Health Tips: ఈ ఒక్క పండు నీటిలో నానబెట్టి తింటే చాలు.. బాణ లాంటి పొట్ట అయినా కరిగిపోవాల్సిందే!

Health Tips

అంజీర్ పండ్లు ఆరోగ్యానికి ఎంతో మేలు చేస్తాయి అన్న విషయం మనందరికీ తెలిసిందే. కొంతమంది పచ్చి అంజూర్ పండు తినడానికి ఇష్టపడితే మరి కొందరు డ్రై చేసిన అంజీర్ తినడానికి ఇష్టపడుతూ ఉంటారు. వీటిని చాలా ప్రదేశంలో అత్తి పండ్లు అని కూడా పిలుస్తారు. అంజీర్ పండ్లు ఎన్నో రకాల పోషకాలను కలిగి ఉంటాయి. ఆరోగ్యానికి కూడా ఎంతో మేలు చేస్తాయి. అనేక వ్యాధులను కూడా నివారిస్తాయి. ఊబకాయాన్ని దూరం చేసి ఆరోగ్యంగా ఉండేలా చేస్తాయి. అందరూ ఇష్టపడి తినే ఈ అంజీర్‌ లో అనేక పోషకాలు పుష్కలంగా ఉంటాయట. అంజీర్ పండులో ఫైబర్, మెగ్నీషియం, పొటాషియం, విటమిన్ కే, విటమిన్ బి6 వంటి పోషకాలు ఉన్నాయి.

వాటిని అలాగే తినడం కంటే, రాత్రంతా నీటిలో నానబెట్టి, ఉదయం ఖాళీ కడుపుతో తినడం వల్ల మరింత ప్రభావవంతంగా ఉంటుందట. అంజీర్ క్రమం తప్పకుండా తినడం వల్ల అనేక ఆరోగ్య సమస్యలకు చెక్ పెట్టవచ్చట. కాగా మలబద్ధకంతో బాధపడేవారికి నానబెట్టిన అంజీర్ పండ్లు ప్రభావవంతంగా పని చేస్తుందట. ఇందులో ఫైబర్ అధికంగా ఉంటుంది. ఇది ప్రేగు కదలికలను సులభతరం చేసి జీర్ణక్రియను మెరుగుపరుస్తుందట. మలబద్ధకం వంటి సమస్యలను తొలగిస్తుందట. అలాగే అధిక రక్తపోటును నియంత్రించడంలో సహాయపడుతుందట. అధిక రక్తపోటును నియంత్రించడానికి పొటాషియం చాలా అవసరం. నానబెట్టిన అంజీర్ పండ్లలో పొటాషియం పుష్కలంగా ఉంటుంది. ఉదయం తీసుకుంటే, అవి అధిక రక్తపోటును నియంత్రిస్తాయట.

అంజీర్ పండ్లలో చర్మ ఆరోగ్యానికి చాలా అవసరమైన విటమిన్ సి, విటమిన్ ఇ, విటమిన్ ఎ పుష్కలంగా ఉంటాయట. ఈ నానబెట్టిన అంజీర్ పండ్లను తినడం వల్ల చర్మ ఆరోగ్యాన్ని కాపాడుకోవడానికి, ప్రకాశవంతమైన చర్మాన్ని పొందడానికి సహాయపడుతుందట. అంజీర్ పండ్లలో కాల్షియం, భాస్వరం పుష్కలంగా ఉంటాయట. ఇది ఎముకల ఆరోగ్యాన్ని కాపాడుకోవడానికి సహాయపడుతుందట. కాబట్టి దీన్ని క్రమం తప్పకుండా తీసుకోవడం వల్ల ఎముకలు బలపడతాయట. అలాగే శరీర బరువును నియంత్రించుకోవాలనుకునే వారు ఫైబర్ అధికంగా ఉండే ఆహారాన్ని తినడం మంచిదట. అందువల్ల, మీరు అంజీర్ పండ్లను మీ ఆహారంలో భాగంగా చేసుకోవచ్చట. దీన్ని రోజూ తీసుకోవడం వల్ల బరువు తగ్గడానికి సహాయపడుతుందని చెబుతున్నారు.

Follow us