Rajamouli: స్టేజ్ పై భార్యతో కలిసి డాన్స్ చేసిన రాజమౌళి.. వీడియో వైరల్?
- Author : Sailaja Reddy
Date : 01-04-2024 - 9:30 IST
Published By : Hashtagu Telugu Desk
టాలీవుడ్ దర్శక దీరుడు ఎస్ఎస్ రాజమౌళి గురించి ప్రత్యేకంగా చెప్పాల్సిన పనిలేదు. తెలుగు సినిమా ఇండస్ట్రీలో టాప్ దర్శకులలో ఒకరిగా రాణిస్తూ దూసుకుపోతున్నారు రాజమౌళి. ఇప్పటివరకు ఆయన దర్శకత్వం వహించిన సినిమాలు అన్నీ కూడా బాక్సాఫీస్ వద్ద బ్లాక్ బస్టర్ హిట్టుగా నిలిచాయి. ఇకపోతే రాజమౌళి చివరిగా ఆర్ఆర్ఆర్ మూవీ కు దర్శకత్వం వహించిన విషయం తెలిసిందే. రామ్ చరణ్ జూనియర్ ఎన్టీఆర్ నటించిన ఈ సినిమా బాక్సాఫీస్ వద్ద బ్లాక్ బస్టర్ హిట్గా నిలవడంతో పాటు ప్రపంచవ్యాప్తంగా సంచలనం సృష్టించింది. ఈ సినిమాతో రాజమౌళి క్రేజ్ మరింత పెరిగింది.
ఇది ఇలా ఉంటే ప్రస్తుతం రాజమౌళి SSMB29 ప్రీ ప్రొడక్షన్ వర్క్స్ లో భాగంగా బిజీగా ఉన్నారు. ఒక పక్క ఈ పనులను చూస్తూనే.. దొరికిన ఈ ఖాళీ సమయాన్ని ఫ్యామిలీతో సరదాగా గడుపుతున్నారు. ఇటీవలే జపాన్ వెళ్లి అక్కడ ఫ్యాన్స్ తో కలిసి ఆర్ఆర్ఆర్ డేస్ ని మళ్ళీ రివైండ్ చేసుకుంటూ ఎంజాయ్ చేసారు. ఇక తాజాగా తన సతీమణి రమాతో కలిసి స్టేజి పై డాన్స్ వేసి వావ్ అనిపించారు. రాజమౌళి, రమా కలిసి స్టేజి పై అందమైన ప్రేమారాణి డాన్స్ వేస్తున్న వీడియో ప్రస్తుతం నెట్టింట వైరల్ గా మారింది.
View this post on Instagram
అయితే ఈ వీడియో ఏ ఈవెంట్ కి సంబంధించింది అనేది తెలియదు గాని, వీడియోలో రాజమౌళి డాన్స్ మాత్రం అదుర్స్ అనిపించేలా ఉంది. ఇక ఇది చూసిన నెటిజెన్స్ ఈ వీడియోని షేర్ చేస్తూ.. రాజమౌళి ఈజ్ ఏ డైరెక్టర్ ఆల్సో, డాన్సర్ ఆల్సో అంటూ కామెంట్స్ చేస్తున్నారు. కాగా రాజమౌళి భార్య రమా రాజమౌళి ఆయనకు అన్ని విధాలుగా అనుకూలంగా ఉంటూ కుటుంబ బాధ్యతలు చూసుకుంటూనే సినిమాలకు సంబంధించిన పనులను కూడా హెల్ప్ చేస్తూ ఉంటుంది రమారాజమౌళి. గతంలో ఎన్నో సార్లు ఆమె గురించి చెబుతూ ఆమె గొప్పతనం గురించి వివరించారు రాజమౌళి.
Follow us
