Makar Sankranti : మకర సంక్రాంతి రోజున, మర్చిపోయి కూడా ఈ తప్పులు చేయొద్దు..!
హిందూ మతంలో మకర సంక్రాంతికి చాలా ప్రాముఖ్యత ఉంది. మకర సంక్రాంతి నాడు సూర్యుడు (Sun) మకరరాశిలోకి
- By Vamsi Chowdary Korata Published Date - 06:00 AM, Thu - 12 January 23
హిందూ మతంలో మకర సంక్రాంతికి చాలా ప్రాముఖ్యత ఉంది. మకర సంక్రాంతి (Makar Sankranti) నాడు సూర్యుడు మకరరాశిలోకి ప్రవేశించడంతో వివాహం, గృహ ప్రవేశం, గృహనిర్మాణం, గృహం కొనుగోలు మొదలైన ప్రతి శుభ కార్యాలు ప్రారంభమవుతాయి. చాలా ప్రాంతాలలో దీనిని ఖిచ్డీ, ఉత్తరాయణ మరియు లోహ్రీ అని కూడా పిలుస్తారు. సనాతన ధర్మంలో మకర సంక్రాంతికి చాలా ప్రాముఖ్యత ఉంటుంది. సూర్యుడు మకరరాశిలో ప్రవేశించినప్పుడు మకర సంక్రాంతి పండుగను జరుపుకుంటారు.
ఈ సంవత్సరం మకర సంక్రాంతి (Makar Sankranti) పండుగను 2023 జనవరి 15న జరుపుకుంటారు. సూర్యుడు మకరరాశిలోకి ప్రవేశించిన తర్వాతే శుభ కార్యాలు చేసేందుకు తలుపులు తెరుచుకుంటాయి. పెళ్లిళ్లు, గృహ ప్రవేశాలు, గృహనిర్మానాలు, ఇళ్ల కొనుగోలు మొదలైన శుభ కార్యాలు ప్రారంభమవుతాయి. మకర సంక్రాంతి రోజున దానం, దక్షిణ, స్నానం మొదలైన వాటికి ప్రాముఖ్యత ఉంటుంది. నువ్వులతో చేసిన వస్తువులను మకర సంక్రాంతి రోజున దానం చేస్తారు.
మకర సంక్రాంతి (Makar Sankranti) శుభ ముహూర్తం ఇదీ:
ఈసారి మకర సంక్రాంతిని జనవరి 15న జరుపుకుంటారు. మకర సంక్రాంతి జనవరి 14న రాత్రి 08.43 గంటలకు ప్రారంభ మవుతుంది. ఇక మకర సంక్రాంతి శుభ ముహూర్తం జనవరి 15న ఉదయం 06:47 గంటలకు ప్రారంభమై సాయంత్రం 05:40 గంటలకు ముగుస్తుంది. మరోవైపు మహాపుణ్యకాలం ఉదయం 07.15 నుంచి 09.06 వరకు ఉంటుంది. ఉదయించే తిథి ప్రకారం.. పుణ్య సమయాలలో స్నానం చేసి దానం చేయడం శ్రేయస్కరం. ఈ రోజున అభిజిత్ ముహూర్తం మధ్యాహ్నం 12.09 నుంచి 12.52 వరకు ఉంటుంది. ఈ రోజు మధ్యాహ్నం 02.16 నుంచి 02.58 వరకు విజయ్ ముహూర్తం ఉంటుంది.
మకర సంక్రాంతి (Makar Sankranti) రోజున ఈ పని చేయకండి:
- మకర సంక్రాంతి రోజున తామసిక ఆహారాన్ని తినవద్దు. ఉల్లిని వెల్లుల్లికి దూరంగా ఉంచాలి. మాంసం కూడా తినకూడదు.
- మకర సంక్రాంతి రోజున ఎవ్వరిపైనా తప్పుడు మాటలు ప్రయోగించవద్దు. ఎవరి మీద కూడా కోపం తెచ్చుకోకూడదు. ఎవరినీ దూషించే పదాలు వాడకూడదు.
- మకర సంక్రాంతి రోజున చెట్లను నరకడం అశుభం. అలాగే ఈ రోజున తులసి ఆకులను తెంపకూడదు. ఇలా చేయడం అశుభంగా భావిస్తారు.
- ఈ రోజున ఎలాంటి మత్తుపదార్థాలు తీసుకోవద్దు. మీరు మద్యం, సిగరెట్, గుట్కా మొదలైన వాటికి దూరంగా ఉండాలి. అలాగే ఈ రోజున స్పైసీ ఫుడ్ తీసుకోకూడదు.
- ఈ రోజు స్నానం చేయకుండా ఆహారం తీసుకోరాదు. ఈ రోజున గంగానదిలో లేదా మరేదైనా నదిలో స్నానం చేస్తే మంచిదని నమ్ముతారు.
- మకర సంక్రాంతి రోజున ఎవరైనా బిచ్చగాడు, సన్యాసి లేదా వృద్ధుడు మీ ఇంటికి వస్తే, వట్టి చేతులతో తిరిగి పంపకూడదు.
Also Read: Blood Sugar : బ్లడ్ షుగర్ ను తగ్గించే టాప్ 10 ఫుడ్స్ ఇవే..
Related News
Akshaya Tritiya: అక్షయ తృతీయ రోజున బొమ్మల పెళ్లి ఎందుకు చేస్తారు..?
అక్షయ తృతీయ పండుగ వైశాఖ మాసం శుక్ల పక్షం తృతీయ రోజున జరుపుకుంటారు. ఈ రోజున లక్ష్మీ దేవిని పూజిస్తారు.