రాత్రిపూట స‌రిగ్గా నిద్ర ప‌ట్టడం లేదా? స‌మ‌స్య‌ను త‌గ్గించే యోగాస‌నాలు ఇవే!

Resmed Survey Sleep Ranked Top Health Priority

రోజూ తగినన్ని గంటలు మంచంపై గడుపుతున్నా ఉదయాన్నే నీరసంగా, నిస్సత్తువగా అనిపిస్తోందా? మీ జ్ఞాపకశక్తి తగ్గిపోయి, బంధుమిత్రులపై అనవసరంగా చిరాకు పడుతున్నారా? అయితే మీలో ‘స్లీప్ మాన్‌స్టర్’ (నిద్రను దెబ్బతీసే అంశం) ప్రవేశించి ఉండవచ్చు. నాణ్యమైన నిద్ర లోపించడం వల్ల ఎదురయ్యే ఈ సమస్యలపై ప్రముఖ సంస్థ రెస్‌మెడ్ నిర్వహించిన ‘2026 గ్లోబల్ స్లీప్ సర్వే’లో పలు ఆందోళనకరమైన వాస్తవాలు వెలుగులోకి వచ్చాయి.

ఈ సర్వే ప్రకారం కేవలం ఎక్కువ సేపు నిద్రపోవడం ముఖ్యం కాదని, నాణ్యమైన, పునరుత్తేజం కలిగించే నిద్ర అవసరమని తేలింది. ముఖ్యంగా భారత్‌లో ఈ సమస్య తీవ్రంగా ఉన్నట్లు గణాంకాలు చెబుతున్నాయి. దేశంలో దాదాపు 53% జంటలు వేర్వేరుగా నిద్రపోతున్నారని సర్వేలో తేలింది. సరిగా నిద్రపోని మరుసటి రోజు 31% మంది భారతీయులు దేనిపైనా దృష్టి పెట్టలేకపోతున్నామని చెప్పగా, ఏకంగా 71% మంది ఉద్యోగులు ఆఫీసులో తమ పనిపై ఏకాగ్రత చూపలేకపోతున్నామని అంగీకరించారు.

నిపుణుల ప్రకారం చాలా సందర్భాల్లో ‘స్లీప్ అప్నియా’ వంటి సమస్యలు గుర్తించబడకుండా ఉండిపోతాయి. ఇవి రాత్రిపూట నిద్రకు తీవ్ర అంతరాయం కలిగిస్తాయి. దీని ప్రభావం పగటిపూట కనిపిస్తుంది. వాహనం నడుపుతున్నప్పుడు కునుకు రావడం, ఆత్మీయులపై కారణం లేకుండా కోప్పడటం వంటివి దీని లక్షణాలే. దీన్నే రెస్‌మెడ్ ‘స్లీప్ మాన్‌స్టర్’గా అభివర్ణిస్తోంది.

అయితే, మంచి నిద్రతో ఈ సమస్యలను అధిగమించి, మళ్లీ మనల్ని మనం పునరుద్ధరించుకోవచ్చు. సర్వే ప్రకారం నాణ్యమైన నిద్ర వల్ల 50% అధిక శక్తి, 43% మెరుగైన ఏకాగ్రత, 41% మెరుగైన మానసిక ఆరోగ్యం, 37% ఒత్తిడిని జయించే సామర్థ్యం లభిస్తాయి.

నిపుణుల సూచనలు ఇవే..

• ప్రశాంతమైన వాతావరణం: పడకగది చల్లగా, చీకటిగా, నిశ్శబ్దంగా ఉండేలా చూసుకోవాలి. మొబైల్ ఫోన్లు, టీవీ వంటి స్క్రీన్లకు దూరంగా ఉండాలి.
• ఒకే సమయం పాటించడం: ప్రతిరోజూ ఒకే సమయానికి నిద్రపోవడం, మేల్కోవడం వల్ల శరీర జీవ గడియారం సరిగ్గా పనిచేస్తుంది.
• ఫ్యాషన్ పోకడలు వద్దు: నిద్ర కోసం మార్కెట్లో దొరికే తాత్కాలిక ఉపశమన ఉత్పత్తులకు బదులుగా, శాస్త్రీయంగా నిరూపితమైన అలవాట్లను పాటించడం మేలు.
•  నిద్రను గమనించడం: స్మార్ట్‌వాచ్ లేదా స్లీప్ జర్నల్ ద్వారా మీ నిద్ర సరళిని గమనించి, వైద్యులతో చర్చించడం మంచిది.
• వైద్యుడిని సంప్రదించడం: మీ నిద్రలో ఏవైనా మార్పులు గమనిస్తే, ఏమాత్రం ఆలస్యం చేయకుండా వైద్యులను సంప్రదించి తగిన సలహా తీసుకోవాలి.

Follow us