాయి. ఇవి ఎముకల అభివృద్ధికి, కండరాల పనితీరుకు తోడ్పడతాయి. పాలలోని వేయిన్‌, కేసైన్‌లు హైపర్‌టెన్షన్‌ తగ్గించడంలో కీలక పాత్ర పోషస్తాయి. రోజు ఆవుపాలు తాగితే.. ఎముకలు దృఢంగా ఉంటాయి.

ఆవుపాలలో సమృద్ధిగా ఉండే కాల్షియం ఎముకలు, కండరాల అభివృద్ధిగి, నిర్వహణలో సహాయపడుతుంది. రోజు ఆవు పాలు తాగితే కోరు బలాన్ని మెరుగుపరచుకోవచ్చు. తద్వారా ఆస్టియోపోరొసిస్‌, ఆస్టియో ఆర్థరైటిస్ ముప్పును తగ్గించుకోవచ్చు. ఆవు పాలలో నాణ్యమైన ప్రొటీన్, కాల్షియం, విటమిన్ డి, ఫాస్పరస్, మెగ్నీషియం నిండి ఉంటాయి. ఈ పోషకాలు శరీర అభివృద్ధికి తోడ్పడతాయి. పాలు మెదడుకు అవసరమైన ఆహారం. ఇందులో విటమిన్ బి పుష్కలంగా ఉంటుంది, ఇది మీ నరాలను శాంతపరచడంలో, సరైన నిద్ర చక్రాన్ని నిర్వహించడంలో సహాయపడుతుంది.

విటమిన్ బి 12 జ్ఞాపకశక్తిని మెరుగు పరుస్తుంది, మెదడను పదును పెడుతుంది. పిల్లలకు రోజు ఆవు పాలు ఇస్తే.. మెదడు అభివృద్ధికి సహాయపడుతుంది. చాలా మంది పాలు తాగితే బరువు పెరుగుతారనే అపోహలో ఉంటారు. అయితే ఆవు పాలు మీ బరువును కంట్రోల్‌లో ఉంచుతాయి. ఇందులో సమృద్ధిగా ఉండే ప్రొటీన్ మీ కడుపును ఎక్కువ కాలం నిండుగా ఉంచుతుంది. మీరు అతిగా తినకుండా నిరోధస్తుంది. పాలలోని కంజుగేటెడ్ లినోలెయిక్ యాసిడ్‌ కొవ్వును విచ్ఛిన్న చేస్తుంది, కొవ్వు ఉత్పత్తిని నిరోధించి బరువును తగ్గిస్తుంది.

Follow us