Suryadevara Naga Vamsi: అందుకోసం మాత్రమే థియేటర్ కు రండి.. లాజిక్స్ వెతకొద్దు.. ఆసక్తికర కామెంట్స్ చేసిన నాగవంశీ

Suryadevara Naga Vamsi

సంగీత్‌ శోభన్, నార్నే నితిన్, రామ్‌ నితిన్‌ ప్రధాన పాత్రల్లో ఫన్ అండ్ యూత్‌ఫుల్‌ ఎంటర్‌టైనర్‌ మూవీ మ్యాడ్‌ స్క్వేర్. ఇప్పటికే గతంలో విడుదల అయిన మ్యాడ్ సినిమాకు సీక్వెల్ గా ఈ సినిమా ప్రేక్షకుల ముందుకు రాబోతోంది. మ్యాడ్ సినిమా విడుదల అయ్యి ఎంతటి విజయం సాధించిందో మనందరికీ తెలిసిందే. అయితే ఇప్పుడు మ్యాడ్ స్క్వేర్ కు సినిమా కూడా అంతకుమించి ఉండబోతోందని తెలుస్తోంది. ఇటీవల ఈ సినిమా టీజర్ ను విడుదల చేసిన విషయం తెలిసిందే. ఈ టీజర్ తో సినిమాపై అంచనాలు భారీగా పెరిగాయి.

కాగా కళ్యాణ్ శంకర్ దర్శకత్వం వహిస్తున్న ఈ సినిమాను సూర్యదేవర నాగవంశీ సమర్పణలో హారిక సూర్యదేవర, సాయి సౌజన్య నిర్మిస్తున్నారు. త్వరలోనే ఈ సినిమా విడుదల సందర్భంగా తాజాగా మూవీ మేకర్స్ ఒక ప్రెస్ మీట్ ను నిర్వహించారు. ఈ సందర్భంగా నిర్మాత నాగ వంశీ చేసిన వ్యాఖ్యలు ప్రస్తుతం సోషల్ మీడియాలో వైరల్ గా మారాయి. ఈ సందర్భంగా వంశీ మాట్లాడుతూ.. మ్యాడ్‌ మూవీలాగే ఇందులో కూడా ఎలాంటి కథ ఉండదు. కేవలం రెండు గంటలు నవ్వుకోవడానికి థియేటర్లకు రండి. ఇంజినీరింగ్ చదువుకుని ఉద్యోగం చేయకూడదనుకున్న ముగ్గురు వెధవలు ఒక మంచోడిని వెధవను చేసే కథే మ్యాడ్‌ స్క్వేర్.

ఈ సారి హైదరాబాద్‌ లో చేసిన అరాచకాలు అయిపోయాయి. స్టోరీని గోవాకు మార్చాము. ఈ సినిమా అంతా ఫన్.. ఎలాంటి లాజిక్స్ వెతకొద్దు. ముందే క్లియర్‌ గా చెబుతున్నాను. ఇది మిస్సయింది.. అది మిస్సయింది లాంటి అడొగద్దు. నవ్వుకోవడానికి మాత్రమే థియేటర్‌కు రండి అని నాగవంశీ అభిమానులకు సూచించారు. ఈ సందర్భంగా ఈవెంట్ లో భాగంగా నాగ వంశీ చేసిన వాఖ్యలు సోషల్ మీడియాలో వైరల్ గా మారాయి. కాగా గతంలో విడుదల అయిన మ్యాడ్ సినిమా సూపర్ హిట్ అయిన విషయం తెలిసిందే. ఈ సినిమా ఎలాంటి విజయాన్ని అందుకుంటుందో చూడాలి మరి. ప్రస్తుతం ఈ సినిమాపై ఉన్న అంచనాలు ఈ సినిమాకు వస్తున్న స్పందనాన్ని బట్టి చూస్తే ఈ సినిమా తప్పకుండా సూపర్ హిట్ అవుతుందని తెలుస్తోంది. టీజర్‌ లో వారి అల్లరి, పంచ్ డైలాగ్‌లు ప్రేక్షకులను కడుపుబ్బా నవ్విస్తున్నాయి. ఈ చిత్రం మార్చి 29న థియేటర్లలో విడుదల కానుంది.

Follow us