2026లో ధనుస్సురాశి జాతకంలో చేయాల్సిన పరిహారాలు ఇవే !

Dhanu

జ్యోతిష్యశాస్త్రం ప్రకారం, ఆంగ్ల నూతన సంవత్సరం 2026లో ధనస్సు రాశి వారికి కెరీర్, వ్యాపారం, ఆరోగ్య పరంగా ఎలాంటి ఫలితాలు రానున్నాయనే పూర్తి వివరాలను ఇప్పుడు తెలుసుకుందాం

జ్యోతిష్యం ప్రకారం, ధనస్సు రాశి వారికి గురుడు అధిపతిగా ఉంటాడు. గురుడి ప్రభావంతో ఈ రాశి వారికి మేథస్సు, ఆదాయం, శ్రేయస్సు పెరుగుతాయి. అంతేకాడు ఆధ్యాత్మిక విషయాలపై ఆసక్తి పెరుగుతుంది. ఇదిలా ఉండగా కొత్త ఏడాది ప్రారంభంలో ధనస్సు రాశి నుంచి లగ్న స్థానంలో సూర్యుడు, బుధుడు, కుజుడు, శుక్రుడు సంచారం చేయనున్నారు. ఈ గ్రహాల కలయిక కారణంగా ధనస్సు రాశి వారికి విశేష ప్రయోజనాలు కలగనున్నాయి. మరోవైపు ఈ రాశి నుంచి రాహువు మూడో స్థానంలో, శని నాలుగో స్థానంలో, గురుడు సప్తమ స్థానంలో సంచారం చేయనున్నారు. కేతువు తొమ్మిదో స్థానం నుంచి రవాణా చేయనున్నాడు. ఈ సమయంలో విద్యార్థులు పోటీ పరీక్షల్లో అద్భుతమైన ఫలితాలు సాధించే అవకాశం ఉంది. వ్యాపారులకు మంచి లాభాలు రావొచ్చు. ఈ సందర్భంగా కెరీర్, వ్యాపారం, కుటుంబం, ఆరోగ్యం, ఆర్థిక పరంగా 2026 సంవత్సరంలో ఎలాంటి ఫలితాలు రానున్నాయో ఇప్పుడు తెలుసుకుందాం…

ఆర్థిక పరిస్థితి..

ధనస్సు రాశి వారికి కొత్త ఏడాది 2026లో గురుడి అనుగ్రహంతో ఆర్థిక పరంగా అద్భుతమైన ప్రయోజనాలు కలగనున్నాయి. అంతేకాదు శని, కుజుడు, గురుడి ప్రభావంతో మెరుగైన ఫలితాలు పొందనున్నారు. అయితే సెప్టెంబర్, అక్టోబర్ నెలల్లో కొంత ప్రతికూలంగా ఉంటుంది. కొత్త ఏడాదిలో మీరు చాలా డబ్బులు ఆదా చేయగలుగుతారు.

కెరీర్ పరంగా..

కొత్త ఏడాది 2026లో ధనస్సు రాశి వారికి కెరీర్ పరంగా శుభ ఫలితాలు రానున్నాయి. శని దేవుని అనుగ్రహంతో ఉద్యోగులకు మరిన్ని సానుకూల ఫలితాలు రానున్నాయి. మీరు క్రమశిక్షణతో పనులు చేస్తారు. శని ఈ రాశి నుంచి సప్తమ స్థానంలో సంచారం చేసే సమయంలో మీరు కీలకమైన నిర్ణయాలు తీసుకుంటారు. ఈ సమయంలో మీకు సీనియర్లు, జూనియర్ల నుంచి మద్దతు లభిస్తుంది. శని, గురుడి ప్రభావంతో మీకు కొత్త ప్రాజెక్టులలో పాల్గొనేందుకు అవకాశం లభిస్తుంది. సంవత్సరం ప్రారంభంలో గురుడి సంచారం మీకు చాలా ప్రయోజనకరంగా ఉంటుంది. అయితే జూన్, అక్టోబర్ మధ్య ఉద్యోగులు చాలా జాగ్రత్తగా ఉండాలి. లేదంటే కొన్ని ఇబ్బందులు ఎదురవుతాయి. నిరుద్యోగులకు ఉద్యోగం గురించి శుభవార్తలు వినిపిస్తాయి.

వ్యాపార పరంగా..

ధనస్సు రాశి వారికి కొత్త ఏడాది 2026లో వ్యాపార రంగంలో శుభ ఫలితాలు రానున్నాయి. ముఖ్యంగా జనవరి, ఫిబవ్రరి, మార్చి 15వ తేదీ వరకు సమయం చాలా అనుకూలంగా ఉంటుంది. ఈ సమయాన్ని మీరు సద్వినియోగం చేసుకోవాలి. ఈ కాలంలో మీరు కొత్త ప్రాజెక్టులను ప్రారంభించొచ్చు. గురుడు, శుక్రుడు, కుజుడి స్థానాలు అనుకూలంగా ఉంటాయి. మరోవైపు శని తిరోగమనంలో ఉన్న సమయంలో కొన్ని ఇబ్బందులు ఎదురయ్యే అవకాశం ఉంది. కాబట్టి జాగ్రత్తగా ఉండాలి. మరోవైపు కొత్తగా వ్యాపారం ప్రారంభించాలనుకునే ఈ సమయం అనుకూలంగా ఉంటుంది.

విద్యా జీవితంలో..

ధనస్సు రాశి వారికి కొత్త ఏడాది 2026లో విద్యా రంగంలో సమయం అనుకూలంగా ఉంటుంది. బుధుడు లగ్న స్థానంలో ఉండే సమయంలో సానుకూల ఫలితాలు రానున్నాయి. ఈ కాలంలో మీ తెలివితేటలు పెరిగే అవకాశం ఉంది. విదేశీ విద్య కోసం ప్రయత్నిస్తున్న వారికి సమయం అనుకూలంగా ఉంటుంది. పోటీ పరీక్షల్లో పాల్గొనే వారు మంచి విజయం సాధించే అవకాశం ఉంది. ఈ కాలంలో మీ కష్టానికి తగిన ఫలితాలొస్తాయి. మీరు చాలా చురుగ్గా ఉంటారు.

ఆరోగ్య పరంగా..

ధనస్సు రాశి వారికి కొత్త ఏడాది 2026లో ఆరోగ్య పరంగా అనుకూలంగా ఉంటుంది. శని ప్రభావంతో మీ శక్తి, సామర్థ్యాలు పెరుగుతాయి. అయితే మీరు చాలా జాగ్రత్తగా ఉండాలి. ఇప్పటికే ఆరోగ్య సమస్యలను ఎదుర్కొంటున్న వారికి కచ్చితంగా ఉపశమనం లభిస్తుంది. అయితే మార్చి నుంచి ఏప్రిల్ 15వ తేదీ ఆరోగ్యం విషయంలో తగిన జాగ్రత్తలు తీసుకోవాలి. ఏదైనా సమస్య పెద్దగా ఉంటే వైద్యుడిని సంప్రదించాలి. అదే విధంగా సెప్టెంబర్ 18 నుంచి నవంబర్ 12వ తేదీ వరకు మీ ఆరోగ్యాన్ని జాగ్రత్తగా చూసుకోవాలి. ఎందుకంటే ఈ సమయంలో కుజుడు అష్టమ స్థానంలో బలహీనంగా ఉంటాడు. వాతావరణ పరిస్థితులు, పని ఒత్తిడి మీ ఆరోగ్యాన్ని దెబ్బతీస్తాయి.

వివాహం, ప్రేమ జీవితంలో..

ధనస్సు రాశి వారికి 2026 ఆంగ్ల నూతన సంవత్సరంలో ప్రేమ, వైవాహిక జీవితంలో సంతోషంగా ఉంటుంది. ఒంటరిగా ఉన్న వ్యక్తులు ప్రేమలో పడే అవకాశం ఉంది. మరోవైపు వివాహితులకు కొన్ని ఇబ్బందులు ఎదురుకానున్నాయి. ఈ కాలంలో మీ జీవిత భాగస్వామి నుంచి కొన్ని ఇబ్బందులు ఎదురవుతాయి. మీ బంధువులు మీపై ఆధిపత్యం చెలాయించడానికి ప్రయత్నిస్తారు. మీరు మానసికంగా అశాంతి చెందుతారు. మీ ప్రేమ జీవితంలో సంతోషంగా ఉంటుంది. మీ ప్రియమైన వ్యక్తిని సంతోషంగా ఉంచేందుకు కొత్త ఆలోచనలు చేస్తారు. సంవత్సరం చివరి నెలల్లో అవివాహితులకు మంచి వివాహ సంబంధాలొచ్చే అవకాశం ఉంది. సెప్టెంబర్ 18 నుంచి నవంబర్ 12వ తేదీ వరకు వివాహానికి సమయం అనుకూలంగా ఉండదు.

ఏ పరిహారాలు పాటించాలంటే..

* ధనస్సు రాశి వారు కొత్త ఏడాదిలో శనివారం రోజున శని దేవుడిని పూజించాలి.
* శనికి సంబంధించిన వస్తువులను దానం చేయాలి.
* హనుమాన్ చాలీసా పఠించాలి.
* గురువారం రోజున పసుపు రంగు దుస్తులను ధరించి, శ్రీ విష్ణుమూర్తిని పూజించాలి.
* మంగళవారం కుజుడి, శనివారం రోజున శని మంత్రాలను జపించాలి.

Follow us