Kalki 2898 AD: ప్రభాస్ కల్కి మూవీలో దీపికా తెలుగులో మాట్లాడనుందా?

టాలీవుడ్ పాన్ ఇండియా హీరో ప్రభాస్ ప్రస్తుతం వరసగా సినిమాలలో నటిస్తూ ఫుల్ బిజీబిజీగా గడుపుతున్న విషయం తెలిసిందే. ప్రస్తుతం ప్రభాస్ చేతిలో నాలుగైదు పాన్ ఇండియా ప్రాజెక్టులు ఉన్నాయి. ఇకపోతే ప్రభాస్ ఇటీవలే సలార్ సినిమాతో ఒక భారీ హిట్ను అందుకున్న విషయం తెలిసిందే. దాదాపు ఆరేళ్ళ తర్వాత ప్రభాస్ సలార్ సినిమాతో హిట్ కొట్టాడు. ప్రశాంత్ నీల్ దర్శకత్వంలో వచ్చిన ఈ సినిమా బ్లాక్ బస్టర్ హిట్ గా నిలిచింది. కంప్లీట్ యాక్షన్ ఎంటర్టైనర్ గా తెరకెక్కిన ఈ సినిమాలో ప్రభాస్ చాలా పవర్ ఫుల్ గా కనిపించాడు.

ఈ సినిమాను రెండు పార్ట్ లుగా ప్రేక్షకుల ముందుకు తీసుకురానున్నారు. ఇక ఈ సినిమా తర్వాత ఇప్పుడు కల్కి సినిమాలో నటిస్తున్నాడు. ఈ సినిమాకు నాగ్ అశ్విన్ దర్శకత్వం వహిస్తున్నాడు. ఈ సినిమా ఫాంటసీ డ్రామాగా తెరకెక్కుతోంది. ఈ సినిమా కోసం నాగ్ అశ్విన్ ఒక సరికొత్త ప్రపంచాన్నే సృష్టిస్తున్నారు. ఈ సినిమాలో కమల్ హాసన్, అమితాబ్ బచ్చన్ లాంటి పెద్ద స్టార్స్ కూడా నటిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ సినిమా కథ చాలా డిఫరెంట్ గా ఉండనుంది. కల్కి 2898 ఏడీ అనే టైటిల్ తో తెరకెక్కుతోన్న ఈ సినిమాలో ప్రభాస్ కు జోడిగా దీపికా పదుకొనే హీరోయిన్ గా నటిస్తుంది.

ఈ సినిమాతో తెలుగు లోకి అడుగుపెడుతుంది ఈ అందాల భామ. ఇదిలా ఉంటే ఇప్పుడు దీపికాకు సంబందించిన ఒక వార్త వైరల్ గా మారింది. అదేమిటంటే ప్రభాస్ నటించిన కల్కి సినిమాలో దీపికా పదుకొనె పద్మ అనే పాత్రలో నటించనుందట. అంతే కాదు ఈ సినిమాలో దీపికా తెలుగులో డబ్బింగ్ కూడా చెప్తుందని అంటున్నారు. ఇందుకోసం తెలుగు నేర్చుకుంటుందట. మరి ఈ వార్తల్లో వాస్తవం ఎంత అన్నది తెలియాల్సి ఉంది. కాగా కల్కి సినిమాలో దీపికా పాత్ర చాలా బలంగా ఉంటుందట. ఇక ఈ సినిమాలో మరో ముద్దుగుమ్మ కూడా నటిస్తుంది. కల్కి సినిమాలో కీలక పాత్రలో దిశాపటాని కూడా నటిస్తుందట. ప్రస్తుతం ప్రభాస్, దిశాపటాని పై సాంగ్ ను చిత్రీకరిస్తున్నారట మూవీ టీమ్.