Shah Rukh Khan Cars: బాలీవుడ్ హీరో షారుక్ ఖాన్ వ‌ద్ద కోట్లు విలువ చేసే కార్లు.. రూ. 4 కోట్ల‌తో వ్యాన్‌!

Shah Rukh Khan Cars

Shah Rukh Khan Cars: బాలీవుడ్ స్టార్‌ షారుక్ ఖాన్ (Shah Rukh Khan Cars) తన 59వ పుట్టినరోజును ఈరోజు నవంబర్ 2వ తేదీన జరుపుకుంటున్నారు. ప్రపంచ వ్యాప్తంగా ఆయనకు కోట్లాది మంది అభిమానులు ఉన్నారు. SRK తన నటన, తెలివికి ప్రసిద్ధి చెందాడు. షారుక్ ఖాన్ ఎప్పుడూ తన హాజీబ్‌తో అభిమానుల హృదయాలను గెలుచుకుంటాడు. పరిశ్రమలో 30 ఏళ్లకు పైగా ఉన్న‌ షారుక్‌కు కార్లంటే కూడా చాలా ఇష్టం. అతని గ్యారేజీలో చాలా లగ్జరీ కార్లు ఉన్నాయి. షారుక్ తరచుగా కనిపించే టాప్ కార్ల గురించి ఈరోజు మ‌నం తెలుసుకుందాం.

రోల్స్ రాయిస్

పఠాన్ సినిమా సూపర్‌హిట్ అయినప్పుడు షారుక్ ఖాన్ రోల్స్ రాయిస్ కారు కొన్నాడు. కారు నంబర్ ప్లేట్‌పై ప్రత్యేక నంబర్ ‘555’ ఉంది. ఈ కారు 6.75-లీటర్ ట్విన్-టర్బో V12 ఇంజన్‌తో పనిచేస్తుంది. ఇది ఇప్పుడు 600 హార్స్‌పవర్, 900Nm టార్క్‌ను ఉత్పత్తి చేస్తుంది. పవర్ ఫిగర్‌లను సాధారణ కులినన్‌తో పోల్చి చూస్తే 29bhp, 50Nm పెరుగుదల ఉంది. ఇందులో 8 స్పీడ్ ఆటోమేటిక్ గేర్‌బాక్స్ కలదు. ఈ కారు ఒక లీటర్‌లో 9.5 kmpl మైలేజీని ఇస్తుంది. కొత్త రోల్స్ రాయిస్ తరచుగా మన్నత్‌లో చూడవచ్చు.

Also Read: US Donation Race : ఎన్నికల విరాళాల రేసులో కమల టాప్.. డొనేషన్ల సేకరణకు రూల్స్ ఇవీ

మెర్సిడెస్ బెంజ్ ఎస్-క్లాస్ విలువ రూ. 1.59 కోట్లు

షారుఖ్ ఖాన్ వద్ద కొత్త వైట్ కలర్ Mercedes Benz S 350d 4MATIC కూడా ఉంది. దానిని అతను ఇటీవలే కొనుగోలు చేశాడు. ఈ వాహనం ధర రూ. 1.59 కోట్లు ఎక్స్-షోరూమ్. ఈ కారులో 3.0-లీటర్ 6 సిలిండర్ పెట్రోల్ ఇంజన్ ఉంది. ఇది 48V మైల్డ్ హైబ్రిడ్ మద్దతును పొందుతుంది. ఈ ఇంజన్ 367 హెచ్‌పి పవర్, 500 ఎన్ఎమ్ పీక్ టార్క్ ఉత్పత్తి చేస్తుంది. దీని గరిష్ట వేగం గంటకు 250 కి.మీ.

షారుఖ్ ఖాన్ వద్ద రూ.4 కోట్ల విలువైన వ్యానిటీ వ్యాన్ ఉంది

బాలీవుడ్ సూపర్‌స్టార్ షారుక్ ఖాన్‌కు చాలా లగ్జరీ కార్లు ఉన్నాయి. అయితే అతని రూ. 4 కోట్ల విలువైన వ్యానిటీ వ్యాన్ తరచుగా వార్తల్లో నిలుస్తుంది. షారుక్ తరచూ తన వ్యానిటీ వ్యాన్ వోల్వో BR9ని ఉపయోగిస్తుంటాడు. దీని విలువ రూ.4 కోట్లు. ఈ వ్యాన్‌ని ముంబై లేదా దాని చుట్టుపక్కల ప్రాంతాలలో సినిమాలు, ప్రకటనలను చిత్రీకరించేటప్పుడు ఉపయోగిస్తారు. ఈ వ్యాన్‌లో ఎక్కువ ఫీచర్లను చూడవచ్చు.

Follow us