Mangoes : సమ్మర్ స్పెషల్ మామిడి పండ్లు.. తింటే కలిగే ప్రయోజనాలేంటో తెలుసా?
రోజుకొకటి లేదా రెండు మామిడి పండ్లు తినడం వల్ల చాలా ఆరోగ్య ప్రయోజనాలుంటాయి. వేసవిలో మామిడి పండ్లు తినడం వల్ల అందం, ఆరోగ్యాన్ని(Health) కాపాడుకోవచ్చు.
- By hashtagu Published Date - 08:00 PM, Sun - 23 April 23
పండ్లకు రారాజు మామిడి పండు. ప్రత్యేకంగా వేసవిలో(Summer) వచ్చే మామిడి పండ్లకే (Mangoes)రుచి ఎక్కువ. అందుకే వేసవిలో మ్యాంగో లవర్స్ ఎప్పుడెప్పుడు మామిడి పండ్లు వస్తాయా అని ఎదురుచూస్తుంటారు. అయితే మామిడి పండ్లు తింటే వేడి చేస్తుందని, సెగెడ్డలు వంటివి వస్తాయని చాలామంది భయపడతారు. అలా ఎఫెక్ట్ అయ్యేది మామిడిపండ్లు అతిగా తినేవారికి. రోజుకొకటి లేదా రెండు మామిడి పండ్లు తినడం వల్ల అలాంటివేమీ ఉండవు. చాలా ఆరోగ్య ప్రయోజనాలుంటాయి. వేసవిలో మామిడి పండ్లు తినడం వల్ల అందం, ఆరోగ్యాన్ని(Health) కాపాడుకోవచ్చు.
మామిడి పండ్లు తినడం వల్ల చర్మసౌందర్యం పెరుగుతుంది. చర్మంపై ముడతలు, నల్లమచ్చలు తొలగుతాయి. అలాగే సూర్యుడి నుండి వెలువడే అతినీలలోహిత కిరణాలను తట్టుకునే సామర్థ్యాన్ని మామిడి పండ్లు అందిస్తాయి.
వీటిలో ఉండే విటమిన్ బి6 చర్మంలోని సెబమ్ ను తగ్గిస్తుంది. అలాగే పొటాషియం చర్మానికి తేమను అందిస్తుంది. మెగ్నీషియం మొటిమలను తగ్గించి, చర్మం జిడ్డుగా లేకుండా సంరక్షిస్తుంది. పొటాషియం, మెగ్నీషియం రక్తపోటు నుండి కూడా కాపాడుతాయి.
మామిడి పండ్లలో ఉండే యాంటీఆక్సిడెంట్లు నోరాటిరియోలా, రెస్వెరాట్రాల్, మాంగిఫెరిన్, క్వెర్సెటిన్ లు యూవీ కిరణాల నుంచి చర్మాన్ని రక్షిస్తాయి.
మామిడి పండ్లనుండి గుజ్జు తీసి దానిని ముఖానికి రాసుకోవడం వల్ల మొటిమల వల్ల కలిగే మంట తగ్గుతుంది. మామిడి పండ్లలో ఉండే విటమిన్ సి, ఫైబర్ శరీరానికి హానిచేసే కొలెస్ట్రాల్ ను తగ్గిస్తాయి.
మామిడి పండ్లలో ఉండే కాపర్ వల్ల ఎర్రరక్తకణాలు వృద్ధి చెందుతాయి. వీటిలో లభించే ఐరన్.. రక్తహీనత సమస్య ఉన్నవారికి మంచి ఔషధంలా పనిచేస్తుంది. అలాగే బిటాకెరోటిన్ రోగనిరోధక శక్తిని పెంచుతుంది.
మామిడి పండ్లలో విటమిన్ సి తో పాటు విటమిన్ ఎ, విటమిన్ బి6, విటమిన్ కె, ప్రొటీన్, ఫైబర్, ఫోలిక్ యాసిడ్, పొటాషియం ఉంటాయి. ఇవి గుండెజబ్బులు రాకుండా కాపాడుతాయి. అందుకే కచ్చితంగా సమ్మర్ వస్తే మామిడిపండ్లు తినండి.
Also Read : Milk: వామ్మో.. పాలు తాగడం వల్ల అన్ని రకాల ప్రయోజనాలా?
Related News
Summer Care: ఎండాకాలంలో అదే పనిగా టీ, కాఫీ తాగుతున్నారా.. అయితే జర జాగ్రత్త
Summer Care: దేశంలోని పలు రాష్ట్రాల్లో విపరీతమైన వేడిగా ఉంది. ఎండ వేడిమిని తట్టుకునేందుకు ప్రజలు అనేక చర్యలు తీసుకుంటున్నారు. ఇదిలా ఉండగా, ఆహార పానీయాల విషయంలో కేంద్ర ప్రభుత్వం ప్రజలకు ఒక సలహా జారీ చేసింది. కాఫీ, టీ మరియు ఆల్కహాల్ వంటి పానీయాలు తాగడం వల్ల డీహైడ్రేషన్ (నీటి కొరత) ఏర్పడుతుందని పేర్కొంది. ప్రొటీన్లు ఎక్కువగా ఉండే ఆహారాన్ని తినకూడదని సలహాలో పేర్కొన్నారు. అలాగే స్�