Lukewarm Water: ఉద‌యం పూట గోరువెచ్చని నీటితో ఇలా చేస్తున్నారా?

Lukewarm Water

Lukewarm Water: గోరువెచ్చని నీరు (Lukewarm Water) మన శరీరానికి చాలా మంచిది. ఈ నీటిని తాగడం వల్ల ఆరోగ్య ప్రయోజనాలు లభించడంతో పాటు శరీరం కూడా డిటాక్సిఫై అవుతుంది. అయితే గోరువెచ్చని నీటిలో రెండు పదార్థాలను కలిపి తాగితే మీకు అదనపు ప్రయోజనాలు లభిస్తాయని మీకు తెలుసా? మనం ప్రతిరోజూ పరగడుపున గోరువెచ్చని నీటిలో నిమ్మరసం, తేనె కలిపి తాగాలని ఆరోగ్య నిపుణులు చెబుతున్నారు. నిమ్మకాయ విటమిన్-సికి మూలం. అదే సమయంలో తేనెలో యాంటీఆక్సిడెంట్లు పుష్కలంగా ఉంటాయి. అందుకే గోరువెచ్చని నీటితో వీటిని కలిపి తీసుకోవడం వల్ల ఆరోగ్యానికి ఎంతో మేలు జరుగుతుంది.

నిపుణుల అభిప్రాయం ఏంటి?

ఉదయం పూట మనం చల్లని లేదా మామూలు నీటికి బదులుగా ఒక గ్లాసు గోరువెచ్చని నీరు తాగాలి. గోరువెచ్చని నీటిని తాగడం వల్ల శరీరానికి శక్తి లభిస్తుంది. మన శరీరం విష పదార్థాలను (Toxins) విడుదల చేయగలుగుతుంది. ఈ నీటిలో తేనె, నిమ్మకాయ కలిపితే ఈ పానీయం శరీరానికి అనేక ప్రయోజనాలను అందిస్తుంది.

నిమ్మ-తేనె నీరు తాగడం వల్ల కలిగే ప్రయోజనాలు

బరువు తగ్గడానికి సహాయం: గోరువెచ్చని నీటిలో నిమ్మరసం- తేనె కలిపి తాగడం వల్ల బరువు తగ్గడానికి సహాయపడుతుంది. ఈ పానీయం జీవక్రియను బలోపేతం చేస్తుంది.

Also Read: IPL 2026: ఐపీఎల్ మినీ వేలం.. అంద‌రి దృష్టి కేఎల్ రాహుల్‌, శాంస‌న్‌ల‌పైనే!

చర్మం మెరుపు కోసం (స్కిన్ గ్లో): గోరువెచ్చని నీటితో నిమ్మరసం- తేనె కలిపి తాగితే చర్మంపై కూడా మెరుపు వస్తుంది. విటమిన్-సితో సమృద్ధిగా ఉండే నిమ్మకాయ చర్మంలో కొల్లాజెన్ స్థాయిని పెంచుతుంది.

రోగనిరోధక శక్తి పెంపు: విటమిన్-సి రోగనిరోధక శక్తిని పెంచుతుంది. తేనె యాంటీఆక్సిడెంట్ల మూలం. గోరువెచ్చని నీటిలో వీటిని కలిపి తాగడం వల్ల రోగనిరోధక శక్తి పెరుగుతుంది.

గుండె, కాలేయానికి (లివర్) ప్రయోజనకరం: గోరువెచ్చని నీటిలో నిమ్మరసం కలిపి తాగడం వల్ల కాలేయంలో పేరుకుపోయిన కొవ్వు, మురికి శుభ్రపడుతుంది. ఫ్యాటీ లివర్ రోగులకు ఈ పానీయం ఒక వరం లాంటిది. ఇది కొలెస్ట్రాల్‌ను తగ్గిస్తుంది. కాబట్టి గుండె రోగులకు కూడా ఈ పానీయం తాగడం వల్ల ప్రయోజనాలు ఉంటాయి.

శక్తిని పెంచండి (ఎనర్జీ బూస్ట్): కొంతమందికి ఉదయం పూట చాలా ఎక్కువ బద్ధకం, నిస్సత్తువగా అనిపిస్తుంది. నిమ్మరసం కలిపిన ఈ పానీయం తాగడం వల్ల వారి శరీరం చురుకుగా మారుతుంది.

తాగడానికి సరైన మార్గం ఏమిటి?

డాక్టర్ల‌ ప్రకారం.. ఈ పానీయాన్ని తాగడానికి సరైన సమయం ఉదయం. దీనిని పరగడుపున తాగాలి.

తయారుచేసే విధానం

గోరువెచ్చని నీటిలో నిమ్మరసం పిండి, ఒక చెంచా తేనె కలిపి తాగాలి.

Follow us