Ram Charan: చరణ్, బుచ్చిబాబు సినిమాలో భారీ ఫ్లాప్ బ్యాక్ ఎపిసోడ్

Ram Charan: టాలీవుడ్ స్టార్ హీరో రామ్ చరణ్‌ ప్రస్తుతం శంకర్ దర్శకత్వంలో గేమ్ ఛేంజర్ సినిమాలో నటిస్తున్నాడు. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నారు. అయితే షూటింగ్ విషయంలో ఇప్పటికే ఆలస్యం అయిపోయింది. ఎప్పుడో రిలీజ్ కావాల్సిన ఈ సినిమా సెప్టెంబర్ లో రిలీజ్ చేయాలనీ తొలుత భావించారు. అయితే చిత్రం అనేకసార్లు వాయిదా పడింది. ఈ సినిమా తర్వాత చరణ్‌.. ఉప్పెన డైరెక్టర్ బుచ్చిబాబు దర్శకత్వంలో నటించనున్నాడు. ఈ చిత్రాన్ని ఇప్పటికే అనౌన్స్ చేశారు. అయితే.. గేమ్ ఛేంజర్ బిజీలో ఉండడం వలన ఇంకా సెట్స్ పైకి రాలేదు. మార్చి నుంచి ఈ చిత్రాన్ని సెట్స్ పైకి తీసుకువచ్చేందుకు చిత్ర యూనిట్ సన్నాహాలు చేస్తున్నది.

చెర్రీ, బుచ్చిబాబు చిత్రం అత్యంత ప్రతిష్టాత్మకంగా తెరకెక్కించబోతున్న్నారట. ఇందులో భారీ ఫ్లాప్ బ్యాక్ ఎపిసోడ్ ఉంటుందట. ఈ ఎపిసోడ్లో భారీ యాక్షన్ తో పాటు.. ఫ్యామిలీ ఎమోషన్ కూడా ఉంటుందట. ఈ ఎపిసోడ్ మూవీకే హైలెట్ అనేలా ఉంటుందని టాక్ వినిపిస్తోంది. ఈ చిత్రానికి ఏఆర్ రెహమాన్ సంగీతం అందిస్తున్నారని వార్తలు వచ్చాయి. ఈ వార్తలను నిజం చేస్తూ మేకర్స్ ఈ మూవీకి రెహమాన్ మ్యూజిక్ అందిస్తున్నారని అఫిషియల్ గా అనౌన్స్ చేశారు.

ఈ సినిమాను ప్రముఖ నిర్మాణ సంస్థ మైత్రీ మూవీ మేకర్స్ సమర్పణలో వృద్ది సినిమా బ్యానర్ పై వెంకట సతీష్ కిలారు నిర్మిస్తున్నారు. ప్రస్తుతం ప్రీ ప్రొడక్షన్ వర్క్ జరుగుతోంది. ఇక ఈ సినిమా కథానాయిక విషయానికి వస్తే.. ఇందులో ఇద్దరు కథానాయికలు ఉంటారని.. ఒకరు బాలీవుడ్ బ్యూటీ కైరా అద్వానీ కాగా సెకండ్ హీరోయిన్ ఎవరు అనేది ఇంకా ఖరారు చేయలేదని సమాచారం. త్వరలో పూర్తి వివరాలను ప్రకటించనున్నారు. ఉప్పెన సినిమా తర్వాత నుంచి బుచ్చిబాబు ఈ సినిమా కథ పైనే వర్క్ చేస్తున్నాడు. కథ మాత్రం బాగా వచ్చిందని టాక్. మరి.. చరణ్ ని బుచ్చిబాబు కొత్తగా ఎలా చూపించబోతున్నాడో..? ఎలాంటి విజయం సాధిస్తాడో..? అనేది ఆసక్తిగా మారింది.

Also Read: Devara : ఎన్టీఆర్ స్క్రీన్ నేమ్ మారింది చూశారా.. ఇక నుంచి అదే రచ్చ..!